［回憶］［校園］一個信息改變左我嘅中學生活: 續（四十）時間線

我都唔等知點解會有呢個感覺啊，但係我平時係學校見到佢真係有一份難以形容既高興，我知道你係佢女朋友，不過我地都咁多年姊妹，可唔唔可以唔好嬲我同埋幫我諗下點樣解決呢個問題啊。
你可能聽到呢個位置你就會好想知點解我本身都唔識阿銘，依家居然會鐘意左佢。咁你知唔知係佢出院之後去左邊班啊？咁你知唔知佢個位係邊同坐邊個隔離啊？係坐左係我隔離啊！突然一下既高音同埋聲音既增大，令嚇到我差d跌左部電話落地下。
同時，我暫停左段錄音，去睇一睇段錄音播左幾耐，2分10秒，估唔到係呢個咁短既時間都可以令我既悔意散佈到去身體任何一個角落。
係一開始既時候，我地兩個係不和架，一個月都唔知講唔講到十句野，當時我仲話：大家唔好理大家，就算傾計，食野，所有行為都唔可以干涉。
可惜，緣份點都唔係我操控，同埋經常見面，仲要坐係隔離坐，都好難避免到日久生情既機會，但微妙既感情就只係係建基於係某一次既家政堂，一件好小既事，但都可以溶化到我個心，同埋起左愛意。阿心既語氣由一開始既衷傷慢慢轉化到春心蕩漾，唔通我影響真係咁大？咁係我離開佢個時個樣會係點架呢？偏偏我個腦唔比我搵返呢個時間線裏面最重要既個一塊拼圖。
我抵受唔到良心既責備，我洗一洗塊面，對住眼前呢個十年前狠心拒絕人既自己講：我做咩要咁無情，我做咩要糟塌人地既感情？
[嘟嘟]，手機無電既提示，錄音停止既一瞬間，仲有我對自己既狠心所作出既後悔，三樣野都係同一秒發生，到低一條同樣既時間線，係唔同既環境既一秒又會有咩唔同既野發生？


對唔住咁多位讀者，由於小弟呢一個星期都係要考試，所以無出到文，同埋都無通知到各位讀者，所以我聽日會連出兩篇文黎補償返比你地，希望你地唔好介意同埋繼續支持啦。