天使原來是男生（舊名：魯莽天使）[小甜][變身][男變女][籃球]: 20
~「...好啦...由頭講一次比阿sir聽發生咩事，你講先啦。」便衣sir指住個阿叔講。
「...阿sir呀，我都唔知發生咩事，搭搭吓地鐵，條友就冇啦啦衝埋離打左我一拳啦。」阿叔指住一軍講。
「...你講乜撚野呀!」一軍企左起身，睥住個阿叔講。
「...喂喂喂，依度差館離架，你估你屋企呀，坐返低。」便衣sir拍一拍枱警告一軍。
「...咁佢無啦啦，做咩要打你呀?」便衣sir繼續問阿叔。
「...er...我點知佢呀，佢依d咁嘅飛仔應該成日都周圍聊事鬥非架啦。」阿叔口窒窒咁講。
「....好啦，到你。」便衣sir，拎住枝筆寫完d野之後就指住一軍講。
「 ..我...我見到條...仆街，搞我條女吖嗎，我咪旭佢囉。」一軍理直氣壯咁講。
「...你呢，小姐。」便衣sir，寫完野冇望過一軍，之後就問我啦。
「…係...係..呀，果個人喺車入面...非....非禮我。」我緊張到食哂螺絲。
「…喂，o靚妹...唔好屈得就屈喎。」阿叔同我講。
「...喂...問緊你咩。」便衣sir打斷左阿叔嘅說話。
「…咁...小姐，你兩個係咩關係呀?」便衣sir好有禮貌咁問我。
「…er...佢...佢...係我..男朋友。」我面紅紅咁答。
唉...一軍頭先話我係佢條女，而家我唯有係咁答啦，如果我答唔係，阿sir仲邊會信一軍喎。
「...拿....咁依家你係咪要告佢打你呀?」便衣sir問阿叔。
「...er....。」阿叔諗緊。
「…拿...提一提你，如果你真架要告呢，我地都會起訴你非禮依位小姐。」便衣sir同阿叔講。
「...吓...，唔...唔告得唔得呀，最...最多我唔追...追究啦...。」阿叔開始驚。
「如果你...唔追究傷人果單呢，我地就會考慮唔起訴你非禮，...你自己諗啦。」便衣sir大緊阿叔，
可能佢已經信我，而家都覺得阿叔唔係好人。
「...er...唔..唔追究囉。」阿叔收左皮。
「…拿...簽左依份野佢，證明你唔再追究依位先生。」阿sir隊左張野比阿叔簽。
「...阿..阿sir，我都簽左啦...算數啦...好唔好....。」阿叔而家想喊咁樣。
「…咁....小姐你...追唔追究佢非禮你呀?」阿sir問我。
「…er....。」點好呢....。
「...落薄，....我地警方告佢。」..有把聲係外面叫入離...，我抬一抬頭望....原來.....，係姐夫...。
「...er....係...係嘅冼sir。」便衣sir好似好驚姐夫咁嘅。
「…阿文，的條友落臭格先，鎖佢48個鐘，再同佢落口供。」姐夫同便衣sir講。
「...yes.sir。」便衣sir拉左阿叔走。
「...跟我入房丫....。」姐夫望住我講。一軍而家望住姐夫唔知發生咩事咁。
「...喂...死差佬,你想帶我女朋友去邊呀。」一軍好激動咁企左起身。
「...收聲，坐返低。」有個好似沙展嘅軍裝撳低左一軍。
於是我就跟左姐夫入佢房啦，佢間房又真係幾大喎，仲放左幾張堂姐嘅相係度添。算佢啦。
「…坐啦，子欣，唔洗咁拘謹喎，當自己屋企得架啦。」姐夫指一指佢枱前面張櫈。
「…er....姐夫呀，...我朋友佢...唔會有事架呵...。」我口窒窒咁問姐夫。
「…果個飛仔?...」姐夫講。
「…佢....唔係壞人離架...。」我大聲叫左出離。
「...係..外表...似姐...。」而家又細聲返，dup哂頭咁講。
「...哦...咁緊張..佢嘅，頭先我聽到你話佢係你男朋友仔喎....真架?...」..姐夫問我。
「....er...唔係架...。」我面紅紅咁同姐夫講。
「…如果唔係，咁我就告佢傷人架啦。」姐夫好似好認真咁...點算呢。
「...吓...。」我叫左出離。
「...唔...唔好啦....姐夫吖....。」我捉住左姐夫隻手，眼發唳光...就離想喊咁嘅樣，用楚楚可憐嘅聲線求姐夫。
「…哈哈...哈哈，唔玩你啦...，子欣你而家個樣，真係....完完全全係一個少女咁呀....。」姐夫大笑緊。
我就真係唔知好嬲定好笑啦....。
「...衰人...姐夫。」我而家瞇起對眼睥住佢。
「...傻妹...我又點會拉你個男朋友仔姐....，嘻嘻...不過估唔到你咁快就有男朋友啦喎。」姐夫繼續無厘正經。
「...喂....仲講喎。」我繼續睥爆佢。
「…好啦...好啦，唔玩啦。不過其實呢...子欣牙，我都有野諗住搵你架啦。」姐夫變返認真mode。
「…拿...你睇吓d相先啦。」姐夫喺櫃筒度拎左壘相出離，遞左比我。
「...er....，睇唔明喎。」我睇完哂之後答姐夫。
「…依d相呢，其實係我拓以前cib嘅伙計幫我翻查cctv嘅...。」姐夫好認真咁講。
「...你睇吓依張。」姐夫遞左其中一張比我。
「…咦...咪我撞車果度離嘅...連當時我同部的士都影到喎，咁勁嘅...。」我睇到呆左，估唔到真係咁勁，我以為拍戲先係咁添。
「…你望望角落頭果度。」姐夫指一指張相角。
「...咦...，有個外國人企左喺度嘅，...而且仲係個中年男人。但係...咁又點呀姐夫?...」我而家真係成頭問號啦。
「...你再睇睇依幾張。」姐夫又拎多幾張相比我。
「…咦...全部都影住我嘅....而且..，點解..全部相...個外國人都有出現嘅...？」我打左個冷震....個外國人唔會係鬼掛？
「…依幾張相，都係喺你出事前幾日cctv拍攝到出現喺唔同地方嘅你，
而咁啱得咁橋...全部相都出現同一個人。」姐夫做哂手勢咁分析我聽。
「…吓...唔會係死神掛...。」而家我面都青埋，你知啦，
平時睇戲成日都會有個死神或者勾魂使者跟住果d就死嘅人架嗎....。
「...依個世界邊有鬼架，一d都唔科學嘅...。」姐夫擰哂頭咁講。
「...咁...係咩喎。」我再追問。
「...ar...我地暫時對依個人嘅身份完全無任何線索....，
所以我地依家會稱呼佢做(觀察者)。」姐夫拎住份野一邊睇一邊講。
「...觀察者？」我講。
「…冇錯...，不過子欣你都唔洗咁擔心啦，我地暫時覺得依個人，對你係一d惡意都冇嘅，
咁所以呢....你就繼續照常生活得架啦，其他野就等姐夫搞啦。」姐夫行左埋離我身邊，然後拍一拍我膊頭講。
「...好啦，返去啦..你男朋友仔喺出面擔心你架啦。」姐夫打開左房門，而家同我一齊行返出去。
本來坐左喺度好緊張嘅一軍，一見到我同姐夫出離，即刻企左起身。
「...子....欣..，佢有冇對你做過d咩呀。」一軍好緊張咁叫我。
「...er...一軍你唔洗咁擔心喎，其實佢係我姐夫離架。」我同一軍講。
「...吓...。」一軍o左咀。
「...喂..你呀，o靚仔。」姐夫望住一軍講。...而家一軍驚到立正咁款。
「...對我個妹好d呀...我個妹小條毛都入你數呀。」姐夫指住一軍講。
「...係...係嘅...姐夫。」一軍又跟我叫姐夫，..頂。
「...咁好啦，子欣..帶你個男朋友仔走啦。」姐夫同完一軍講之後，擰左過離同我講。
「...喂...呀...姐夫你又講。」我話緊姐夫。
「...小欣...我地行啦。」一軍推左我走。
「㗑㗑，姐夫。」一軍臨走仲要講多句喎...頂佢，咪認親認戚啦。
~咕嚕~出到差館門口，我個肚又開始打鼓啦...,我望望個電話，嘩...原來已經夜晚八點幾架啦。
「...去食野囉。」一軍聽到我個肚打鼓之後，同我講。
「…er...是但啦。」其實我好肚餓架。
我同一軍返左去我屋企附近度食，佢話想去打邊爐喎，於是我地就去左附近嘅大家樂食一哥火鍋。
一去到，一軍就叫我坐低等食就得啦喎，之後佢就走左出去買野食。好快佢就捧住個湯底同一堆野食返離。
「...一個爐..?..」我問。因為一軍拎得一煲野返離。
「…係呀...一個爐再加野食抵好多架。」一軍好自豪咁講，睇離佢覺得自己好醒目....。
但係...一個爐..，咁我咪要食佢口水尾....，不過以前男仔果陣都成日食人口水尾架啦，諗諗吓，都冇咩大不了姐。
就係咁，我地第一次兩個人食飯，就係一哥火鍋啦，一軍係咁淥野比我食，其實大家樂d野又幾生鮮喎，咪住先....。
「...點解...有蠔嘅...?」我好疑惑咁問一軍。
「...嘻嘻...我見子欣你鍾意食吖嗎...我咪過隔離大昌買比你食囉。」一軍笑笑口咁講。
乜原來咁都得架咩..。唔好理啦...有蠔食就得啦。
正...。
好快我地就已經飽到攬住個肚啦，一軍條友仔，正一眼闊肚窄大嘥鬼離架，
叫到成枱都係野，全部都食唔曬囉。之後一軍送左我返屋企，不過今次佢冇入到離，
去到門口就走左啦。
沖完涼之後，我就訓左上床，又喺度胡思亂想...，
唉...今日真係發生左好多事，贏左比賽，
遇到痴漢...之後...(觀察者)...到底佢有d咩目的呢，
係咪離攞我命架呢....諗諗吓...z...我..又訓著左啦。z。。。