封鎖區《Blockade Area》: chapter 13:信念
係同許崇德戰鬥後嘅第二日,佢已經再冇過黎搞事並且讓返會議室比我,同時學生會得到嘅威望亦愈來愈高
「放心啦...佢好快會醒返架啦」
「嗯…」
雖然送左張雅詩返黎急救,但流血不止嘅關係只能夠一邊止血,一邊輸血比佢...但琴晚卻發現血包嘅數量並吾足夠,所以拖延左急救...而依家佢仲未醒返
我同小k二人坐左禮堂外的露台椅上,觀望着籃球場上同學們的三打三比賽...係平日我地除左挽下球類活動消磨時間之外,已經沒有其他途徑好發洩內心嘅恐懼
「既然許崇德都已經被你打敗左,憑你嘅能力一定可以帶領我地離開呢度」
「吶...我一直想問好耐,點解你地一定要揀我做大佬...識我甘耐你應該係好清楚...」
小k喝着手中拎着嘅維他奶「我諗係魅力嘅問題...無論係學年全級第一嘅Edmond又好,運動奇才嘅冰耀又好,學生會會長都好...甚至連個個問題學生任偉奇...呢班毫無關係嘅人都被你連繫左一齊,自然大家都跟隨住你嘅腳步去戰鬥...」
「是嗎…就憑我呢個人...?明明係甘多人當中我先係最依賴佢地嘅人」
「哈哈哈…將甘多人連繫嘅個個,竟然係良生你...呢一點我都好驚訝,同時亦覺得好興奮...好想睇下你可以帶到我地行到邊...」
我握緊着手中嘅檸檬茶「完全吾好笑囉…對我黎講,目前係要保護好所有人嘅同時都要解開呢一度嘅謎團...」
「嗯…一定要離開呢一個戆鳩地方...」小k抬頭望着這個蔚藍而萬里無雲嘅天空
不久之後我走到去醫療室入面,係我打開門嘅時候已經聽到連串嘅笑聲,吾通張雅詩已經醒返?
開門嘅瞬間我見到張雅詩同坐左係窗邊嘅阿奇又講又笑甘...我從來都未見過佢係我面前露出甘自然嘅笑容...但對住阿奇卻可以甘...
吾知點解見到呢一幕,胸口有d揪住揪住嘅感覺...
當阿奇察覺到我嘅時候便收起了臉上嘅笑容,然後就係我身邊擦身而過離開了「你根本就保護吾到所有人...你只會累死佢地每一個...」
看到張雅詩嘅傷勢後,加埋呢一句反而使我更無言而對
「你見點,仲有冇覺得暈」
「冇呀…訓左成日都已經精神左好多啦」然後她望了我一眼之後卻不自禁地偷笑左下
我抓一抓自己嘅頭髮「笑咩…我個頭有d奇怪野咩?」
「吾係呀！明明良生你傷得仲重過我甘多...但反而要你關心我...我...我...真係...太差勁啦,好對吾住...仲有,真係好多謝你良生」
「呃…吾緊要啦…已經無事啦，因為有你阻止左我,我先冇行叉踏錯殺死佢...要講多謝個個係我先啱...」
話未說完,她已經衝上前抱緊着我...同時我亦反應吾切呆滯左係度「做...做...咩」
「多謝你...多謝你救返我...」
「呃…嗯…」我只是拍着她的背脊而示安慰
突然間廣播器傳出了「唦唦唦唦...」的聲音,其後亦隨即傳出Mr Sunshine嘅聲音「各位同學你地好,請係十分鐘之後到禮堂集合...重覆,請係十分鐘之後到禮堂集合,報告完畢...唦唦唦...」
究竟發生咩事...無啦啦叫哂所有人去禮堂究竟有d咩目的...
我扶起了張雅詩之後再拎左一支枴杖比佢,並陪同她一齊去禮堂度
「頭先...吾好意思...我...」正當我打開門嘅時候張雅詩卻提起了頭先嘅情況
「放心啦…我唔會同阿奇講」唔知點解心中嘅苦悶影響着我嘅情緒
她捉着我嘅右手手袖「良生,吾係呀...我諗你誤會左,我同阿奇佢...」
「其實你同我解釋黎做咩...」
「我...」張雅詩神情變得驚愕,其後漸漸收起了臉上嘅笑容,獨自一個人離開....
望到佢嘅表情之後,心中莫名甘憎恨住自己...點解我要甘幼稚做埋d甘小氣嘅事...
我慢慢甘關上道門,係我行到去樓梯轉角位個陣...突然間被人撞到我身上,跌倒嘅個一刻佢用雙手捉緊着我嘅衫袖扶住我...「良生你冇事呀嘛...?」
眼前呢個人正是Aila...她依然捉緊着我嘅衫袖,可是我並沒有打算撥開她,但她卻好快甘縮開雙手「對吾住...我冇心架...」
「嗯…」
她用右手放在我嘅臉頰上「你臉色好差...係咪太攰啦你,吾好逼得自己甘緊...」
我漸漸甘將額頭依靠在她的右邊膊頭上「阿恩...我覺得自己真係好差勁....」
「無論發生咩事都好,我依然會係你身邊架」
「嗯…」
阿恩佢一語不發緊緊地攬晒左我,她帶給我嘅溫柔使我對自己的抱怨及自責感到安慰...係呢一刻,我不自禁甘係佢面前無聲地哭泣着
並吾單只係因為對自己剛才的行為而自責,只是將一直以來嘅痛苦回憶係呢刻發洩出黎...
其後我們二人都進入了禮堂度,已經有唔少學生坐左係度等待着,我睄到張雅詩同佢嘅朋友圈子都係度傾計...感覺上好似冇咩事甘...其實都只係得我一個在乎...
突然間禮堂嘅大門自動關閉並鎖起來,然後Mr Sunshine便係後台走到台前嘅正中間位置「早晨呀各位同學~今次叫你地黎係純粹想睇下你地死剩幾多個~」
「你老味...真係想一拳打撚死佢」坐係我前面嘅MK康粗口橫飛甘罵著佢
「我記得學校係有一樣叫做"早會"嘅野,我地都會跟返一樣,每半個月我地都會黎一次集會,大家互相交流下~」
這時Mr Sunshine佢㗳左一下手指「已經過左半個月了,你地仍然一舊部件都仲未搵到,的確令我有啲失望...不過,你地嘅表現係幾另我期待,尤其係你...艾良生同學...」
他指着我嘅同時所有人都望了過來「你嘅行動的確幾令我意想不到,唔知話你勁定有勇無謀好...係毫無準備之後挑戰小丑,你都係第一個」
「甘姐係話你係透過CCTV監視我地一舉一動...而唯一可以睇到CCTV嘅只有校務處...」
咪住....佢係點睇到...係正常情況下根本冇可能睇到「你只能夠係日頭恢復電力個陣先可以睇...姐係話，你身上有通行證可以自由出入校務處...?」
Mr Sunshine只是不自覺甘笑起來「哈…果然吾可以睇小中學生嘅能力...但你只係啱左少少...真係可惜...」
「我可以問個問題嘛?」Edmond佢舉起了右手並企起身發問
「Sure~」
「根據你所講,良生係甘樣第一個正面挑戰小丑嘅人,姐係之前亦有其他人試過但吾成功...意思係除左我地仲有其他人曾經被困係度?而且照良生嘅推斷...佢應該係估啱左你身上有通行證,但係校務處入面卻有電制箱係度,所以你可以係入面控制全校電力供應...甘嘅話...我地一直以黎嘅行動都只係白廢心機...」
我忽然間已經理解到Edmond所謂嘅"白廢心機"究竟係咩意思
Mr Sunshine露出了他淡黄而有點黑嘅牙齒奸笑着「不愧係全級第一嘅天才少年悦家浩,係呢度讀書根本只係浪費你呢個人才」
「吾好意思喎...可以係呢度讀書,簡直係我三生有幸」這時Edmond佢睄了我一眼,然後再望返去台上面
「但好遺憾,你同樣都係估錯左少少野...但係...為左獎勵你甘醒目我就比一個少少嘅提示你」Mr Sunshine嘅笑容比起剛才還要更燦爛
提示...?
「NO...57...IM...就係甘多~」
NO57IM...究竟係黎?係一個密碼....定還是係一個地標...
Edmond同樣露出了一個疑惑嘅表情,並托了一下自己嘅黑框眼鏡「嘖...你呢個人果然係好中意考驗我地嘅頭腦....」
「如果吾係,就吾好挽架啦~係咪?」Mr Sunshine從台上悠哉悠哉甘行落黎,然後再推開了禮堂嘅大門,係離開嘅時候佢放左一條鐵鎖匙係地下「送比地你嘅通關獎勵~」
小k上前執起左條鎖匙「呢把...應該係地庫嘅門匙黎」
接著佢同幾個同學一齊落到去地庫個度,同時間MK康亦問左一條吾應該問嘅野「...點解係白廢心機...乜鳩野意思呀?!」
Edmond只是睥左佢一下,卻並沒有回答到佢嘅問題
MK康上前扯着佢嘅衣領「答呀屌你!...你究竟算係咩意思呀...」
「咪姐係其他人嘅死都係毫無價值囉傻仔~」阿奇一副事不關己嘅表情望住MK康
「你講乜撚野呀…！你乜柒都吾知就咪撚鳩講啦仆街!」
「你除左份人爛口之外,基本上好似你呢個腦生係屎弗嘅蠢材應該一早死左先係...」
話未說完MK康已經奮不顧身衝到阿奇面前打算毆佢一拳「仆你個街！！！！」
我立即衝上前拉着MK康嘅手䄂並扯開了他「冷靜d先啦…依家吾係自相殘殺嘅時候」
「你姐係認同條仆街講嘅野啦?!...你真係認為佢地死得一d價值都冇咩?!」
「吾係！佢地嘅死並冇白費度!」
Edmond上前輕輕地推開了我「夠啦良生,等我黎講...我之所以話白費心機,係因為我地根本冇可能入到去校務處裡面...之前嘅行動,都已經係毫無意義」
係呢一刻,在場嘅學生都露出了同一個表情...就只有絕望嘅樣子
「佢講得好啱呀，所有野都只係我地一廂情願...根本就冇所謂入到去就離開到嘅希望」阿奇毫不留情嘅呢一番話,使我們嘅心情更是百上加斤...
「吾係...根本吾係甘...」我嘅腦海裡不斷甘浮現着已逝去同學嘅身影...「佢地仍然存活係我地嘅心入面!!」
阿奇佢行到我面前並扯着我嘅衣領「吾好講笑啦艾良生,面對現實啦...你真係以為一切都會好似卡通片甘有所謂嘅希望咩?!那來嘅自信呀！吾好笑大人個口」
「並吾係自信....係信念呀！」我撥開了阿奇嘅右手並繼續說道「無論係Wilson又好...其他人都好...佢地都已經將自己嘅性命交托左比我地,將呢份信念...交左比我地」
「Bullshit..!!就係因為你呢份所謂嘅信念,才會令甘多人盲目相信你,比你害死我地!」
「但我依然會去信佢!」阿思行到我嘅身邊支持着我
「我都係」/「Me too」肥ken同Leonardo都行到我嘅身旁
MK康亦撘住我嘅膊頭「就算真係甘...我都會相信你」
「仲有我」 「我都係」 「吾好計留我」 「仲有我都信」 「我信佢」 「Yeah,我一定support你」 「我都係」 「實信你」....
吾少在場嘅同學都逐漸跟著人潮走到我嘅身邊同背後...而且子喻都行上前捉着我嘅手臂「良生你嘅努力...大家都有見到」
「根本只係你地一廂情願...你地再係甘樣只會逼自己上絕路」阿奇佢並沒有打算退步
「呢一份信念...並吾係屬於我一個人,而係我地全部人,我地會一齊離開呢度他媽的地方!」
「有冇諗過如果你地輸左甘點...所有人都會死...」
「We will do it together also...」Leonardo拍打了我嘅背脊一下
即使係害怕都吾緊要...因為我嘅身邊仍然有一班打死不離信任着我,支持着我嘅同伴...呢一份永不信敗嘅信念吾單只係一份執著,而係我地學校嘅校訓...亦係我地每一個人堅持下去嘅理由