2016NBA

話咁快又一年，當日開季嘅情況仲歷歷在目。早兩日已經打完finals games 7，由LeBron James為騎士隊帶來第一座冠軍獎盃。

作為年輕一輩嘅nba球迷，今年有唔少時刻值得一再回味：Kobe生涯最後一年嘅每一埸波；Kobe最後一場比賽；勇士打破Michael Jordan嘅72勝10敗紀錄；雷霆二少在馬刺系列賽中險勝；西決嘅比賽；騎士成為史上第一隊在finals落後3-1反勝隊伍等都令人懷念。

講到今年playoffs，本人認為最好睇嘅比賽係西岸嘅馬刺對雷霆。呢個系列賽令到以往同KD爭波打嘅二少熄左個自爆模式，成為一個真真正正嘅控球後衛。亦因此先可以在西決同勇士上演一埸刺激嘅系列賽。

而playoffs入面最令大家跌爛幾副眼鏡嘅時刻一定係騎士反勝勇士，成為史上第一隊在finals落後3-1反勝嘅隊伍。

上年總決賽嘅戲碼－勇士對騎士，再度在nba中最高嘅舞台上演。一方面由打破左Michael Jordan72-10歷史嘅curry帶領來勢兇兇，一心蟬聯嘅勇士，對上終於Full Team上陣，由LeBron James三巨頭帶領嘅騎士。總決賽週一開始，本來以為在西決中氣數已盡嘅勇士輕鬆打爆騎士，更打成3-1。但係大帝並冇放棄，即使K.Love狀態大跌，仲要受傷。依然同勇士打得不分秋色，最終更靠lrving嘅3分同Love成功防守curry去穏定勝局。為克利夫蘭帶來第一座冠軍獎盃。





但係最重要嘅肯定係Kobe生涯嘅最後一埸比賽。由於我睇nba嘅時間較遲，比起Jordan，Bird…Kobe先算係我心目中最強，由以往殺人成性嘅黑曼巴，變成在球場上再冇力氣為自己一生中最重要嘅紫金戰衣殺敵。在最後一場完結後，亦感到自己老左。青春，亦跟住Kobe，靜靜離開左。