天使原來是男生（舊名：魯莽天使）[小甜][變身][男變女][籃球]: 6
~話咁快又到天光，我又要返去學校度受刑啦。今日同琴日一樣，都係冇咩野做，
派吓手冊呀，講吓學校目標呀果d，所以好快又到放學。
「喂...上球場啦...」黑仔向我打咗個眼色。
「...er...你同肥恆上更衣室換衫先啦，我有d肚餓，去買d野食先，轉頭上離。」同你地一齊換衫咪比你地睇哂。
「...咁好啦...轉頭傾...」黑仔同肥恆行左出課室。
我今日帶咗條籃球打底長褲同打底長䄂衫，亦都帶咗個運動bra，希望盡量遮住我對32c胸部。
坐左喺班房等左十分鐘之後，我先斯斯然行上更衣室。
上到籃球場已經見到好多師兄換哂衫，喺度熱緊身， 應該出哂離啦掛，好...入去換衫先。
點知一入到更衣室，就見到黑仔同肥恆。雖然都差唔多換好衫，但係仲坐左係度撳緊電話。
「~喂~仲唔快d，阿sir吹哂雞啦喎。」黑仔坐左係度一路講一路著鞋。
「吓...er....離緊離緊....」我放低左個袋，作狀除衫。...點知，我企左喺度成分鐘，佢兩條友都冇意慾離開，仲係度玩緊手機。
「喂...仲唔除衫，洗唔洗我幫你換姐。」黑仔再次摧我。
「...er...得啦，咪理我啦，你地出去先啦。」我自然反應擰一擰轉身。
「...有...古...怪...」黑仔瞇起雙眼望住我。
「有...有你條命....咪阻住啦，死出去。」我緊張到口都震埋...。
「肥恆幫手捉住子仁，子仁肯定收埋d野唔比我地睇。」點知肥恆又同佢癲喎，喺我背脊一個(納爾遜式鎖)鎖住左我。
「...喂...肥恆...連你都同佢癲...」唔係玩到咁大吖嗎...而家嘅肥恆有六呎高，成二百幾磅，好難鬆得開架喎。
「...子仁...係咪偷偷地走左去纹身，唔比得我地睇先....?」黑仔笑淫淫咁行緊離我身前。
「...冇...邊有喎....放開我啦肥恆...」我開始掙扎緊...。
「...冇...怕咩比我地睇下姐...」黑仔開始除緊我條褲....。
「....p...p褲?你下面好凍咩著p...褲...」黑仔有小小疑惑...但係好快又繼續性騷擾我。
佢開始轉攻上身，而家開始除緊我恤衫d鈕...。
「...喂....喂....反面架.....停....手....呀。」我就快崩潰啦.....。
但係黑仔依然冇停手....終於除到... 見到我個bra....。
「…胸......胸圍.....」黑仔開始覺到有d唔對路啦，係依一刻我崩潰啦....。
「.....吖.....放開我呀!.....」高八度嘅女聲似乎嚇親佢地，肥恆雙手鬆左一鬆，我用盡九牛二虎之力鬆開左肥恆，發左癲咁一腳踢開左黑仔，喺中途我個假髮竟然勾住咗肥恆件衫，成個假髮連髮網甩左出離。
發緊癲嘅我，露出長長秀髮，胸圍若隱若現，
而家坐咗係地下度，忍唔住喊左出離....。
「...嗚.....嗚....衰...人....變...變態佬！！！憎死你地呀！」我喊住不斷講，而家肥恆企咗喺度，好似撞咗邪咁....呆滯到凝視都冇焦點...比我踢飛九丈遠嘅黑仔，坐左喺牆邊....思索緊到底發生緊咩事。
過左一陣，我心情平復返啲之後，肥恆遞左張紙巾比我。
「小...小...姐。對..唔..住..」肥恆眼泛唳光。 我望一望肥恆，又嬲佢唔落喎。
接過紙巾，我抺乾眼淚，著返好d衫褲，黑仔同肥恆已經企咗喺我前面。
「...子....子...仁..你...真係子仁?...到底發生左咩事?....」黑仔開口問我。
...唉.....冇辦法啦，到左依個地步，唯有講比佢地知......
「件事就係咁.....」我講。
「...吓.....好科幻喎...」黑仔唔敢相信。
「不要問....只要信....」我瞇起雙眼望住黑仔。
「～咇！」更衣室出面，雞聲響起。
「你兩個快啲出去先啦，阿sir鬧架啦，我換完衫轉頭自己出離啦。」我講。
於是黑仔同肥恆一枝箭咁飛出去，而我就緊係拿拿聲整返好個頭，換好哂衫先出去啦。
我一出到去，就見到全部人喺度跑緊圈。
「...喂.....快啲跟上離啦...」阿sir見到我之後喝一喝我，於是我即刻跟住隊尾跑。
跑咗5分體左右，阿sir示意叫哂我地埋去，你知啦…新官上任都三把火，阿sir一離到緊係要比返個下馬威我地啦，每個人都比佢訓示一下，主要都係d無聊野，
咩唔夠精神呀，件衫唔夠整齊呀，冇速度，唔夠快同太慢果啲啦，而我緊係都唔例外比阿sir捉住離小啦。
「周子仁你好凍咩?著哂長袖打底衫褲。」阿sir開始訓示我。
「唔....係...」我低頭回應。
「唔知仲以為你打緊nba咋，睇得nba多呀你...iverson呀？著到成個女人咁。」阿sir你點知架，我而家真係女人喎。
「...好啦....而家開始五人陣地練習。」阿sir終於肯放過我啦。
我地分好隊，新人一隊，舊人一隊打對抗賽。比賽途中，同我對位果位師兄真係非常落力，直頭係體能怪物...進攻時，我完全擺脫唔到佢，多次產籃都比佢用身體頂返我出離，搶籃板果陣直頭成個人騎住喺我上面，之後鬥攞位，我直頭比佢一手推左落地。
就喺依個時候，肥恆突然發起癲上離喎。
「...喂！！！好啦喎，推夠未呀你?成個人騎落人地度，想點姐。」肥恆衝向師兄。
依家我起返身，黑仔喺肥恆後面係咁拉住佢，
而我就喺肥恆前面攬住佢，等佢衝唔到過師兄度。
其實我都唔知肥恆點解咁嬲，師兄雖然動作係大啲，
但係佢唔算矛，只係熱血咗啲姐。
「....咩...咩...呀?」師兄對肥恆嘅指責，毫無頭緒。
就喺依個時候，肥恆突然雙手攬住我。
「....吖...！」我自然反應叫左出離。
「...喂...肥恆...你又做咩呀....放...放手先啦，好多人睇住架...！」我細細聲係肥恆耳邊講，當時我feel到肥恆扯左旗，而且佢下面仲頂到我下面好唔舒服，搞到我全身都打緊冷震...塊面紅哂，真係好尷尬囉...其他人睇到定哂型，但係惡夢依家先開始。
「我真係好鍾意你呀，子欣…！我唔可以比人傷害你。」肥恆繼續攬住我，合埋眼咁再向我表白。
全場啞口無聲...連阿sir都唔知講咩好...係依一刻，我已經面紅到手到辣得熟，我奮力掙扎…終於，我推開左肥恆，之後跑左出球場。肥恆....你係咪傻架...你咁做我仲點見人喎。
我跑左返課室，雙手抱住膝頭，坐咗喺角落頭地下度，
腦海不斷出現肥恆頭先攬住我果一幕.。
唔...唔得呀，真係好基呀...我真係接受唔到，我坐咗喺度唔知幾耐之後，黑仔就落左離，拎返哂我d野比我，但係肥恆就冇出現。都好嘅，我根本就面對唔到佢，點解佢明知我本來係男仔都仲可以咁鍾意我…點解？
黑仔見到我個樣咁驚，都唔知講咩好。
「子仁...我諗肥恆佢，都係一時控制唔到自己架姐...唔好怪佢啦。」黑仔終於開口。
「...控制唔到就可以攬住我唔放架啦，咁佢下次再控制唔到 ，強姦咗我咁點算？」我仲係好嬲。
「…er...其實...我諗...肥恆真係愛得而家嘅你好深...佢愛你愛到可以為你做任何野，依點我可以肯定...。」黑仔繼續幫肥恆講好說話。
「…但係...佢都知我原本係男仔離架啦，都仲要鍾意我?.」我反問黑仔。
「...er...依曾...我就真係唔知佢點諗啦。始終我地都係啱啱先知。」
「...子仁....你...冷靜下啦，希望你返到去條氣順返之後會回心轉意啦，我地三個始終都咁多年朋友啦。咁我走先啦，聽日見啦。」黑仔講完之後就走返出去。
唉...黑仔！你估我真係好想嬲肥恆架咩，咁佢鍾意我都唔洗咁進取架，我未見過一個男仔係咁追女仔架囉，一定嚇走人啦。
到我心情平復返之後，就執返好d野返屋企。
返屋企途中，我仲係不斷回想緊頭先發生嘅事，
彷彿周圍嘅人都唔存在咁。
「…子欣...!...子欣...!」
咦...好似有人喺度叫緊喎...。
「...喂....子欣!」大叫緊果個人而家行左喺我前面....。
「...子欣...做咩唔應我呀?」咦....原來係小強....。
佢叫緊我?....我...我而家帶住假髮架喎.....佢咁都認得出我?
「...吓....er...係呀，諗緊野姐。哈...哈。」我尷尬回應。
「...係...啦..你剪短左頭髮喎...」小強向我微笑，然後望一望我個頭。
諗諗吓雖然我係帶左個短假髮，但係其實個樣同小強識我果陣，根本就冇分別....點解我會覺得人地會唔認得呢...傻咗添....。
「...er...係...係呀!哈哈。」我繼續敷衍小強。我今日心情唔好呀...唔好煩我啦小強...。
「我要返..返屋企啦...唔好意思。」我講。
「係...呀..我都係喎，一齊行啦...」小強繼續微笑... 冇辦法啦，唯有一齊行啦。
我點一點頭，小強就跟住我側邊，同我並肩而行...沿途...我都冇咩點出過聲，小強就喺度講下佢打波果d野，但係我根本都冇聽到入耳，終於返到屋企電梯。
「...小欣呀，你...係咪有啲咩唔開心呀?」小強喺電梯入面問我。
「……我...冇..呀。」我dup低咗頭。
「…小欣呀...你唔想講...我唔會逼你架，但係我唔想見到你唔開心。上次其實我見到你坐左喺度喊咗好耐，果個女仔話你搶咗佢男朋友，仲打咗你一巴，我所有野都睇到哂。」小強講完…剛好電梯去到我地住嘅樓層。
我繼續dup低頭，步出電梯。
「有咩感情問題解決唔到，你可以隨時搵我架，我嘅大門隨時為你打開。」小強繼續對我微笑，向自己個單位行緊去，而我就行緊返自己屋企。
「...小欣呀！」小強喺自己門口叫返過離，於是我望一望過去。
「你都係長頭髮....靚啲！」小強講完就返左自己屋企。
唉...小強，冇啦啦做咩同我講啲咁嘅野架，佢唔係又對我.....有意思掛...。
唔好諗咁多啦。返屋企換衫沖涼先。喺屋企休息咗一陣之後，我就去咗搵泳琳食飯。
我地食完飯之後就係商場行吓。以前同佢行商場，我都只係企喺舖頭門口罰企，但係而家就比佢捉住我入去同佢一齊睇衫，有d衫又話自己矮，著得唔好睇，係都要我試，搞到我好似個barbie公仔咁，其實我仲係對依d野冇咩興趣架咋泳琳，放過我啦。
但係同泳琳一齊，佢叫我做咩都冇所謂啦。行到商場差唔多閂門我地先返屋企。 返到屋企之後，我訓左喺床度沉思咗一陣。
...唉....聽日返學又要面對肥恆，點算好呢...。 諗諗吓我就訓著咗啦。第二日，我決定唔再返學啦，我真係面對唔到肥恆...。我繼續訓，訓到差唔多中午十二點。~di~~ whatapp通知聲響起。
我伸起手去床邊個櫃度拎起電話，係堂姐。
「子仁，我幫你搞掂左啦，詳細內容我今晚7點上離先同你講啦。」 12:10pm堂姐幫我搞掂左?
咁咪一天都光哂囉....唔洗再偷偷摸摸咁做人....。我真係好期待，我下午走左落街，買左好多餸，今晚一於煮返啲好西比堂姐食。 到左六點半，我已經準備得七七八八，我整左我最拿手嘅花雕醉雞，蝦醬通菜，生炒骨，滾左個湯，三餸一湯白飯任裝，堂姐離到一定話好食姐。
到左夜晚七點，堂姐準時到達。
「...嘩 ...咁好餸呀，好似好正喎。」 堂姐一入到離望到啲餸，就即刻坐左埋檯。
「堂姐你上離緊係要好餸啲啦...hehe。」我拎住啲餸坐埋去。
「...唔洗賣口乖啦，拿..你想要嘅野呀。」堂姐喺佢個手袋入面拎左個公文袋出離…遞左比我。
我好興奮咁打開個公文袋，入面有幾張文件，有一張身份證喺度。
「...好野呀...堂姐你真係搞得掂。」我拎起左我張女性身份証，好興奮咁叫。
「...咦 ..仲有果幾張野係咩離架?」我問。
「...果幾張，係幫你轉校嘅文件。」堂姐夾住舊生炒骨同我講。
「…轉...校...?」我有d意想唔到。
「冇錯...學校都幫你搵左架啦，就係泳琳果間，咁你地咪可以日見夜見囉，連校服都幫你準備埋架啦。」堂姐單哂眼咁講，再係手袋入面拎左袋校服出離。
...食完飯之後堂姐就走左，我沖完涼之後就訓左上床度，回想返依幾日嘅經歷，明明只係幾日嘅事，但係就有種...煩擾左我好耐...好耐...好耐嘅感覺，終於我可以唔洗再返去面對肥恆，一切都完結啦，聽日開始我要過我新嘅生活啦。