天使原來是男生（舊名：魯莽天使）[小甜][變身][男變女][籃球]: 18
~到第二日返學，我都仲係好冇精神，全程釣魚...。
「…家姐呀，你琴晚做賊離咩，全日都恰眼訓...。」kimmy喺度質問緊我。
「...比我訓多陣啦，kimmy。」我而家成塊面貼左落張枱度答kimmy。
「…係啦，琴晚阿哥上左你屋企之後，你地做左d咩呀..?」kimmy無啦啦諗起d咁嘅話題架。
「...吓....冇..冇呀，咩都冇做過。」我比kimmy條問題嚇到即刻彈左起身，泳琳都應該聽到kimmy講嘅野，
望左一望過離，死啦....琴晚嘅事...一定唔可以比泳琳知架...。
「...冇牙...但係點解我見阿哥包住隻手咁返離嘅。」kimmy抬一抬頭雙眼斜向上咁講。
「...我...唔知佢喎，可能佢又同人打交掛。」唯有扮唔知啦，如果唔係好易比泳琳識穿。
放學之後，我同泳琳一齊返屋企，全程我都好心神彷彿...好似有 一種出軌驚比人發現嘅感覺....我唔係好敢正視泳琳。
「...子仁牙。」泳琳講。.........
「....子仁.。」泳琳大聲叫我。
「…係..係..係。」我不由自主咁四圍望緊。
「...做咩姐你，上堂就訓足成日，依家又心神彷彿咁。」泳琳埋怨緊我。
「…er...可能訓得唔好姐...哈哈。」我冷笑緊。
「...唔係琴晚一軍送你返屋企果陣發生左d咩事吖嗎?」泳琳個樣有d疑惑咁問我。
「...緊...緊係冇野啦。」我有小小緊張。
「...一軍佢，上左你屋企坐牙?」泳琳繼續問我。
「...er...我見佢專登送我上離咪叫佢入離飲杯野囉...哈哈。」我開始九唔搭八啦。
「...嘜...子仁你唔係好憎佢架咩?」泳琳問。
「…吓...緊係啦，憎到不得之了添呀...哈哈....哈哈。」.......我好似有小小假添..。
「...唔好再提條粉腸啦，泳琳，今晚上唔上我度食飯呀...?…我煮你最鍾意食嘅(凍大眼雞)你食吖。」我笑住咁講。
「…唔得呀子仁，今晚...要同阿爺果d去(富臨)食飯呀...。」泳琳有d失望咁。係喎，
唔記得左泳琳d屋企人好鍾意去(富臨)食飯嘅添，一頭半個月都緊有一餐係去富臨食圍菜，之前我都成日去。
「...哦...咁冇辦法啦。」我答。
「...子仁呀。」泳琳突然叫我。
「…做咩呀，豬豬。」我懶情深咁講。
「...其實....我好想你陪我去呀...。」泳琳捉住左我隻手。
「...吓...但係...我依家咁...。」我口窒窒咁講。
「...其實...我d屋企人，以為我同你散左架啦...，佢地見你咁耐都冇離過....，
都有問過我...但係我冇正面回應過佢地...。」...泳琳好唔開心咁講。
「...子仁，求吓你吖...今晚...陪我去吖...用子欣身份...。」泳琳而家捉住我對手，
眼有唳光咁....我...唯有..應承佢啦。但係無啦啦，一個女仔帶另一個女仔朋友去同屋企親戚食飯....會唔會奇怪左d呢...。
到七點鐘左右，我同泳琳拖住手咁去到(富臨)，周圍都好多人呀，不過因為泳琳阿爺係熟客，
所以攞到一間獨立房，我地好快就已經見到寫住張府宴客，四個大字嘅房...，泳琳推開度房門果陣，
我已經見到佢d阿叔一家，爺爺，嫲嫲，同泳琳全家坐哂喺度，我開始有小小驚添...都唔知一陣講咩好。
「...小小，好耐冇見啦喎。」泳琳細叔叫緊佢，因為泳琳細個果陣嘅花名叫做小小，所以佢d親戚有時會咁叫佢。
「...帶左個朋友仔離喎，幾靚女吖，唔介紹比阿叔識嘅。」細叔笑笑口咁講。
「...hello，我..我叫子欣呀，uncle你好。」我答細叔。 大家都知啦，泳琳其實係一個好cool嘅人，所以佢係冇應過佢阿叔嘅。
「…吖..妹妹，幾有禮貌喎。」細叔講。
「...er...應..應該嘅..哈哈。」我口窒窒咁答。
「...之前個細路哥呢？」阿爺突然問泳琳。....全場靜左幾秒，泳琳冇出到聲，
連佢屋企人都唔識點應阿爺。
好彩佢阿爺冇再追問落去姐。好快就開始上菜，都係平時去飲食果d啦，我全程都唔敢出聲...，
泳琳就不停夾餸比我食，差唔多餵埋我食咁滯。
「...小欣，食多舊啦，你最鍾意食嘅帶子呀，...擘大個口啦....牙。」泳琳有d熱情過龍....話口未完，而家真係想餵我食添...。
「...er...小琳牙...我自己食得架啦...。」我有d尷尬咁講。
「…乖啦，聽話...牙...。」泳琳好似氹bb咁...好堅持。我唯有比佢餵我食啦。
「...咁至係架嗎。」泳琳將舊帶子質左落我口度之後講。我feel到周圍嘅人開始覺得泳琳同我，
唔係幾妥，目光變得奇怪，坐對面嘅細叔細嬸，
開始喺度咬緊耳仔，途中不斷咁望向我同泳琳，...而泳琳阿媽就開始黑緊面...。
「…泳琳呀...我落街買小小野。」終於...我抵受唔住壓力，想出去透吓氣。
「…我陪你啦。」泳琳講。
「...唔洗...我好快架咋，你喺度等我啦。」我講。
「...咁好啦，快d返呀。」泳琳今晚真係好鬼痴纏...終於甩到身啦，....其實我邊度有野買吖...，
我入左廁所，坐左喺廁格入面希望可以放鬆 一下。
忽然好似聽到泳琳把聲喎。
「…做咩捉我入離姐，家姐。」泳琳講。
「...點解你要帶個女仔離食飯吖。」把聲應該係泳琳家姐，(敏姐)。
「...有咩問題喎，之前都有帶人離食飯啦。」泳琳有d唔好老皮咁。
「…點同姐，之前你同子仁離食飯，係....係.....好正常架嗎，你地果陣拍緊拖。」敏姐有小小激動咁。
「...我同...小欣...都係...拍緊拖。」泳琳答敏姐。
「...你...明唔明呀妹...兩個女仔...咁樣落去冇好結果架，你阿媽頭先已經黑哂面你見到架。
乖啦....妹，生性d啦。」敏姐用心良苦咁同泳琳講。
「...你唔好理我啦，我一定要同小欣一齊呀....我真係...好愛小欣架...嗚...。」泳琳越講越激動...終於喊左出離啦。
「...哎呀...傻妹呀...唔好喊啦...家姐都唔知講咩好啦....。」敏姐口都窒埋。
「...好啦...好啦..我唔阻止你地啦...唔好再喊啦...傻妹....。」敏姐投哂降。
「…家...家姐...嗚...嗚。」泳琳終於都收返小小聲啦。
「…但係阿爸阿媽果度，我都真係冇信心講服佢地囉...，你明架啦，阿爸咁傳統...未必接受到依d咁嘅野架嗎....。」敏姐講。
「...er...我覺得你同小欣喺佢地面前，最好就收斂一下，等佢地慢慢接受啦。」敏姐理性分析緊比泳琳聽。
「...好啦，好啦，喊得多你個小欣唔鍾意你架啦，不過其實你個小欣都真係幾靚女吖...快d返出去食野啦。」
敏姐幫泳琳抺完眼淚之後，就推左泳琳出去啦。
而我終於都可以返出離啦....之後我扮到若無其事咁行返入房。
「...咦...返離啦小欣。」敏姐主動叫我。
「...係呀...唔好意思呀，去耐左添...。」我好唔好意思咁嘅樣。
「...去咁耐架...。」泳琳細細聲咁講。
「...係啦，蕩失路添...哈哈。」我搞緊爛gag添。
「...你...成日話自己叫地圖王，英文名叫google架喎....又吹水...。」泳琳挖苦緊我。
「…哈哈...哈哈，講笑講笑，唔講邊有得笑呢...哈哈。」我而家喺度自己講自己笑，成個張達明咁。
「...哈哈...哈哈，估唔到小欣你都幾風趣架喎。」敏姐到底係真笑，定係串緊我呢....。
就係咁，敏姐幫我地緩和左個氣氛，敏姐亦都開始聊我傾吓計咁，都係問吓我地點識呀....果d基本野啦，
而我就話比敏姐聽我地喺同班同學，個版本當然係跟返堂姐幫我安排果個啦。
到食完果陣，本來泳琳話一齊返去，但係為左費是比佢屋企人知，我都係住同一座樓，
所以我叫泳琳同屋企人走先，而我就之後先慢慢行返去。返到屋企，我真係好攰...可能琴晚又訓得唔好啦，
而家灘左喺床度成條死魚咁，...我諗我而家嘅狀態，就算有人走離搞我，
我都比唔到反應佢囉......。
我喺度諗...其實泳琳係咪les或者雙性架呢....佢原本鍾意果個我...明明係一個都幾man嘅男仔，
但係我而家變到咁女仔，佢都依然咁愛我....諗真d...真係有d自塊不如...如果泳琳變左做個男仔...我諗我自己都接受唔到。
...諗吓....諗吓....z...好...眼訓...z呀。