天使原來是男生（舊名：魯莽天使）[小甜][變身][男變女][籃球]: 79
~一落到樓下，阿成果部七人車已經泊左喺度等緊我地啦...。
uncle個樣好驚訝呀...嘻嘻，我諗佢應該仲未知阿成到底幾有錢...，
我地上哂車之後呢，司機好快就車左我地去北角城市花園酒店上面嘅一間中菜館，
果度啲裝修呢...ok啦又唔係話真係超豪華嘅，但係喺車上面聽阿成講...
原來依間菜館係攞左米芝蓮一星架喎。
「...你好...請問幾位呀?」行到門口...有個女知客企左喺櫃檯前面問我地。
「…er...姓黃嘅。」阿成講。
「...睇吓先...姓黃...冇喎。」女知客拎住本薄揭離揭去咁搵。
「…吖...細黃生...，離左拿。」忽然有個好似經理嘅人衝左出離講。
「...喂...快啲帶...細黃生去樓上vip房啦，唔好意思呀...佢新離架...哈哈。」
個經理笑到四萬咁口，唔知仲以為佢中左六合彩添...。
就係咁...我地就跟住個女知客行上樓上嘅vip房，個知客真係新離架囉，
帶吓帶吓帶左我地去廚房...最後仲要阿成帶返佢轉頭添...。
入到房坐低左之後，阿成就叫經理發板幫我地叫野食，
經理出返去之後，uncle就開始問阿成問題啦，
都係了解吓阿成屋企呀果啲啦，問完阿成之後，就到問我啦。
「…子欣呀呵...?」uncle望住我講。
「…吓...係.係...uncle。」我口窒窒咁答。
「…唔知...屋企有啲咩人呢?.?」終於都問我啦。
「...er...因為媽咪好早過左身，所以得我同我爸爸兩個囉。」我講。
「...哦...，平時鍾意做啲咩呢?」uncle繼續問。
「...老豆呀，子欣係我同阿哥學校籃球隊隊友離架...
平時都係鍾意打籃球。」kimmy搶住答。
「...係...係呀...uncle。」好彩kimmy姐，如果唔係都唔知答咩好。
「...哦...原來都係打籃球嘅，唔怪得咁高啦...，
哈哈...同阿軍真係幾嚫。」uncle好似對我好滿意咁...嘻嘻。
「...老豆呀...。」一軍有啲尷尬咁，
說時遲那時快...阿姐已經將啲餸菜拎左入離放低啦。
「…講吓姐...，好啦...大家食野啦。」uncle笑笑口打完場，
之後我地就開始食野啦...yeah。
服務員喺我地每個人面前都放低左一杯好似奶凍咁嘅野喺度，
杯野有三層架又紅又綠咁，最上面仲有塊好似係魚柳咁嘅野喺度，
唔通咁快食甜品?.?
「...嘩...杯野咁靚咩離架?」kimmy問阿成。
「...er...其實係蒸蛋離架，果啲唔同色呢，係溝左啲疏菜汁整出離嘅，
上面果塊係石班離。」阿成好細心咁解釋比kimmy聽，而我地就緊係聽埋一份啦。
好彩阿成講一講姐，唔講仲以為甜品添...。
依度啲野好似樣樣都一碟碟咁，食完個蒸蛋，
跟住又離左每人一碟好似焗蟹蓋咁嘅野，好鬼死精緻囉。
最後我地一家人就飽到攬住個肚走啦，阿成當然係車埋uncle返屋企啦，
...嘻嘻...有時諗諗吓有阿成依個屋企人都真係幾冇得頂架，
而我同一軍呢...就冇跟佢地車返去啦，因為我同一軍諗住行陣花市。
我地沿住電器道慢慢由北角行到去天后再到維園，沿途真係好熱鬧呀...周圍都係小販，
你知啦...平時邊可以除街擺賣架...啲人仲唔嚫年三十搵返啲利是錢咩。
我地行左十五分鐘左右就行到維園門口，但係去到門口嘅一刻，
我地決定返轉頭啦，因為啲人真係多到逼都逼唔到入去囉...，
我都明嘅年三十係多人啲架啦，所以我就拖左一軍跑左出電車路啦。
「…小...小欣...慢啲啦。」一軍比我拖住跑左上一部電車，我地行左上上層坐低。
「...小欣...你想去邊呀?.?」一軍好疑惑咁問我。
「...嘻嘻...冇想去邊，只係想同一軍你兩個人靜靜地咁度過姐。」我講。
「...哈哈...傻妹。」一軍摸一摸我個頭講。
「...你記唔記得呀...你第一次帶我坐電車果陣呀...?」我問。
「...睇戲果次?」一軍講。
「...嗯...依家諗返起，就好似琴日發生嘅事咁...果種感覺好奇妙呀...，
同樣嘅地方同樣嘅人，但係關係同感受就完全唔同...。」
我挨住一軍膊頭...好感慨咁講。
「…嗯...係呀...小欣，我都覺得好奇妙，果陣我覺得小欣你唔係咁鍾鐘我架...，
但是我冇放棄呀...我同自己講，我依家冇...但係將來會有，終於...嘻嘻...。」
一軍講到依度忍唔住笑左出離，唔知點解佢最後講果句野好似咁熟咁嘅...。
https://youtu.be/5UIEdt55JV8
謝霆鋒 一擊即中
我對妳關心 妳對我關心
同樣發覺有了記掛感覺 複式的快感
我變得天真 同樣妳也變天真
同樣發覺這個世界很美 相戀的世紀
我為妳 偷偷心動 感覺神情凝重
妳也被我 真心感動 面臨失控
像一擊即中
變出雙倍魔法 黑變光 單變雙
是一加一的雙重力量 愛得雙向
還發揮雙倍堅決 不怕風 不怕霜
這力量 就像是 不可思議
奇人奇事 是神奇技倆
我對妳犧牲 妳也有犧牲
同樣發覺奮鬥有了方向 彼此的理想
我對妳偏心 還是妳對我偏心
無論哪個要與妳作比較 都相當渺小
我為妳 偷偷心動 感覺神情凝重
妳也被我 真心感動 面臨失控
像一擊即中
還 變出雙倍魔法 黑變光 單變雙
是一加一的雙重力量 愛得雙向
還發揮雙倍堅決 不怕風 不怕霜
這力量 就像是 不可思議
奇人奇事 是神奇技倆
我挨住一軍慢慢咁享受外面嘅景色，我地由天后一直坐到去堅尼地城。
「…係啦...，你果次話無啦啦多左兩張戲飛...其實係咪真架?.?」我忽然醒起。
「...er...其實係我自己買架...哈哈。」一軍有小小尷尬咁笑住答我。
「…吓...我都覺得奇架啦，點會咁啱有兩張飛吖...如果我唔去咁你點喎。」我講。
「...er...都冇所謂嘅，我可以自己去睇架嘛...。」一軍諗一諗之前講。
「…傻佬...咁咪嘥哂囉!!」我嘟起個嘴講。
「…er...唔理得咁多架啦，咪當博一博囉...，好啦...到總站啦...落車囉。」
一軍講完之後就拖左我落車啦。
之後我地再轉小巴返屋企，一軍送到我去屋企門口果陣，
老豆已經返左離，仲喺門口度拜緊神燒緊野添。
「…返離拿...阿女。」老豆一邊燒野一邊望一望我講。
「...係呀...老豆。」我答。
「…uncle你好。」一軍亦都同我老豆打招呼。
「…嗯...。」老豆嗯左一下。
「…阿女呀...煮左齋呀，食唔食啲呀?」老豆再問我，等我解釋下先，
我老豆每逢年三十晚過左零辰十二點都會拜神架，而且仲會煮齋添，
...通常拜完神零辰一點左右會一邊食齋一邊睇吓啲電視播嘅過年戲咁...都幾果引架。
「...er...都好喎，好耐冇食過齋。」我答。
「...𡃁仔...一唔一齊食?」老豆竟然問一軍喎!!!
「…好...好呀...uncle。」一軍好開心咁答老豆，
之後我同一軍就入左去幫手開飯啦。
我地喺廚房拎左啲齋出離，再擺好哂啲碗筷咁...，等老豆搞埋啲手尾之後，
我地又開餐啦...嘻嘻，雖然零辰先離食飯係好似怪怪地咁，
但係一年先一次我覺得都幾有特色吖...，而且今年一軍仲喺度添...。