我與她的故事: 4)

終於出發去海灘啦！ <-- 雖然想噤講, 但其實我地連去邊個海灘都未決定。
Patterson: "不如去Wasaga beach 啦, 唔太遠, 風景都OK"
"好呀！ 就去嗰度啦！"
"No objection"
"Agree"
噤就決定佐去Wasaga beach 啦~

唔夠一個鐘就到佐啦！Patterson 因為要搵位泊車所以就叫我地行住去先。 嘻嘻, 我可以同D女仔一齊行過去先, 可以多D時間同Cathy吹水。。。
不過我好快就後悔。。。 好多嘢要拎呀！加埋兩個女仔佢地自己有自己行, 根本同自己行去無分別。。。





去到海灘, 放低D行李之後, 就叫D女仔去換杉先。究竟Patterson可唔可以快D。。。 同D女仔玩水係一件好夢幻嘅事~~ 我唔想淨坐係度望~~
"Patterson未到咩？"
我望向聲音來源, 原來係Fabia。 佢個件泳衣係一件頭式泳衣嚟, 無乜睇頭。 再加上佢個子唔高, 絕對俾人一種細路仔feel。。。
"佢未到呀, 你去玩住先啦。我睇住D嘢就ok!"
"You sure?"
"Sure 啦! 快D去玩啦！ 睇吓你可唔可以識返個鬼仔~~"
"好提議！"
就最後結果嚟講, 佢之後真係搵到個鬼仔老公。 但呢個又係一個after story。。。
"我終於搵到你地啦！"
"Patterson! 快D嚟陪我去玩啦！"




"嚟啦！ Kat 呀, 真係唔好意思, 我先去陪Fabia啦！"
"你無義氣呀呀呀呀。。。"
跟著Patterson就同Fabia就佐去玩啦。。。 唉。。。 唔通個個都係有異性無人性?
過佐一陣, 終於聽到呢把聲。。。
"佢地去佐邊呀？ 得番你一個嘅？"
我即刻望轉頭, 又係一件頭泳衣。。。
"你做乜睇到我之後好似好失望噤嘅樣嘅？"
噤我緊係唔可以講個事實出嚟啦, 只好。。。
"無呀, 只係因為佢地唔理我自己去玩而失望姐。"
"真？ 定係因為我唔係著三點式所以好失望呢？ 嘻嘻~"




佢係唔係有讀心術㗎？ 定係因為真係我D表情講曬出嚟。 唔得, 大話點都要講落去,
"真係無, 如果我有講大話, 噤以後你就搵唔到男朋友！ (心: 除佐我之外)"
"你想死呀？ 噤你如果真係有講大話我就孤獨終老! 你到要負責呀！"
"你想我點負責呀？ xD"
" 做對有名無實嘅夫婦, 再加你所有收入俾我, 再。。。"
"停！ 我知啦！ 第一樣已經係一個最利害嘅折磨。。。 唔好再講啦。。。
"哇哈哈哈哈, 我又赢佐啦！ 好啦, 一齊去玩啦！ D嘢係度應該安全"
"唔。"
跟著我就同佢一齊搵返Fabia 同 Patterson。。。
(待續)