［回憶］［校園］一個信息改變左我嘅中學生活: （十三）公平嘅付出

但我為佢改變又點會只係脫離廢青啊，我唔單止因為佢而唔再打機，改為練波同訓練，我更加會因為想下年同阿心一班，而強迫自己要有級三十名以內，先有機會同佢一班。我當時就好有信心咁同佢講：（我一定得嘅，你要相信我）但係到底點先可以令一個級名次一百幾嘅廢青，變成一個級名次三十嘅精英呢？我當時並無諗過有無可能成功，只係諗住我要得到阿心，我就一定要付出同改變。
我一直付出左咁多，改變左咁多，都只不過係想阿心嘅開心同埋佢可以有一份自豪感。所以我先不斷咁付出。
但係個天係公平嘅，付出嘅又點會只係得我啊，阿心都付出左好多時間陪我，就好似佢陪我出街依一件事咁，佢就足足陪左我5個鐘啦。