《當你真係鍾意一個人，你真係只敢loop她的instagram和facebook?》: 第一章（甜）
一整晚我都睡不著，不斷重複一個動作，就是loop 她的instagram 和facebook , 我大概只敢從這種方法去了解那個女孩的近況。
翻開一張張關於她照片的時候，我像是撞低了調味箱，五味雜陳，一下子沖上味蕾，不知道該怎樣形容。記得第一日見到她的時候，她還穿著學生會的紅色t-shirt和白色的短褲，紅色的t-shirt顯得她皮膚更白哲，當時她的樣子很青澀，是一個清純可愛的鄰家女孩。
她真係好靚，好清純。
從我第一次見到她，我已經深深被她那股氣質吸引著。
那天，我返學校是因為要去學生會睇下組莊班同學，再講下自己想做咩位。其實我去之前已經決定左唔會上學生會支莊，因為當時我緊張成績多於一切，但自從我見到她的那一刻，我猶豫左好耐，究竟我應不應該去為了結識她而上莊？
於是我將呢個問題交比我的好友- 阿儀。
「姐係咁，阿健。」阿儀坐得像個男子漢般一樣跟我說著。
「唔好話我唔教精你，學生會支莊就真係上黎吃力不討好。你話你想溝女，fine!
但係咪得上莊呢個方法先？我同你分析下。」
「上莊，溝唔溝到佢我唔敢講，但換黎一定好多野搞同好多人事上煩，你唔係唔知學生會好多小圈子架啦？！」
「唔上莊，同樣有可能溝到佢或者溝唔到佢。但一定多好多時間去做自己想做的事，包括溝佢。」
話畢，我去見組莊班同學的時候，已經表明我應該沒興趣上呢支莊，同時亦代表我失去了一個機會認識她。
開學已經過左幾個星期，我還沒有遇見她。
雖然我的腦海對她的印象好模糊，只記得她是一個好靚的女仔， 但那份感覺一直令我茶飯不思，每晚臨訓都好掛住佢，搞到我個心成日都“羅羅孿”。
究竟我要點先可以見得番佢？
多年都溝唔到女的經驗話我知我不能繼續慢慢等機會，我要自己制造機會，於是我不斷搵同學與同學之間的instagram，當我還在搵緊其他同學相時，突然驚覺有個女仔的感覺好熟悉 。
是她啦！
我立即二話不說記低佢instagram同search左佢facebook出黎， 但我並沒有add同follow佢，最主要係因為我恐怕比左一個狗公的形象她，日後可能連兵都冇得我做，咁就大獲！
其實搵了她的instagram出來我除了每晚癡呆的loop她instagram和facebook的相，我還是沒有在現實世界認識她，只好看著她的相以解我相思之苦。
我一直望住佢instagram嘅相同佢facebook，一邊幻想呢個女仔係一個咩類型的人。
「嘩！佢去台灣環島踩單車。」
「Err…佢有keep住跑步。」
果然呢個女仔唔係得個靚樣，重會唔怕曬做運動！
Facebook打住呢句野“如果你認識以前的我，那麼你就會原諒現在的我。”
究竟係咩意思？我上網一search，發現係張愛玲的名句？
嘩！呢個女仔太完美，樣靚唔再講，竟然重會咁有文化，睇張愛玲的書，係一個動靜皆宜的好女仔！
如是者我每一晚都會click入去佢instagram 同facebook睇佢嘅相同打出來的句子，係我腦海慢慢塑造出一個屬於我心目中嘅佢。
我每晚的睇佢instagram和facebook的反應大概如下。
「嘩！佢重有去過睇凡爾賽宮睇藝術品。」好有內涵呀！～～Y(^_^)Y
「不得了！佢重會探訪籠屋做義工，完全唔怕個環境唔衛生惡劣。」呢個女仔娶得過！
「太勁啦！佢竟然會聽譚詠鄰的歌……」佢個人咁鍾意舊歌，一定係個對感情專一嘅女仔。Err…好似唔關事，唔理啦！？總知佢就係專一啦！（我覺得）
由於我每晚都睇佢instagram同ff佢，我對佢嘅感覺已經唔係好感而已，我開始真係愛上左佢，但我一直重煩惱緊點樣去識佢。
有一日，我終於忍唔住打比阿儀問。
「阿儀，今鋪點算？點識佢。」
「你同我定喎！同一間大學，你慌識佢唔到？」阿儀好淡然的應我。
「咁又係。」我聽完之後又好似有點道理。
積積復積積，木蘭當戶織。
幾個星期又幾個月都過了，雖然有時都會係校園遇到她，但我還沒有機會認識她，時間亦差不多到了完sem。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
誰料，剛剛撞正岩岩
時間又到了下一個sem。
今個sem我選了fundamental finance 的course讀，我上第一堂finance course的時候，剛好坐在正中央的女生便是她。
我當然沒有錯失這次機會，我故意坐在她旁邊。
「雖然今日係第一堂，但同你地講下先，呢科要做大project，佔60﹪，所以係冇考試嘅。」
「順帶一提，6個人一組，可以少過，但唔好多過6個人！」
我見到她眼神好似好慌張，好似深怕沒人跟她一組。
她終於向旁人開口道：「我可唔可以同你地一組呀？」
那組的健碩男望了她兩眼，他身旁的group mate都細細聲的叫著他不好。
「唔好意思呀？我地5個人夠啦！」健碩男亦只好順從她們應道。
我心諗有冇搞錯？靚女同你一組你咪執到囉，重要拒絕人。但其實諗深一層，或者係因為他們認出阿晴係學生會的副主席，上得學生會呢支莊，通常project都係free ride人多，佢地先唔想冒險加一個free rider 入組。
我決定鼓起勇氣邀請她一齊做project！
「你好！？ 我叫阿健，你有沒有興趣一起做project呀？」我臉紅耳熱得很的說。
「可以呀！我叫阿晴。」她似乎比較放心，眼神沒再周圍張望。
「係呢？你電話係？」她以親切的微笑問我。
我大概看著她的笑容看呆了，好像一個傻仔咁：「……」
大概兩秒過後，我才醒覺道：「9123 xxxx。」
她笑起上來真的很甜，很窩心。