［回憶］［校園］一個信息改變左我嘅中學生活: 續（十八）未來

我望住阿心開心到連訓覺都笑嘅樣，我就覺得所有付出都係值得嘅。或者放棄前途真係太魯莽，但係笑容點都係要用一啲野換返黎⋯⋯
我諗到呢一度，就已經下定心意要去揾一份工，至於讀唔讀大學，呢樣野我都已經拋諸腦後。眼見所有嘅煩惱都已經解決，睡意又慢慢翻黎，再次拉我入夢鄉。
起身啦，阿銘。阿心係我耳邊溫柔咁講。
我迷迷糊糊咁睇一睇眼前嘅阿心，明顯咁睇得出阿心相比以前多左一種特別嘅感覺，既溫暖又舒服嘅感覺。
係因為佢搬左黎左我屋企住，定係因為佢我第一次見咁嘅狀態嘅阿心？我笑左一笑講：你咁早起身嘅，訓得好唔好啊？
阿心：訓落就無乜問題，但係唔知點解尋晚不停聽到有人講野啫。
我聽完之後呆左一呆， 然後諗左一陣，唔通佢講嘅就係我？但係我都係一笑置之，只係草率嘅答佢一句：係咩，可能係因為尋日假期掛。
阿心聽完都只係點左一下頭。過左一陣，我醒起自已仲未問阿心嘅意見。
我：阿心，你想以後係度長住，定係你想住係大學嘅宿舍啊？但係如果住宿舍嘅話，可能會有啲唔方便⋯⋯
會有咩唔方便啊，宿舍唔係仲方便翻學咩？就算唔住宿舍，你屋企都未必有位比我長住啦。阿心好疑惑咁講。




到低我應唔應該同阿心坦白呢？但係坦白左佢又會點諗呢，如果佢覺得自己會阻我前途，然後翻去阿爸度住，咁我咪前功盡廢？
我眼見住心魔嘅搏鬥，我最後都係選擇左一對情侶最需要嘅行為—坦白。
阿心我諗住⋯⋯
阿仔！叫鐘起身啦，我同你約左班親戚去飲茶慶祝你入到大學啊！阿媽係我房門口大叫。
我用無奈嘅眼神望一望阿媽。