HEHE 中甜 <做完愛 ．回家>: 上海仔

早前上海仔話開記招爆料轉頭又失踪食到一地花生，令我諗起以前都試過既一個上海仔。

話說久不久都會有上海同事出差黎香港，次次都係標準一線城市暴發麻甩佬。估唔到有次竟然派左個小朋友黎。講靚仔真係無份。但差不多6呎高身型，加少少Muscle，一臉戇直單眼皮baby face，果種天然純樸風直頭撲面以來。佢既天真爛漫，完全激發起我既獸慾，最難得係我feel到佢有幾分係自己人。

放工招呼小朋友食飯洗塵乃指定動作，果餐飯我全程想入非非，但又無敢落手。畢竟唔知咩底細，萬一原來係直男我真係工都唔使番。

食完飯急急拉佢去飲酒，其間借醉就梗架啦，但最最估唔到係，竟然係佢借酒向我出手先 !!  係咁對我上下其手，我當然都禮上來。去到後尾我直頭扮暈成個人訓落佢到，用個胸夾住佢隻手行 (呢個時候我發現用胸襲警原來係成立既) 然後就問佢可唔可以送我，番佢酒店。

咁結局當係yes啦，唔係都無呢個悲劇.....



一入到房佢仲心急過我，一記排雲掌推我埋牆就起勢咀。原本有個6呎BB壁咚我，應該好開心先係，之但係......

大家有無睇過cctvb既民初劇?  通常大少要強姦個妹仔時，就會攬住個妹仔係咁左右扮錫，而永遠錫極都唔中個咀，搞到妹仔有機大叫，然後大少奶就會係呢個時候衝入黎。

情形係Exactly 一樣 !!!  佢好癲喪係咁係我左右不停錫但唔知點解咀極都仲係空氣，我真係反X晒白眼。正當我開口要叫停佢時，佢終於搵到我個咀係邊，一野咀落黎，然後佢開始，咀嚼我個咀。

無睇錯，係咀 ．嚼．

佢一下一下咁趙我個咀，我開頭仲以為係咩新興調情技術(!)，但幾下之後我發現唔對路，你奶奶我即刻叫停佢 「哎呀先別急，我們慢慢來嘛~~」大佬除件衫沖個涼都得掛?



佢果然好聽話咁，真係慢慢黎，不過係慢慢咁繼續趙我個咀。

呢個時候我開始掙扎想推開佢，佢竟然將我一手抱起擲落床，再黎個泰山壓頂。然後一手捉我一隻手，繼續咬。

我心諗，死梗啦，就算唔變人肉叉燒包，都會窒息死....聽日A1實有我份啦.....

就係呢個時候! 佢忽然係我身上係咁Chok 。

養過狗既朋友一定見過狗公強姦枕頭。無錯，你而家幻想我就係果個枕頭。而佢就係果隻.....



佢依然捉住我對手，依然咬緊我個咀，然後好賣力地係咁chok 。去到左呢個位我已經放棄自己。只係希望佢快啲出.....如此這般經過5 分鐘後，佢忽然大叫一聲，我兩眼大放精光 ，心諗 「終於做完愛回家」啦 !!!

佢係我身上打左一個冷震之後，成個人訓晒落黎，完完全全大石砸死蟹。我嘗試掙扎想推開佢，但真係好重。佢一路抱住我一路話

「寶貝，真的好爽。我愛你呀~~ 」

佢呢頭講完，接住即刻又．咬．過!

然後隔左一陣，我忽然感受到「又有」「硬野」頂住我，我開始痛恨後生仔點解可以回氣回得咁快。

佢再次一手捉我一隻手，起勢咁咀。唯一唔同既係， 唔單只個咀，佢仲咬我塊面 !! 佢由面珠開始咬到上耳珠，再又耳珠咬落頸，再番轉頭咬我個咀，如此一個cycle。我不期然諗，佢究竟係睇邊套AV學番黎既呢?  定佢真係好肚餓?? 

然後佢又開始小狗搖.........我又再一次放棄。認命啦，我就係高海寧，你光速姦我啦.....

成件事好似有個月光寶盒不停loop緊同樣既情節，而豬八戒就不停係春十三娘身上打冷震。係loop 左唔知幾多次之後，悟空終於見到紫霞，而佢終於攰到訓左係床既另一邊，好快就訓著左。



我即刻彈起身拎袋走人 (連衫都唔使著，幾慳時間)  我望一望床頭鐘，頂! 五點 !

我照一照鏡發現成塊面好似生癬咁一達達紅晒，之於我個咀就唔好提啦，總之我九秒九逃離現場

就係斷龍石落晒之前，再回望一次盤絲洞，然後我發現，佢由頭到尾都無除過褲。

我有啲好奇條褲入面係咩狀況.....