天使原來是男生（舊名：魯莽天使）[小甜][變身][男變女][籃球]: 58
~一軍留左喺醫院日夜照顧我，兩日之後我就出得院啦。
老豆...表妹同一軍三個一齊離接我返屋企，我翹住一軍好開心咁返到去，
嘻嘻...一軍同老豆兩個好friend咁一齊煮飯比我食....，
我就好似個公主咁...，比佢地兩個愛錫，真係好幸福呀。
食完飯之後，我同一軍一齊入左睡房。
「…做咩呀...小欣?」我望住左一軍，佢而家換左睡衣準備訓上床。
「…一軍...你...係度住架?」我問。
「…小欣...我成日都上離訓架啦。」一軍講。
「...嘻嘻...乜...係咩。」我笑笑口咁講，唔緊要啦一軍喺度訓咪仲好。
「...咦...我隻多啦a夢呢?」我訓左落床之後問。
「…咩...多啦a夢呀?」一軍好疑惑咁問。
「…我地去海洋公園，你贏比我果隻呀。」我有啲唔耐煩咁喺度搵緊。
「…我地...邊有去過海洋公園呀?」一軍口窒窒咁問。
「…我生日果次喎?」我繼續問。
「…真...真係冇。」一軍好肯定咁答我。
「...嗚.....嗚....。」唔可以呀....依個根本唔係我嘅世界....，
就算面前幾咁美好...根本就唔係真嘅。
「...小欣...做...做咩事呀。」一軍好緊張咁，
我而家起左身，想跑出街啦。
「…小欣...去邊姐。」一軍捉住左我隻手唔比我走。
「…放手呀...你根本唔係我果個一軍....。」
我好激動咁fing開左一軍隻手，之後跑左出街。
「…小欣...小欣。」一軍喺後面係咁叫住我，但係我冇理到佢，
因為我知道佢，根本就唔係同我一齊開心過...笑過...果個一軍，
就算佢而家有幾錫我都好啦，都唔係真架。
「...吁....呼....。」我跑左去後樓梯，不斷向上跑，
唔知跑左幾耐，我跑到去天台。
唔知點解天台冇上到鎖，我好輕易就推開左度門跑左出去。
「...小欣...冷靜啲呀...。」一軍已經跟住我後面追到上離天台啦。
「...你...唔好過離呀!!!」我企左上天台側邊啲欄上面大叫。
「...小欣...唔好呀...，你返落離先啦。」一軍好緊張咁講。
「...你唔係佢呀...嗚嗚...你根本就唔係...嗚嗚。」我開始大喊起離。
「…唔係呀...我真係一軍呀，離啦...乖啦...返埋離我嘅懷抱啦。」
一軍而家張開左對手，慢慢咁行緊埋離。
「…嗚嗚...點解喎。」喺依一刻我開始猶豫，我應該點做呢?...
我應該接受依個一軍嘅愛，然後喺度同佢幸福快樂咁生活落去?
定係...搵返果個...可能已經唔再愛我嘅一軍?...我到底點做好呀!!!
「…小欣...係咁啦...返埋離啦。」喺我猶豫緊嘅時候，
一軍繼續慢慢向我移近，去到淨返幾個身位嘅距離。
「...我諗通左啦。」我突然好冷靜咁講左句說話。
「...咁...咁咪乖囉...，離啦...行返埋離我度啦。」一軍鬆左一口氣咁講。
「…我決定要離開依度，返去搵我嘅一軍。」
講完之後...，我就向後跳左出去啦。
「...唔....好...呀...。」好似聽到一軍嘅大叫咁。
~咇......。而家周圍又變到好光，白濛濛一片咁嘅...。
~咇.......。依啲咇咇聲，到底係咩離架?
~咇.......。
~咇.......。
~咇.......。咦....個天花板，咁熟面口嘅?
~咇.......。醫院?
「...表妹...係咪表妹呀?」我隱約望到有個女仔僕左喺我床邊，
而家我好似身處喺一間私人病房咁。
「...吓...表...表姐，嗚....你醒啦...嗚。」女仔聽到我微弱嘅聲線，
抬起左頭，係呀...係表妹呀，我真係返到離現實世界啦，
但係....而家淨係得表妹一個喺度，現實世界真係殘酷，
一軍已經唔會再出現，我係時候要接受現實啦...周子欣。
「...發...發生咩事呀?」我用微弱嘅聲線問表妹。
「…點解要咁傻喎....嗚...如果你自殺死左，得返我一個孤伶伶咁我點算喎…嗚!!!」
表妹喊住咁攬左埋離我度，我諗今次...應該係真架啦。
~哇啦~ 廁所入面突然傳離沖水聲。
~嚓....~有人推門而出...。
「…....。」我呆左....點解....一軍...會喺度嘅....，唔通...我仲係發緊夢。
「...小....小....嗚....小欣...嗚嗚。」一軍亦都呆左幾秒，
之後唳水開始流出，一軍...竟然...喊?...我都係第一次見咋。
「...嗚....嗚...。」一軍喊到收唔到聲，衝左埋離床邊攬住左我。
「...一...一軍...你....唔係已經知道左啦咩?」我細細聲問。
「....嗚...傻婆....就算你之前喺點，有啲咩呃我...都唔重要呀....嗚嗚....
我唔係應承左小欣你...一定會原諒你架咩....嗚嗚....點解要咁傻喎....。」一軍繼續爆喊。
「…但...但係...，一軍你...真係唔介意?」我好疑惑咁問一軍。
「我鍾意嘅...係我識嘅周子欣呀....，佢以前係邊個咁又點喎...
我一啲都唔在乎呀....。」一軍繼續好激動咁講。
「...一...一軍。」我有小小感動咁講。
「...記唔記得我地喺台灣放天燈果陣，寫過啲咩呀?...
我要愛小欣你...一生一世呀，如果係都要喺依份愛加上一個期限...」
~看 看著你的臉~
「...我希望係....一萬年。」
~躺在我枕邊 ~是你令時光蔓延~
「……嗚嗚....一軍。」
~你 折射了光線 刷亮我眼邊~
~午後陽光彷彿給你加冕~~不管身邊多改變 只顧這日誓言~
~一聲不發在你身邊~~不許你註定一人 永遠共你去抱緊~
~一生中百樣可能 愛上你是種緣份~
~簡單的一吻 手心的抖震~
~示意我再不必孤單寄生~
~只想會有日可能 與你共姓的身份~
~要回望這生 也有你陪襯~
~不作陌生人 只做你情人 不枉此生~
我同一軍再一次擁吻，令我有一種由地獄又折返人世嘅感覺，一軍多謝你呀....。
「…係啦...我訓左幾耐呀?」擁吻完之後，我問一軍。
「...你已經昏迷左三日架啦...。」一軍好感觸咁講。
「...係呀...表姐，一軍哥已經三日三夜喺依度冇走過架啦，
而且亦都因為一軍哥及早發現表姐你...送你離醫院先救得返表姐你咋。」表妹喺側邊講。
「…表妹牙...你有冇陀螺喺身呀?」擁吻完之後我擰左過去問表妹，
因為我好驚而家自己仲係發緊夢呀，睇(潛行凶間)呢，
如果仲係發緊夢嘅話，個陀螺係會不停咁轉架嘛。」我問。
「…吓….陀螺?...無啦啦點會有呀?」表妹好疑惑咁問。
「…咁牙...表妹你試吓...大大力咁搣我一下吖。」我戇居居咁講。
「…哦....。 ....哧！！！」表妹出盡奶力咁搣左落我塊面度。
~咔吧~
「...娃.....。」
「...哈........。」
「……吖...........。」
「…………好...很....痛.....呀....。」