［回憶］［校園］一個信息改變左我嘅中學生活: （三十二）改變嘅阿心

我望住眼前嘅阿心，仲有手上嘅電話，我就係度諗，我地嘅關係會唔會就因為咁而變得遙遠？每日都見小左8個鐘，我地仲可唔可以好似已前咁？
但係我見到阿心個咁傷心嘅表情，我就無猶疑咁下載左依個程式。我見到阿心嘅wts Icon,我笑左一笑，佢係用我地係雪糕店嘅合照黎做icon。
我地以前真係好開心。我拖住阿心隻手講。
我講完左依一句，醫院嘅探病時間就啱啱好到左。阿心，你夠鐘要走啦。我好唔捨得咁同阿心講。
阿心居然好順攤咁就攞左個袋走左，最後都只係講左一句，我返到屋企wts你啦。
我呆左一呆，平時嘅阿心係要人地趕先肯走，點解今日會咁？係因為要返屋企溫書，定係其他野？
我望住阿心嘅背影，我覺得自己嘅距離同佢愈黎愈遠，係我嘅錯覺？定係我自己嘅多疑？
我係床度不停咁諗頭先所發生嘅事，今日嘅阿心點解會咁唔同？點解佢對我變得愈黎愈冷淡？
我望一望部電話，睇下阿心有無wts我，我見到阿心在線上，但係無wts我？我再睇一睇時間，過左成個鐘都未返到屋企？
突然我係電視道聽到：佢唔會再理你架啦！




我望住阿心在線上依三個字。默默咁樣等待佢嘅wts。