［回憶］［校園］一個信息改變左我嘅中學生活: 續（二十三）危機

我cut左線之後，聽到一個護士慢慢咁向我呢邊行過黎，我地三個人眼定定咁望實佢。唔通佢就係阿心阿爸係醫院入面嘅內應？
我潛意識咁行近左阿心，佢一步步咁行近，直到佢拎出左一件紀錄板出黎，我地個心先定左落黎，一切都係我地疑心太大。
呢個病人可以去辨出院手續啦。個護士好親切咁講。
我地係搭車返去嘅途中，阿心好驚咁問左我一個問題：如果因為我而對你地其中一個造成影響，你地會唔會怪我架？如果你地介意嘅我可以返去架⋯
我同阿媽聽到都嚇左一跳，我驚到立即係阿心耳邊講：我地點會介意啊，如果我介意嘅就唔會冒著犯法嘅風險都要帶走你啦，如果我介意嘅我就唔會肯帶你上我屋企啦。最令我介意嘅其實係你嘅諗法同埋感受啊！
如果呢度一個小小嘅阻撓我都抵抗唔到，我仲憑咩同人講我要同你一生一世？點可以令人信我娶你會係我一生嘅夢想？
阿心同阿媽聽完我呢一番說話，兩個人嘅眼淚都應聲俱下。阿心攬住我講：假如我阿爸做左D咩，我都希望你地唔好有太大嘅影響啦，如果唔係我真係會過意唔去架。
阿媽係呢個時候突然變到好冷靜咁講：呢度係車黎架，等陣比人拍左片擺左上網就仲麻煩啦。
就係佢講完呢一句之後，就聽到好大聲嘅「嘟嘟」





對唔住咁多位讀者，因為我要考試嘅關係，可能更新速度會慢左，應該2-3日一篇，希望你地唔好介意，繼續支持同埋將我寫嘅故分享比其他人啦。