［回憶］［校園］一個信息改變左我嘅中學生活: （二十）承諾與質疑

做咩突然之間咁認真喎？阿心笑住咁講。但我諗返我地只係一對F2嘅情侶，並唔需要有太多嘅承諾。
我地只不過係一段青澀之戀，大家都係出於一時嘅興趣，並唔可能會有一段長久嘅愛情，所以承諾唔會有任何嘅用途。依句說話不斷咁排徊係我腦海。
但係之前承諾低嘅考入精英班，攞到籃球比賽冠軍，全部我都歷歷在目。
由一個廢青轉變成一個有用嘅學生，所經歷嘅野我都係記憶猶新。
我為阿心許下左咁多嘅承諾，同埋做左咁多嘅轉變，我點解要係依個時候質疑自己呢？
點解我要比自己嘅心魔影響？我係咁問回想依個問題，突然阿心一下嘅叫聲就將我叫醒。
阿心：阿銘你做咩無啦啦企係度呆左啊？
依句野令我將頭先所有嘅質疑，同埋心魔通通都拋諸腦後，我只係好簡單咁答左一句。
我只係諗緊點先可以對你更加好。