天使原來是男生（舊名：魯莽天使）[小甜][變身][男變女][籃球]: 56
~咦...依度係邊度呀?點解周圍坐滿哂人嘅?
「…一軍...你今日著得好靚仔呀。」點解一軍會著住套西裝嘅，
而家我地身處喺一間好似課室咁大嘅房度，周圍坐滿哂我地啲親戚朋友...。
「...老...老豆...。」老豆都著住西裝喎，
成世人都未見過囉...點解今日咁奇怪嘅?
「...喺你地兩位結為夫婦之前，本人有責任提醒你地，
根據婚姻條例締結的婚姻，係莊嚴而有約束力嘅，
喺法律上係一男一女自願終生結合，不容他人介入。...」有個唔識嘅西裝佬坐左喺我地前面講。
「...我請在座各位見證，我倪一軍 願意娶你周子欣為我合法妻子。」
一軍拎起枱上面嘅一張紙讀。
吓....我同一軍結婚....咁快架咩?
「…子欣...。」一軍望住左我。
「…吓...?」唔知做咩事，而家全部人望住哂我嘅?
「...讀...誓詞呀...。」一軍喺我側邊細細聲講。
「...吓...哦....。」我完全唔知發生咩事咁拎起張紙讀啦。
「...我請在坐各位見證，我 (新娘姓名)。」我讀緊。
「...喂...你自己個名呀。」一軍繼續細細聲講。
「…哦...我請在坐各位見證，我周子欣願意嫁你倪一軍為我合法丈夫。」我由頭讀多一次。
「…我而家正式宣布，你地兩位已經成為合法夫妻啦，
倪生倪太，你地可以交換戒子啦。」西裝佬講。
「…wu....咀佢咀佢...。」而家所有人喺度起鬨緊呀。
「...老婆...。」一軍好開心咁望住我講，
之後就慢慢伸個頭埋我度啦....。
「…老公...。」我亦都張塊面貼向佢。
~人潮像繁星 火星只可似火星~
~空氣未允許任性 模糊面目裝飾佈景~
~遺忘能做夢那份天性~
電話鬧鐘響起。
我同一軍都同時醒左，而家你眼望我眼。
「...老公...。」我望住一軍溫柔咁講。
「...傻豬...咁快想嫁比我拿。」一軍亦都係細細聲好溫柔咁答我。
咪住先....我頭先唔係嫁左比你啦咩?....
咦.....依度咪阿成屋企...原來...頭先係發緊夢咋....㖿....搞錯呀，
搞到人地仲鬼死咁開心。
「…我頭先發夢...嫁左比你呀...嘻嘻。」我有小小尷尬咁講。
「…哈哈...咁我仲係咪咁靚仔架先?」一軍笑笑口咁問我。
「…嗯...。」我答。
同一軍再攬多一陣，我就起身梳洗啦。
因為琴晚冇沖涼，我依家覺得自己好污糟添....。
原來依間客房係連埋浴室架，好似酒店咁...唔洗行出房就可以梳洗，
而且仲有個大大個嘅按摩浴池喺度，緊係落去浸返夠本先啦。
「...一軍...。」我喺浴室叫返出去。
「...做咩呀...小欣。」一軍行左入離之後問我。
「...原來有個咁大嘅按摩池喎，你...浸唔浸呀?」我細細聲咁問一軍。
「…吓....一齊?」一軍面都紅埋啦。
「…er....褸住毛巾囉。」我亦都有啲面紅，口窒窒咁講。
「...咁....咁...好吖...，浸吓都應該幾舒服嘅。」一軍口窒窒講。
之後一軍就開始幫我校水啦，我一個人出返出面，
而一軍就自己一個喺浴室入面研究個池，隔左五分鐘之後。
「…小欣...ok啦。」一軍喺浴室叫我，
之後我就慢慢行返入去啦。
喺出面果陣，我已經除低哂衫褲，褸起左條毛巾圍住左成個身，
行到入去，就見到一軍同樣係褸住左條毛巾遮住左下身。
「...小...小欣...ok...架啦。」一軍一邊望住褸住毛巾嘅我呆呆地咁講。
「…嗯...。」我亦都點一點頭。
之後我地兩個就行左入個浴池度啦。
「...吖....好舒服呀。」我忍唔住叫左出離，因為真係好正，
坐左落去，背脊果啲位會有啲水係咁打你...而家個池仲要發出七彩嘅光添，好鬼死靚囉。
「...做...做咩呀...一軍。」一軍聽到我叫之後，
唔知點解擰歪面唔敢望我咁。
「...er....太...太刺激啦....我想分一分心，小欣你唔洗理我住。」一軍面紅紅咁講。
「...er...哦...。」原來一軍生理反應到，
而家隔住條毛巾都見到一軍下面凸起左。
所以我都係唔刺激佢啦，繼續唔出聲咁慢慢享受...。
浸吓浸吓....因為太舒服嘅關係，我又恰著左啦。
~...潺潺...~一軍嘅上水聲嘈聲左我。
「...小欣...你繼續浸啦，我差唔多啦。」一軍見到我醒左，所以同我講。
「...哦....。」我答。
之後一軍就行左出去啦。
一軍走左之後我都冇繼續浸啦，行返去企缸果邊洗頭，沖涼啦，
搞完一大輪行返出去果陣一軍已經著好哂衫坐左喺櫈度玩緊手機啦。
「...嘻嘻...等左好耐牙?」我笑笑口講。
「…唔係吖...一陣姐，頭先kimmy打比我話可以落去食早餐啦喎。」一軍講。
「...哦...。」哦完之後，我就同一軍兩個行返落去啦。
其實出到房門口，我已經唔識點行，因為依度真係大到好似個迷宮咁....，
我跟住一軍尾兜左幾分鐘先搵得返條樓梯行落去。
一落到去已經見到kimmy，阿成佢地坐哂喺一張好長嘅飯枱度，
即係好似睇戲果啲有錢人屋企果啲呢...長到坐廿幾人都得。
「...阿哥...阿嫂，坐依邊吖..。」kimmy揮手示意我地坐邊。
「…想食咩呀...你地?」阿成問。
「…是但得架啦...阿成，你幫我地叫啦。」我講。
「…ok...欣姐，霞姨牙...。」阿成叫左個女工過離叫佢拎啲野食比我地，
隔左一陣之後，就有野食啦。
係食西式早餐架....，即係有啲煙肉...蘑菇....
焗豆....火腿蛋果啲呢...咩都有。
「...拿...表姐....。」食緊果陣，表妹無啦啦隊左盒野埋離。
「…吓...咩離架。」我一邊咬住塊煙肉一邊問。
「…表姐你琴晚抽到架。」表妹講。
「...吓...唔明喎。」我好疑惑咁問。
「...你唔記得琴晚最後係大抽獎咩?」表妹睥住我講。
「...咪玩啦...表妹，琴晚我老豆姓咩都唔記得左啦。」我有小小急躁咁答。
「…抽中左你呀，依份喺三獎離架。」表妹再推一推盒野埋離。
「...吓...哦...咁多謝啦。」唔知咩離架啦，
成個鞋盒咁，仲包哂花紙。
「…咦....依部好似係...ps4?」我拆到一半就已經見到個盒寫住ps4。
「…係呀...小欣，仲要連埋隻winning同2k架...。」一軍喺我側邊講。
其實我都唔鍾意打機嘅...抽中都冇咩用。
「...一軍...不如...送比你吖。」我望住一軍講。
「...吓...點得架...，部機係小欣你抽到架嘛。」一軍有啲唔好意思咁。
「…我都唔打機嘅，一軍你鍾意打機吖嘛，係咪先?」我講。
「...不過...。」一軍仲係好尷尬咁。
「…車....一軍哥，表姐嘅咪即係你嘅，
唔洗唔好意思喎。」表妹加把咀。
「...係囉...放喺你度，我上離果陣你可以教我玩吓吖嘛。」我講。
「...咁...咁好啦，多謝小欣。」一軍講。
其實我見到一軍望住部ps4個樣好興奮架...
嘻嘻...男仔可能係鍾意打機啲...。
食完早餐坐多陣之後，我地都喺時候走啦。
阿成叫司機車返我地出銅鑼灣，出到去之後，我地分開左行，
kimmy同表妹就shopping，而我就同一軍二人世界。
「...小欣...想去邊度呀?」行緊果陣一軍問我。
「...er...你話事啦。」我翹住一軍講，嘻嘻...
其實可以同一軍一齊，真係去邊都冇所謂架。
我同一軍漫無目的咁行，行吓...時代呀...又行吓sogo...，
嘻嘻...我地走左落地庫超市係咁試人啲野食...，又走左去宜家睇傢俬...。
「…喂...你睇吓依塊膠砧板幾靚，你屋企塊砧板好舊啦，換左佢啦，
...仲有仲有...依個煲都唔錯呀...。」我一邊行一邊講，成對新婚夫婦咁...嘻嘻。
「...小欣呀...你真係好特別呀。」一軍呆左咁講。
「...咩野特別呀?...特別煩牙?」我問。
「…唔係呀...平時啲女仔，好似我個妹咁，應該好鍾意行街買衫...
睇手袋果啲架...但係小欣你...竟然會陪我行傢俬舖嘅?」一軍講。
「…吓...唔一定架喎，我都唔鍾意打扮嘅....你...唔係嫌棄我吖嘛?」我有小小認真咁問。
「…點會喎...小欣，我就係鍾意你夠特別....唔會好港女咁。」一軍好驚咁答。
「…嘻嘻...算你啦。」我攬住左一軍講，之後就繼續行啦。
行完之後，我地仲食左個熱狗餐...我同一軍一人一半，
你一啖我一啖咁...好sweet呀。
我地之後行左皇室，...行完皇室又無無聊聊咁走左過中央圖書館喎，
其實唔洗錢都真係可以好開心架....，最後我地去左維園。
「…咦...有人打波喎，不如我地跟隊囉?」一軍問我。
「...吓...我地得兩個人咋喎。」我講。
「…是但...搵多個咪得囉。」一軍講。
「...咁...好啦。」我答。
「…不如...鬥波囉。」一軍好快就行左去一邊，
未有人鬥波嘅場度撩人鬥波。
我地兩個再加個唔係咁識打波嘅肥仔，竟然可以連贏三場喎。
我對住男仔都算係不過不失啦，而一軍呢...就超哂班咁...一個打兩個...，
最後仲離左個單手入樽睇到周圍啲人都o哂咀。
你知啦...平時喺街場有幾可見到人入樽架....
所以都真係幾震撼...連我都覺得有啲自豪添呀...。
打完之後我地匯合返kimmy佢地一齊食晚飯，我地去左世貿食牛涮鍋...
原來kimmy同一軍好鍾意打邊爐架...，真係好呀...我同表妹都好鍾意囉....
以後出街唔洗諗食乜啦。
食完一軍照舊送我返屋企，返到屋企門口果陣，
唔知點解心血來潮想同一軍去後樓梯坐吓喎。
「...不如...去後樓梯坐吓囉。」我問。
「...吓...哦....。」一軍個樣好疑惑，可能覺得點解唔入屋坐要去後樓梯啦。
但係點都好，我都係拖左一軍去後樓梯，我地兩個坐左喺梯級度，
我翹住一軍隻手再挨左個頭埋去，唔知點解依度嘅環境，特別有感覺....。
「...一軍....我覺得依家好幸福呀!!!」我好感觸咁講。
「…我都喺呀...小欣。」一軍回應。
之後我地又對望起離啦。
唔知點解每次同一軍對望，都總係有一種魔力去吸引住我將塊面貼埋去一軍度嘅...，
我地又開始kiss起離啦，而且仲互相攬住。
今次嘅kiss同樣激烈，我地直頭係kiss到透唔到氣先識得停咁.....。
就喺我地停低透氣果陣...，我先發覺到...一個人嘅出現。
係泳琳，泳琳而家企左喺樓梯嘅頂處向下望住攬住左嘅我同一軍，
表情相當之疑惑...又帶點驚訝....好似有啲不知所措咁....。
「…小欣....。」一軍見到我企左起身望住泳琳，所以叫一叫我。
「...等我自己解決啦...一軍....，你落樓下等我吖...。」
我繼續望住泳琳，頭都冇擰好認真咁同一軍講。
「...咁...小欣你...自己小心啲啦。」一軍講完之後就行左出走廊，
而家後樓梯只係淨返我同泳琳兩個....。
「…係咪一軍逼你架...小欣?」dead air左一分鐘之後，泳琳終於都開口啦。
「…唔係呀...泳琳，我同一軍佢...係真架。」我口窒窒咁講。
「…唔係真架...你係男仔離架...你係子仁呀...，係我男朋友呀...你唔記得啦咩，
我地以前成日離依度好開心架。」泳琳開始情緒唔穩定咁係咁講野。
「…夠啦...泳琳，已經返唔到轉頭架啦，我已經唔再係周子仁啦，
依個世界只係得返周子欣咋....，你明唔明姐!!!」我亦都一樣，
情緒失控，將我心入面嘅感受，毫無保留咁抒發出離。
「...咁...就算子欣都無所謂架，我地都可以繼續一齊架嘛。」泳琳而家捉住左我隻手講。
「...但係周子欣鍾意果個係倪一軍呀。」我大聲講。
「...點會喎，你明明係好憎佢架嘛。」泳琳講。
「...因為果陣我誤會左佢姐，去完台灣之後我地已經一齊左，
我一直都想搵機會同泳琳你講架啦，但係我一直都做唔到。」我講。
「...夠啦...我唔聽呀，我咩都冇聽過，我咩都冇聽過...我地繼續一齊。」
泳琳雙手黯住雙耳，合埋相眼喺度自己同自己講野。
「...泳琳呀...有啲野係唔可以勉強架，就算我地做唔成情侶都可以繼續做姊妹架嘛...。」
我拎開左泳琳黯住雙耳嘅手講。
「...唔得...我唔可以比你地兩個一齊...，我要將你本來係男仔嘅秘密講比一軍知，
我要佢自己離開小欣你。」點知...泳琳突然好似癲左咁衝左出走廊。
「…喂...唔好呀...泳琳。」我即刻跟住衝出去，
但係出到去，泳琳已經入左𨋢啦。
「…點算呀....點算呀...，泳琳唔好亂離呀。」等緊𨋢嘅我，
驚到不斷咁自言自語。好快我就搭左第二部𨋢落到樓下。
「死啦死啦...一軍喺邊呢?...千奇唔好比泳琳搵到呀....。」
我一路跑就一路自言自語，成個人慌哂咁。
跑到去公園，終於見到一軍啦，佢企左喺度，
而泳琳就企左喺佢前面應該都係啱啱離到咁。
「...喂...一軍...走呀。」我一邊大叫一邊跑過去一軍度。
「...到底發生咩事呀...你兩個?」而一軍就戇居居咁企左喺度。
「...倪一軍，你唔可以再同子欣一齊。」泳琳對住一軍講。
「…吓...點解?」一軍問。
「...嗚 ..唔好講呀....。」我好緊張咁叫。
「...因為子欣根本就唔係女仔。」
「...因為子欣根本就唔係女仔。」
「...因為子欣根本就唔係女仔。」泳琳終於都講左出離。