［回憶］［校園］一個信息改變左我嘅中學生活: （九）重新回憶

當我一路行，一路回想住事嘅時候，已經不知不覺咁到左屋企，我訓係床上面，望住部電話，突然阿心打左個電話黎。就話：阿銘，今日就係最後一日，我好唔捨得我地咁多年嘅回憶啊，你可唔可以同我一齊重新諗起以前嘅事啊？當係你比我嘅最後一份禮物啊。
我靜左一陣，我就答左佢一句：好啊。我地就打開左彼此嘅回憶錄啦。
而一切嘅片段，都係由佢依一句而重新浮起，阿心：阿銘，你仲記唔記得當初你同我一齊果時嘅日子啊？