流星雙子: 天使與惡魔篇: 第七章 - 揭露

這種痛楚，那人要歸來。

巧遙走過來︰「係咪上次整親果到痛？」

我︰「唔好埋黎!!!」

巧遙雙眼開始紅起來︰「點解？究竟我做錯啲咩？你要咁樣對我？」

她的傷感讓我頭更痛。
我忍不住叫了出來。





我︰「夠啦！」
「唔好再行埋黎！」

巧遙流下一滴眼淚便轉身走去。

我右手不聽使喚的抓著她，一手把她拉回我的身邊。
右手緊緊的抱著她的腰間。
巧遙無掙扎，只是伏在我的肩膊上哭泣。





痛楚讓我失去了觸覺，開始什麼都感覺不到了。

巧遙緊緊收起淚水︰「點解又要攬番住我？」

我︰「對唔住，好多野我都解釋唔到比你聽。」

巧遙︰「算啦，唔逼你。你唔頭痛就得。」

我︰「咁番上去。」





最後我們都通宵了。

我跟巧遙分別住在筲箕灣和柴灣。
在一齊乘車的時候沒有再跟對方談話。

因通宵的關係，我沒有上學。
醒了後便拿電話看看我的facebook，沒多久就收到了湘庭的wts app。

湘庭︰{今晚屋企人唔番黎食，陪我食飯可以嗎?}

我︰{OK呀，我黎接你放學}

湘庭︰「你做咩企係我學校門口?」

我︰「接你放學。」





假若大家有試過在放學時間站女校門前，你絕大多數會引來一班女生。
一來八掛，二來好奇，三來我很帥。

湘庭︰「平時都係係天后站等。我聽日實有排煩。」

我︰「好明顯呢個係我目的。」

還有一段時間才吃飯，我們決定到我家看電影或"煲劇"。

我︰「不如今晚係我到食，唔想諗去邊到食。」

湘庭︰「好呀，我都好掛住契媽啲飯=3=」

我︰「妖，成日掛住食。」





湘庭一入到屋便把書包放到我房裡。
之後便死魚式攤在梳化上。

湘庭跟我一樣是Marvel迷︰「Avengers唔該~」

我︰「又睇?」

湘庭︰「咁有無Amazing Spider Man 2?」

我︰「你都知我屋企齊晒Marvel既戲。」

看戲其間，她突然問了我一個問題。

湘庭︰「其實你追到巧遙未?」





我拍了她頭一下︰「你食屎黎呀?」

湘庭︰「人地咁靚女又成日同人一齊，唔同佢追你?」

平時wts app有跟湘庭提過我和巧遙的事。

我︰「我都幾靚仔，有人追都正常。」

湘庭︰「你係靚仔，不過你啲性格奇奇怪怪，好難有人中意你姐。」

我再拍她的頭。

湘庭︰「你夠膽講你唔中意佢?」





我︰「-_-」
「我有啲野，唔可以中意佢。」

湘庭︰「我知，我另一位呀哥既問題丫嘛。」

我愕然的望著她︰「點解你會知?」

湘庭︰「答左我先。」

我︰「琴晚係發生左啲事.....」

我把昨晚的事一五一十告訴給湘庭。

湘庭︰「咁即係話巧遙講左啲野刺激到你。」
「照呢次同上次既情況黎睇，只要你大腦受到一定既衝擊，你就會轉換人格。」

我︰「你唔好講到咁動漫啦，同埋琴晚我都無比野刺激到我大腦。」

湘庭︰「推測唔只係你受衝擊，如果斯朗受到衝擊都一樣會有反應。」

我︰「咁即係話唔單單係物理性既衝擊、言語、行為，只要對我地構成龐大衝擊，我地就會轉換人格。」

湘庭︰「暫時呢個推斷應該無錯。」

我︰「琴晚發生轉換人格......」

湘庭打斷我既說話︰「無錯，巧遙對你地係一個衝擊。」

我︰「我有個諗法，斯朗本來就已經唔係到，當晚我頭部被人重擊，唔同果種重擊開啟番斯朗既意識?」

湘庭︰「一來啦，二來可能係我地大腦既自我防禦機制，你果陣有生命危險，好自然就動用你最強既防禦機制.....」

到我打斷佢︰「即係斯朗係我大腦入面既最強機制？」

湘庭︰「可能性極高。因為你有事就等於佢有事。」
「所以而家起你要小心，斯朗既性格唔會甘心屈居你之下。」

湘庭說的對，昨晚已經是他想奪去主權的最好證明。

我︰「你明明係個中學生，點解會知咁多呢啲野?」

湘庭︰「我不嬲都對心理學有興趣。」
「為你安全起見，你以後去邊都要帶埋我。」

我︰「咁我番學都要帶埋你?」

湘庭︰「番學就無計，不過你出街果啲就要，慎防你變左做藍斯朗。」

湘庭最後沒有告訴我為何會知斯朗的事。