那天開始，我們人類變成了動物的食糧。: 3-5
3.5
201X年06月18日，下午11點31分。天慈邨，ＸＸ樓，Ben的家中。
回到現在，我們三人互相分享過大家今天的經歷後，都不禁為對方感到驚心動
魂。
腦海中，不斷思索著我們到底是怎樣逃避了這個厄運？
為何我們可以及時阻止到那些豬人瘋雞的來襲，而其他住戶卻無一幸免？
是因為那段時間裡，大多數的人在外工作，只餘下了一些老弱婦孺？那麼在外
工作的人，又能否躲過被動物獵殺的危機？如果真是這樣的話，是否我們能夠逃出
屋邨，就能找到救援呢？
種種問題，一瞬間延伸到我們的腦袋中，隨時影響我們下一步的行動決策。
「咁我地就去搵警察幫手啦！」子龍提出建議：「就算街外警察暫時做唔到Ｄ
咩野，但如果我地可以去到警局既話，或者可以得到警方既保護呢！」
「都係既，子禹你點睇？」Ben點頭認同。
「嗯，警局係香港最多武器既地之一，就算佢地派出嚟既人手，一時三刻趕唔
到過嚟救我地，警局無疑都係一個適合做守城既地方。」說到這兒，我轉頭望向外
面景色：「不過，我諗我地去警局之前，仲要做多件事。」
「你係想去搵埋腸仔？」Ben一言道破。
「係，佢係我地中學時既死黨，又住係同邨既朋友，如果咁都唔去搵佢，我無
辦法心安理得。」
「岩既，咁我地依家出發？」Ben看了我一眼，再望向子龍，詢問大家意向。
「我就覺得唔應該依家就去。」子龍回應Ben的眼神回話：「我同阿哥岩先既
傷仲未好，加上依家出面已經夜晚。我地依家就咁出去，係比頭先更加危險。」
「但腸仔等緊我地！」Ben有點激動跟我說。
我細想了一會兒，才開腔道：「Sorry，我覺得呢次我細佬講得岩。無論腸仔依
家情況黠樣，深夜我地留係屋內先至係最好既選擇。再唔係，當我地真係要呢個時
候出去......阿Ben你真係覺得，我地依家咁情況，你一個可以保著我地既同時，搵到
腸仔咩？」
阿Ben並不是愚笨的人，只是有時太重情義。深明如今情形的他，也無可奈
何接受了我和子龍的方案。
跟著，我提出輪流睡眠休息，給予苦戰了一天的大家可有精神補充。
好讓我們到了第二天時，有充分的精神和體力，應對接下來的全新挑戰。
但願在我們準備充足，尋回腸仔之時，他還仍然活著健全。
201X年06月19日，清晨5點32分。天慈邨，ＸＸ樓，Ben的家中。
喔喔喔喔──！！
早上時分，陽光剛剛從東邊升起之際，在外便傳來響亮的晨雞初叫。
使剛睡了不足一小時的我，驚嚇起來，嘴巴喃喃地罵起髒話來：「屌......你隻死
人雞......一陣就劏撚左你！」
「唔洗咁激動呀！你琴晚都訓咗四粒鐘啦！」負責早上作哨兵的Ben笑說。
「呃.....天光啦？」子龍爬了起來，望著窗花死寂的風景嘆息：「唉......仲以為
係發緊夢。」
「好醒啦！唔係話講好要救腸仔既咩？」Ben走到我身旁，起勁拍打我的臉。
「夠啦！醒咗啦......」我拿掉他的手，很快又撐不過去再次入睡。
「醒呀，柒頭！等著救命架！」Ben再度用力掌摑我英俊的臉孔，使我沒辦法不馬上起床。
說笑的！
幸好身邊有阿Ben這般耿直的伙伴，在我旁邊一直提供中肯的意見。
要不然，我們真的可能因為一時貪睡，錯失了拯救好友的時機。
在沒有梳洗工具下，我等粗略的清洗臉上污垢，就到廳外收拾所有裝備。
「出面咩情況呀？」我一邊把昨天餘下的紗布藥物放回背包，一邊問道守在門
前的Ben。
「隻癲雞好似到咗朝早，就更加活躍咁。但又未見佢主動撞埋嚟囉！」Ben一
手握著床板改造成的長形盾牌，一手拿著長柄平底鍋，頓時變成了一個手執錘子的
盾步兵。
「咁即係......點都要殺咗隻雞先啦？」子龍背起背包，手持長矛走到門前。
「未必架，可能依家呢層唔只得一隻雞呢！」已把背包整頓好的我，走到Ben
的廚房中，拿起了一把片刀，問：「你真係唔用刀呀？」
「咁近距離既武器，唔係太岩我。」
「一陣拾返把刀，我都唔比返你架啦！」我再三提問，他搖搖頭，依舊一臉自
信地拒絕。
一切準備就緒，我們把門前雜物全數移開。
緊握片刀的我，大步踏前，伸手往大門門柄去。
只是，這刻卻有一隻大手率先放到門柄之上，搶先我的行動。
「由我打頭陣啦！」是阿Ben，一個敢作先鋒為我們開路的勇士。
「哼，好啊！」我支開雙手，咧嘴笑道。
「你唔信我呀？」Ben回首問話。
「怕你一陣叫救命咋！」我玩鬧著說。
「挑，唔知邊要我救呢？」
「好啦，兩位玩夠未呀？」正當我要反駁阿Ben時，子龍嚴肅的插話：「隨時
死人架，你地仲玩得落既？」
面對親弟的責備，我和Ben互看一眼便笑了起來。
在笑，我等的身軀還在抖震。
但此刻的震抖，不只是害怕接下來的重重危難，而是因為有同伴在旁，協力相
助下的熱血正在燃燒。
兄弟朋友都在身旁，眾人義不容辭，目標一致。
腸仔，撐著啊！我們，來也！
恩德相結者，謂之知已；
腹心相結者，謂之知心。