流星雙子: 天使與惡魔篇: 第十章 - 斯洛的解明，藍斯朗的戰書
巧遙把故事聽完後，目瞪口呆的站在原地。
湘庭︰「嚇到無左意識?」
巧遙︰「你地講真?」
我︰「你岩岩自己都見到我啲奇怪行為。」
巧遙︰「你確定你唔係撞鬼?」
我︰「我要番屋企拎醫生紙比你睇嗎?」
巧遙︰「唔洗啦，咁你想講上次救我既人唔係你?」
我︰「Exactly!!!!!」
巧遙︰「諗番起當晚，的確完全唔似你，我當晚已有種明明眼見係你，但感覺又唔係你既感覺。」
我︰「都講開，我遠離你既原因係因為藍斯朗三次現身都同你有關。」
巧遙︰「唔會啦，你既人格應該只得你見過先岩。」
湘庭︰「斯朗可以奪身體主權做好多野，而斯洛本人唔會記得。」
我︰「即係話斯朗用緊我身體既時候見過你，可能仲同你發生過一啲事。」
巧遙︰「你都知我去到DI(調景ive既簡稱) 先識你。但我又無見過你有咩異樣。」
我︰「斯朗早係我12~13歲果年唔再係到，直至你比人跟蹤果晚。」
「而家應該唔洗再避你，既然我可以直視斯朗，而家佢應該無咁易可以走出黎。」
湘庭突然大叫︰「唔得!!!」
我和巧遙愕然的望著她。
湘庭臉紅︰「以防萬一，如果你兩個太親近可能又會發生事。」
我輕摸湘庭的頭︰「放心啦，我應承你，我唔會再有事。」
說畢，我們便回去了。
我站在她們中間，感覺很爽。
回到去，他們一直在起哄。
在他們眼中，我跟兩位可愛的女生出了去談心。
而事實......
我們打麻雀到三時左右便開始有睡意，我們都一個個的返回房間睡覺。
愛睡的湘庭老早就睡得像豬一樣。
今天發生太多事情，我得靜下來好好的處理和放鬆一下。
巧遙從房間走了出來。
客廳內只剩下我和巧遙兩人。
巧遙︰「咁夜仲未訓?」
我︰「未眼訓咪發下呆，你出黎痾夜尿?」
巧遙︰「口乾。」
巧遙說罷便倒了杯水，喝了一口便坐到我的身旁。
巧遙︰「係到諗緊今晚既事?」
我︰「都係既。」
「對唔住，之前因斯朗既事咁對你。」
巧遙︰「換轉係我，我都唔知點同人講。」
我︰「所以之前你講過既事，你而家應該明白。」
巧遙慢慢的放下了水杯，轉身面向我。
穿了睡衣的她，頭髮散發一陣洗髮水的花香。
巧遙︰「我知道真正救到我既人係藍斯朗，但主動走出黎搵我既人係你呀藍斯洛。」
我︰「可惜我咩都做唔到。」
巧遙輕撫我的瞼︰「令我感動係你既心，雖然你真係比個大叔打到一仆一碌，你當下真係會死，但你無逃走。雖然真係藍斯朗打羸佢。但我唔會中意咁兇惡既藍斯朗。相比起你既溫柔令我覺得好溫暖。」
我確實沒有在發夢? 好歹現在是三點。
她的說話讓我徹底的感動了。
我︰「我已經feel到佢係我心入面既蠕動。」
巧遙︰「下! 咁佢係咪要出黎啦?」
我︰「唔會。我已經控制到。」
巧遙放鬆了下來。
我抓著她的手︰「我其實.....」
她用食指放在我的嘴唇上，不讓繼續說下起。
巧遙︰「唔洗急住答我，等你慢慢處理你既思緒先答我，我等你。」
巧遙轉身回了房間。剩下心如鹿撞的我。
剛剛的對話，剛剛的氛圍。
我不斷在回想剛剛的那一刻。
我第一次感到巧遙有這麼強的吸引力。
我慢慢打開了房門，無視另外兩個女生。
直接走巧遙那邊。
巧遙抱著睡得像豬的湘庭。
我走近她們︰「辛苦你地啦，早抖。」
湘庭突然"嗯.."了聲
嚇得我，原來是她說夢話而已。
我走到客廳，走出了門外。
因為離開了城市的關係，夜空裡星星更閃耀。
讓我回想了二十一年前的那場流星雨。
雙子座流星雨下誕生的雙子座雙胞胎，名乎其實的雙子嗎?
流星劃過了夜空。
斯朗出現了。
斯朗︰「我會奪走你身體，奪走媽媽，奪走巧遙，真正咁生存係呢個地上。」
我︰「點解係巧遙?」
斯朗笑而不語。
我︰「搞清楚你同巧遙既事，亦唔會比奪走我既身體，你只係我意識既一份。」
斯朗︰「你認為我真係只係你意識既一部份.....」
斯朗還沒說完便消失了。
我不是召喚師，無法隨心召斯朗出來。
斯朗對巧遙的事特別上心，想必她們發生過什麼事。