天使原來是男生（舊名：魯莽天使）[小甜][變身][男變女][籃球]: 50
~就係咁，喺泳琳好唔願意嘅情況底下，我係同泳琳分道揚鑣左嘅。
泳琳自己返屋企，而我呢...就緊係去搵一軍啦。
我過去一軍屋企之前，已經打定電話比佢，
一軍佢好開心呀，話加定餸叫我喺佢度食飯喎。
...嘻嘻...傻佬。
唔洗廿分鐘我已經去到一軍屋企門口啦。
~叮噹....~我撳緊門鐘。
~咔...~唔洗十秒，一軍已經飛到出離開門啦。
「...小欣...咁快嘅...。」一軍而家著住條圍裙呀，
...嘻嘻...成個住家男人咁，好溫柔呀，都係溫柔啲好。
「...嘻嘻...你咪仲快。」我笑笑口咁講。
「...er...哈哈，因為我好掛住小欣你吖嘛，所以心急左啲囉，
入離先啦。」一軍講完之後我就行左入屋。
「...咦....得你一個嘅?」我坐左喺梳化度周圍望緊。
「...哦....kimmy佢未返到離，不過差唔多返架啦，
你坐吓先啦，就有得食架啦。」一軍一邊講一邊行返入廚房，
而我又點會甘心坐定定喺度吖....，成日都冇見過一軍啦喎，
緊係要見返夠本啦，所以唔夠一分鐘我已經忍唔住走左入廚房啦。
「...咦....做咩唔坐吓呀，小欣。」一軍比我嚇左一嚇。
「...嘻嘻..。」見到煮緊野食嘅一軍，我忍唔住走左埋去一軍背脊度，
雙手攬住左佢條腰...成個人僕左落一軍個背脊度。
「...今日成日都冇見過你啦，食lunch果陣你又冇離，放學果陣泳琳又喺度，
難得依家有時間緊係要望多你兩眼啦。」我繼續攬住一軍撒嬌。
「...辛苦你啦...小欣，所以我今晚專登整左小欣最鍾意食嘅蠔仔煎蛋。」一軍講。
「...不如我幫吓你手吖...，上次唔係話下次一齊煮架咩。?」我講。
「...咁牙...er。」一軍諗緊。
「…好啦...。」我轉左去一軍前面攬住佢，
抬起頭扮左個金魚咀講。
「...好可愛呀...小欣你。」一軍見到我扮左個咁q嘅樣，
忍唔住錫左我一啖。
「好啦...我地一齊煮啦。」之後，我地兩個就雙劍合璧，
兩個合作完成依一餐飯啦。
我地差唔多煮完果陣，我隱約聽到廳出面有人聲，
應該係kimmy返左離。
「…wu...阿哥阿嫂兩個一齊煮飯仔牙...。」無錯真係kimmy，
佢而家行左入離望住我地煮野。
「…小欣...試吓啲蠔o唔ok…?」而家一軍用筷子夾左舊蠔仔餵我食。
「...wu...我又試我又試。」kimmy見到一軍餵我，依家又隊個口埋離。
「...咪搞搞震啦...返出去。」一軍冇理到kimmy嘅請求。
「...嘢....。」kimmy講。
「...拿...kimmy試吓我炒嘅豬頸肉啦。」
我夾左舊我啱啱炒好嘅豬頸肉比kimmy食。
「...點呀...夠唔夠味呀?」我望住食緊嘅kimmy講。
「…wu...好正呀...，原來阿嫂煮野咁好食架，辣得好過引呀。」
kimmy豎起隻手指公講。
「…嘻嘻...，一軍你都試舊啦，因為我知你地都鍾意食辣，
所以辣椒專登落重手左囉...。」我又夾多舊比一軍。
「…嗯....一個字...絕呀!」一軍講。
「…嘻嘻...誇張。」我笑住講。
kimmy返左出去，我同一軍搞埋啲手尾之後，就拎啲餸出去啦。
「…欣姐...。」咦...喂....阿成竟然上左離嘅，
而且枱面仲放左盒外賣嘅庸記燒鵝喺度添。
「…hi...阿成...咦...幾香喎。」我同阿成點一點頭，之後望住盒燒鵝講。
「...係呀...欣姐，因為kimmy叫我上離食飯，所以咪加料囉...。」
阿成可能係第一次上離，而家坐喺張梳化度好似當日喺足浴店咁。
「…一軍哥。」阿成見一軍拎野出離，即刻同一軍打招呼。
「...嗯...。」一軍嗯左一下就行返入廚房繼續拎野啦，
而我緊係跟埋一軍入廚房睇吓仲有冇野幫手拎啦。
我同一軍拎哂啲野出離之後就開飯啦，我地四個人就坐埋一齊，
我負責幫佢地畢飯，就好似係依間屋嘅女主人咁。
「...阿哥阿嫂食飯。」kimmy拎住碗飯講。
「...阿哥阿嫂食飯。」阿成見到kimmy講又跟住講喎。
我見到一軍冇咩反應，冇開心或者抗拒嘅表情，
而我呢...就覺得好warm囉...好似一家人嘅感覺...，
可能我由細到大都冇咩家庭溫暖啦，
所以覺得如果我地真係可以成為一家人，其實都幾好吖。
全餐飯我地就喺咁有家庭溫暖嘅環境下進行，食完之後，
我緊係要繼續喺阿成面前扮演好大嫂嘅角色啦，由執枱到洗碗我都搶住離做...，
而一軍呢...緊係喺我身邊幫我啦...，只要我地兩個可以一齊，
就做咩都唔覺辛苦架啦。
食完飯之後，一軍送我返屋企。
「…一軍牙...，你會唔會唔鍾意我架?」行緊果陣，我翹住一軍隻手問。
「…吓...緊係唔會啦，做咩無啦啦咁問呀?」一軍有啲驚訝咁。
「...冇呀，可能少女係多野諗啲啦，我好驚有一日一軍你會唔要我呀。」我好擔心咁嘅樣講。
「...傻妹...，我發誓如果我唔要小欣嘅話，我就不得好.....」
一軍單手攬住我條腰一隻手豎起三隻手指喺度發誓喎。
「…吖...我唔準你講。」雖然好老土，
但係我真係搵手撳住左一軍個口，唔比佢講個死字。
「...得啦，我信你。」之後我細細聲講。
「...但係....如果呢...我有野呃你，或者做左啲對你唔住嘅野呢...，
你會唔會原諒我呀?」我口窒窒咁問。
「…er....會....因為我覺得如果小欣你要呃我，一定有你嘅難言之忍嘅...，
我一定會體諒你。」一軍諗一諗之後好認真咁答我。
「...一軍。」我僕左個頭落一軍心口。
好快一軍就送我到屋企門口啦。
「...好啦，傻妹...唔好胡思亂想啦，乖乖地早啲訓，聽日學校見啦。」
一軍比左個goodbye kiss我之後就走左啦。
唔知點解今晚我真係好多野諗囉，訓左喺張床度都訓唔著...，
不停諗返頭先同一軍嘅對話....。唉....講真...如果比一軍知道左我原本唔係女仔依個秘密，
....我相信應該冇人會接受到囉，一直同自己咁親熱嘅女朋友原來係男仔喎.....，
邊有人接受到架....。最後我喺張床度典左兩個鐘先訓得著。
到第二日返學，lunch果陣我見到一軍呀...，佢同阿亮，檸檬而家行緊過離，
但係我而家同泳琳，kimmy佢地一齊又點敢同一軍打招呼吖....。
「…阿哥....去邊呀?」kimmy行左埋一軍佢地度。
「...吓....er...出去食lunch。」一軍眼尾望一望我，
之後好尷尬咁答kimmy。
「...不如一齊啦，阿哥好耐都冇join我地食啦。」kimmy講。
「…吓...唔係咁好嘅，我約左阿亮吖嘛。」一軍繼續講。
「...唔緊要喎，你去食啦，唔好阻住我地兩個二人世界....哈哈。」
阿亮忽然出聲，笑笑口咁叫一軍去。
「…....。」一軍好無奈咁睥一睥阿亮。
「...做咩姐...去陪女朋友啦，唔洗理我地喎一軍哥。」檸檬加把口。
「…咁...咁好啦。」一軍好無奈咁就範左。
之後我地六個人就去左學校附近嘅西餐廳食飯啦。
去到餐廳kimmy順理成章推左一軍坐我隔離，泳琳又係跟住坐我另一邊隔離，
而家嘅情況真係好痛苦，一軍就坐喺我隔離，但係又唔可以同佢sweet吓.....
果種痛苦就好似喺你最肚餓果陣，放隻雞髀喺你面前，但係又唔比你食咁....真係想死呀...。
「…各位牙....星期六生日派對呢，大約喺下午四點開始，
咁三點半左右，喺銅鑼灣集合啦，到時我會帶你地去我屋企，
唔洗買禮物架啦，有心就得....嘻嘻。」食緊飯果陣，阿成口窒窒咁講。
之後阿成繼續講吓到時會有啲咩食呀，有啲咩玩呀...，
大家都好留心聽....而我呢...就嚫泳琳聽得好投入果陣，
偷偷地伸左隻手埋一軍度同一軍喺枱底拖住.....嘻嘻...
其實都真係好刺激....好似偷情咁...，我望到一軍仲緊張過我呀，
周不時會望一望其他人，好驚比人見到咁....嘻嘻。