［回憶］［校園］一個信息改變左我嘅中學生活: 續（二十九）考驗

我同阿媽睇到之後，都對住部電視大叫，我仲好激動咁攬住阿心，但佢咁係好勉強咁係度抄興奮。點解咁大嘅喜訊你好似都無咩感覺嘅？你做咩依排情緒好似好低落咁嘅？我好耐心咁講。 阿心： 阿銘，你想過安穩平庸嘅生活？定係奔波幸福嘅生活？我：唔⋯唔知啊，你做咩咁問嘅？係咪同呢件事有關係架！
你答左我先啊，平穩定係奔波啊？阿心好激動咁大叫。
阿心，你係咪又為左錢又再去求你阿爸啊？點解你係都要出賣面子啊？我知道你唔想再去到邊都怕比人影相，做啲咩都可能會有人知道，但只係忍一陣架咋。雖然你依家過住咁嘅生活，但你要信我：有一日，我一定可以帶你去一個遠離塵囂嘅花田，建設我地嘅家啊。我好心憤咁講。
後生仔，我果然無睇錯你，你唔係以前貪我錢埋阿心身邊嘅騙子，亦對阿心有一份上進嘅承諾，你通過左我比你嘅考驗，由呢一刻開始，我唔會再對你作出阻攔，以後有能力斷絕同阿女來住嘅人，就只有你自己！阿心阿爸對攝影機講。
阿心眼帶淚光咁對我撲過黎：我頭先真係好驚啊，我好驚呢個賭博開得太大。
我：吓？係一場一早預備好嘅戲？
阿心點左下頭，興奮咁對住我講：尋日我聽完何伯講嘅野，我諗起左阿爸，佢明明唔會咁多理我依啲嘅，但依家就三番四次咁阻攔，所以我先諗得出佢係想考驗你，而孤注一擲。
都係阿心你最聰明，唔係你依個舉動嘅話，我可能又已經服到唔同人嘅折磨。