天使原來是男生（舊名：魯莽天使）[小甜][變身][男變女][籃球]: 16
~點解.....點解.....依度係邊度離架?...周圍好多人...好嘈，
有好多警車喺度...我聽到....又係果把男人聲..，..今次我見到呀.....好多人...圍住左喺男人聲果度，
我....我好想行埋去...但係...，真係逼唔到入去，我身後有一樣好特別嘅野.....我從來都未見過嘅.....係一個....金色嘅郵筒...點解....點解...。
…………「~人潮像繁星~火星只可似火星~空氣未允許任性~模糊面目裝飾佈景~遺忘問做夢那份天性~」...電話鬧鐘叫醒左我....，
我成個人彈左起身。
「...嗯...吁...吁。」喺夢中嘅我比鬧鐘嘈醒左，依家坐左喺床上面透緊大氣，成身都係汗。
「...吁...吁...差小小就見到架啦，..到底...點解....。」之後我都係照常返學。
「...家姐，你今日精神好差喎，對熊貓眼出哂離啦...。」kimmy上上吓堂冇啦啦講。
「...係呀....琴晚訓得唔好...哈哈。」我講。
「...今日放學籃球隊要練波喎，你掂唔掂架...。」kimmy要小小緊張。
「...er...應該冇問題嘅。」我答。好快又到放學啦，我地三個女子校隊隊員一齊上到去籃球場。
「...嘩...都幾多人喎，我地入去換衫先啦。」kimmy講。
不過都真係好多人,因為今日除左係女子校隊練波之外，亦都係男子隊練波，
所以而家球場真係人山人海，有睇女嘅睇女...，及仔嘅及仔，我地好快就行到去更衣室。
又係女更衣室，我已經習慣左同d女仔一齊換衫啦，連表妹都唔介意，佢話表姐你而家都係女仔啦，
有咩好介意姐....但係泳琳佢就....雖然泳琳冇出過聲，但係我知佢都仲係介意我同其他女仔 一齊換衫，
所以我每次都會自己一個行開d換。
我地幾個都換好哂衫啦，而家出返球場出面，熱身同拉筋。
因為男子隊會遲d先開始，所以依家我地女仔練先，卜sir同助教程sir已經係體育室行緊出離。
「...咇~~。」卜sir吹雞啦，而家叫哂我地女子隊去場中間，
又係講吓d廢話嘅時間啦，講完之後就同我地熱身跑圈。
「...好正囉，高果個好好波喎，如果可以同佢打返場友誼波就好啦...。」跑緊果陣我聽到場邊有d男學生望住我講。
無理由吖，我地都未開波，佢點知我好波呢...，高果個?....定係話緊中鋒檸檬呢，
檸檬上年都已經係校隊，佢地知佢好波都唔奇吖。
就係咁，跑完圈我地就練上籃，左右邊，之後係射波練習，都係一d好基本嘅野，...練到咁上吓，
就見到男子隊嘅人陸陸續續離哂，因為我地學校有兩個籃球場，所以男子隊d人而家喺隔離場熱緊身。
「...吖.....。」...而家聽到好多女學生喺度尖叫緊，仲有好多加油呀...，好型呀...，
好靚仔呀...果d叫聲，真係好煩，...連我地女子隊d人都好唔專心咁周時會望過去。
「...喂...陳佩檸...專心d唔好四圍望。」卜sir鬧緊檸檬，...連隊長檸檬都咁失魂嘅...，我見到佢好留意一個男仔，
果個男仔好高大，應該有185cm以上，咁嘅身形，應該係校隊嘅中鋒...唔通...檸檬鍾意佢?之後到我地休息緊果陣，
佢...終於都出現啦，...倪一軍...，佢冇同其他人一齊熱身，
只係自己一個人企埋一邊拉筋，個樣好似好認真咁。
而家卜sir過左去男子隊果邊，留低助教程sir喺度跟進我地。
「…好啦...好啦，休息夠啦，跟住開始分組半場陣地戰練習。」程sir而家幫我地分位置。
「...陳佩檸...你唔洗講啦，打a team中鋒位。」
「...周子欣，你嘅身形加你嘅技術，前鋒位真係好識合你，打a team大前鋒。」…吓，我未打過前鋒架喎。
我地六個人一隊分左a，b team，我同檸檬，小田，小美，kimmy編埋一隊，表妹就去左b team，
咁嘅編班，我諗應該係論個人實力編嘅，程sir應該想睇下我地正選同副選實力到底差幾遠。
我地打左場10分鐘一節一共四節嘅比賽，...結果理所當然係我地贏啦，我地a team係贏68比40，足足贏左28分。
賽後程sir都有同我地做檢討，指出左b team好多錯處，而我地a team都唔例外啦。
「...嗱...頭先果球，小田明明走漏左你，你都唔識去，如果你地b team把握得好d未必會輸囉。」程sir對b team隊員嘅訓示。
好快，我地女子隊嘅訓練就完結左，程sir急急腳咁走返過對面場協助卜sir，我地女子隊就有d人走，
有d人繼續喺度射波，而我同kimmy佢地就留低射波。而家男子隊果邊準備打五打五全場對抗賽，
好多女仔都走左過去睇，連檸檬佢地都過左去。
「家姐...一齊過去睇吓囉。」kimmy同我講。
「...是但啦。」其實我都想睇下一軍到底有幾勁。
一開波，大家都互有攻守，勢均力敵咁，一軍果邊好似係a team，好快b team個分衛連入兩個三分波將比數拉開左，
a team奮力狂追，但係仍然落後8分，a team 係咁將個波交比籃底嘅中鋒利用佢185cm嘅身高優勢，去單打對面，
頭兩球得手....但係之後b team利用雙人包夾，中鋒再搵唔到缺口...時間一秒一秒咁過....已經得返最後五十幾秒....，
而家a team仲輸緊5分波，....點算呢...，依個攻勢交左比一軍處理，...唔知點解我開始緊張起上離...，
...一軍由後場 一路帶住個波衝上前場，對手未有意識防守佢嘅時候....，一軍突然喺半場前幾步，
一個jump shoot，....係一個超遠程嘅三分波，....唔知點解，咁遠嘅三分波，
理論上係好難先入到，但係見到一軍果個充滿自信嘅樣....，令人覺得好有信心.....結果，
...依個三分波 命中籃框，「…插...」清脆嘅網聲，真係令人聽出耳油，...比數已經拉近至兩分波...時間得返28秒，
b team而家盡量將時間拖到最後，a team就不斷咁全場緊逼，睇到人好熱血...。
「...防守....加油。」我身邊嘅檸檬同kimmy開始幫a team打氣...。
而家b team不斷傳波，a team就不停咁撲，....去到時間只係得返...6秒....突然，.....b team中鋒，
想將個波由籃底交返出去比後衛果陣，
....................~啪~..................
一個失誤....一軍成功偷到個波，然後一枝箭咁衝上去打個快攻....，b team後衛亦都追緊上去.... ，
喺依 一刻.....我都忍唔住叫左出離啦.....我而家雙手揸到好實....好似透唔到氣一樣咁緊張....到底入唔入呢....。
一軍終於跑到去罰球線附近....好似準備上籃.....b team後衛亦都準備起跳攔截......，
~啪~................。
「~咇~」一軍單腳已經起跳.....b後衛想從後攔截一軍，但唔成功，卜sir吹左雞示意b team犯規...，
.但依個犯規影響唔到一軍.....，一軍佢....竟然.....拉弓....離一個單手大力入樽....。
「嘭」......籃球應聲入籃....，時間亦都剛剛完場，一軍佢......and one呀。
全場人都好興奮....喺度歡呼....但係我...就呆左....企左係度...旭都唔旭....到一軍射入埋球罰球贏左之後，
kimmy直頭衝左出去攬住一軍，檸檬亦都行左埋去中鋒師兄果度同佢傾計....而我....繼續發呆.....
因為我...我比一軍嘅球技...真係嚇呆左.....點解...點解佢真係咁勁，打籃球嘅人...夢寐以求嘅...入樽...。