［回憶］［校園］一個信息改變左我嘅中學生活: （三十三）默默嘅等待

我望實部電話，一直都係度等待個一下嘅震動，我睇住電話嘅背景，係我同埋阿心拖手嘅合照。我又回想當初嘅約定，我地永遠都會一齊架。但係依家反而變到不瞅不睬。
我盲目咁係度等待左1個鐘頭零15分鐘，係依段時間，我個心變到驚慌同埋冷漠，我開始亂諗野，係唔係佢識左個新嘅男朋友所以唔再理我？定係我其實一路都只係一隻兵仔？娘娘見我再無利用價值所以就直接拋棄左我？
我變到好驚好驚，到低阿心佢因為咩事唔理我？
我冷靜落黎，我諗起左一個人，我即刻係聯絡人到打（肥培）。肥培佢平時成日都跟實阿心，可能佢會知道D野啦。我心入面諗。

我：喂，肥培你女神依排係學校點啊？
肥培：無咩點啊。只不過係調左位之後，佢情緒就變到好唔穩定啊。一時就好開心，一時就會好唔開心。
我：咁佢調左同邊個坐啊？
肥培：喂 ，開左波啦唔同你傾住先啦！！
我：喂！喂！喂！




咔嚓一聲，我覺得所有嘅希望都消失，到低阿心佢做咩呢！
我再開番wts，阿心嘅最後上線係11點59分。我手上嘅電話都隨住我個腦袋變得黑暗。我只可以灰心咁望住自己隻腳同埋電話，心入面諗：點解我要撞車啊？係唔係個天都要阻止我延續我地嘅約定？
我嘗試抑制自己嘅情緒，諗返起肥培講個句，佢調左位之後就變到好唔一樣？唔通佢唔理我係同依一個有關？