［回憶］［校園］一個信息改變左我嘅中學生活: （二十三）勾手指尾

我地互相對望，面上既帶住滿足嘅笑容，又帶有感動嘅淚水。
我攬住阿心就同佢講：你永遠都唔會遺忘到依一日，因為由依一日開始，你永遠都可以過住好似今日咁浪漫，開心嘅生活。
正當我陶醉緊係我同阿心嘅世界入面嘅時候，突然係褲袋入面響起（勾手指尾）依一首歌。我攞出電話一睇。原來係阿媽嘅急call。
阿媽：喂，衰仔你做咩成9點鐘仲唔返屋企啊！
我都係好例牌式咁答佢：得啦，好快返啦。
我聽完阿媽電話之後，我就諗住同阿心講話返屋企嘅時候，佢就睇住我部電話就話：頭先個首係咩歌黎架？我覺得好好聽啊。
我開番首歌比佢聽。我就答阿心：頭先個首歌叫勾手指尾啊，你係咪好鐘意啊？不如依首歌就攞黎做我地嘅歌囉，好唔好啊？
但係唔知係佢太沉醉係音樂世界嘅關係，定係佢帶住耳機嘅關係，佢一句都聽唔到我講嘅野。
但係我只係知道，佢不斷咁重播依首歌，直到佢去到地鐵站為止。
我望一望阿心佢陶醉嘅樣，再回想番頭先所以發生嘅事。




我腦海就浮現左一句野出黎：那天我共你勾手指尾，答應過會更愛你。。。。