封鎖區《Blockade Area》: chapter 9:失去的戰意
昨晚我地嘅第二次作戰又失敗告終,而且有6名嘅同學喪失左性命...
我地係足球場旁邊嘅石牆上逐一刻印佢地嘅名,並舉行左一場喪禮...遺憾嘅係,同上次一樣屍體都被人移走了吾知邊度,只留下一地乾涸了嘅血跡
一場死無全屍嘅喪禮,或許對我地所有人黎講算是減輕了內心嘅痛苦...然後我地將一些信及紙條都貼在牆上以作紀念
「我地唯一做出嘅...只能留着佢地曾經存在過的證明...」企係我身邊嘅小k也只能夠無奈甘講出呢一番話
我抬着頭望向呢一片灰濛濛嘅天空「究竟係呢一片天空下...我地又會吾會留低到生存過嘅證明...」
究竟同一片天空之下外面嘅世界又係點樣?點解冇人黎搵我地...係呢一刻我回憶起Sam係海濱公園同我講嘅一句話...「如果到你失蹤嘅話,我一定會去救你!」
「切...!」雖然好吾甘心,但無奈甘我都吾知佢係出面做緊啲咩
係全場默哀1分鐘之後,同學們都懷著哀傷嘅心情散去,而我地亦回到會議室中商討及反省今次行動嘅漏洞
會長拎起一份人名單放係枱面上「已經有14個人死左....連埋今朝係廁所度割脈自盡嘅個個女仔,一共死左15人...」
趙敏兒放了那個女同學嘅遺書係枱上面「佢身邊嘅朋友今朝係佢嘅床鋪度搵到...件事已經傳左出去,可以見到已經有吾少嘅學生開始頂吾順甘樣」
「甘樣毫無進展根本解決唔到問題...而且..」
坐係我旁邊嘅Leonardo立即拉住我隻右手阻止我繼續講落去「良生...等陣....」
「...有咩好等?」我瞪了他一眼示意佢放手「我地琴晚嘅作戰...有人泄漏左出去,敵人先有機會埋伏,所以我地先會失敗...」
會長會質疑嘅眼神望着我「你甘講係咩意思,你想話我地呢班人之中有內鬼呀?!」
「我地被人出撚賣左呀!」MK康勁力甘拍左張枱一下
「我好信任自己學生會嘅同學....根本吾會有你所講嘅叛徒出現!」
「既然係甘...敵人又點會知我地嘅行動呀!」係呢一刻我自己也開始控制吾到自己嘅情緒,腦內全是琴晚嘅畫面...
張雅詩也捉着我的左手「吾好甘呀良生...冷靜d先啦...」
「啪...!」突然間會議室嘅大門被人打開左,然後有十幾個手中拎着武器嘅人衝了進來並包圍着我們
「well...阻住你地內鬨吾好意思,我地有正經事要處理」一個身穿白色恤衫戴着棕色四方眼鏡嘅學生走了進來,睇黎佢就係呢一班人嘅大佬...
會長即時企起身對望着他「你究竟想點...許崇德...?」
「許崇德?邊個黎...」張雅詩係我耳邊細聲甘問道
「5D班許崇德,係個視錢財如糞土嘅人...原本係當選學生會會長嘅大熱門人物,但被人踢爆佢用恐嚇威脅手段黎取得票數之後就落選左...而且係一個冷血無情嘅人...」
會長身後嘅兩個同學捉住了會長雙手並拉開了他,而許崇德亦毫不客氣甘坐在係主席位上面,這時佢將雙腳放係枱上面「啊~！果然夠晒舒服」
「你想點...咳....」會長講完呢一句話後立即被身旁一個捉住佢嘅同學打了個肚一下,然後會長亦痛得跪係地上面
「出咩聲呀仆街!係咪呀大佬」
許崇德一掌摑到那個同學撞到牆上,然後不斷用踢向佢度「你打佢做乜鳩呀?我有冇比你打佢呀?...有冇呀,有冇呀,有冇呀,有冇呀!」
他一邊踢一邊恥笑着躺在地上哭着求饒嘅同學,然後一腳踢暈了他「是但揾個人扔左舊垃圾出去,督眼督鼻甘」
同時間我用力一下子撐向後方,張電腦椅立即衝向我身後嘅同學度,再企係身一個手肘打向佢嘅下巴度,然後推佢落地
這時其中一個同學立即拎起鐵棒打算揮向我度,隨即一腳踢開了他後再扯起佢嘅頭髮一拳打向他的鼻樑...鼻血都噴到我嘅拳頭上
其後我再轉身一拳揮向拎着木球棍嘅同學腹部再一掌打向他的下顎位,使他撞向牆上,當我回身一看嘅時候,想和我一同反抗嘅小寧和Alan都被㩒在枱上...
「如果吾想佢條頸被我開一條痕就吾好郁...」許崇德用軍刀放在會長嘅頸邊,威脅着我及其他打算反抗嘅人
正當我打算舉高雙手嘅時間,背後有人用棒打向我後腦到...我痛得㩒住後腦跪在地上...暈眩嘅感覺使我的意識開始出現模糊嘅畫面...
「良生...!」張雅詩打算扶起我嘅時候卻被許崇德嘅手下摑了一掌並推倒在地上...
我面貼着地面只是聽到了一些「嗡嗡...」嘅耳鳴聲中交雜了其他人嘅說話聲音,我沉重嘅眼皮開始想合閉起來...
企係我面前嘅許崇德俯視着我,並用右腳踩在我的頭上「果然...推你出黎做領導係正確,你嘅失敗將會係我成為王者嘅踏腳石」
「你....你...你講...講咩話....」我用了最後一口氣吞吞吐吐地説了最後呢番話...
他只是用着一個滿足嘅笑容對住我「你只係一隻棄棋咋艾良生....」
我漸漸連反抗嘅氣力也沒有,望着坐在牆邊嘅張雅詩....看到她伸出了右手對着我...隱約甘聽到佢嗌緊我
「起身呀良生！！！！！」接著子喻一聲嘅呼叫聲後,許崇德便拎起了球棍揮向我的頭頂位置「係甘先...艾良生」
然後我便眼前一黑並失去了意識暈倒了...
*****
係艾良生拼死去戰鬥嘅同一片天空下,外面嘅世界亦有着另一場腥風血雨嘅鬥爭...回到返係艾良生被西裝男運走嘅數小時後...
當我漸漸開始有返意識嘅時候,感覺到自己嘅雙手被人綁實左係後面...
回憶起啱啱有幾個男人衝左入黎之後歐打完我地就帶走着良生...「頂呀...個頭勁痛」
再望一望四周嘅環境,呢度滿是紙皮箱同書架,而且一個窗口都冇...睇黎我被人困住左係一間雜物房入面,係都比間VIP綁架房我都好呀...
「依....」一的聲,有一個身穿灰色制服嘅男人打開左鐵門走了進來,我馬上繼續扮暈倒,同時間偷偷甘係牛仔褲尾袋個度拎左把介刀出來慢慢甘鋸鬆條麻繩
個個男人走到我面前應該係望左我一下之後又企返去道門度,然後拎起了放係腰間嘅對講機「係我呀,呃…嗯…嗯…名單上冇呢一個人,係....」
然後佢鬆綁了我雙腳上嘅麻繩「麻鬼煩...捉完返黎又要我處理左佢...求其扔佢去...」
當佢鬆開了麻繩嘅一瞬間,我立即伸出了雙手用麻繩繞着佢條頸再用左手㩒住佢個口,他不斷擺動身體去掙扎,但幾十秒後便暈去了「sorry，sorry...麻煩你訓陣教先」
然後我就脱左佢身上嘅制服着上身,並拎走左佢嘅證件,上面寫着佢個名...「謝浩然...雖然同你無仇無怨,吾好怪我~」
證件仲有着香港嘅區徽...係政府部門黎...?
頂呀...男人老狗着皮鞋着細碼,有冇搞錯...我只好繼續着返我對AJ...同呢一件制服總是有種格格不入嘅感覺...
當我就出雜物房個陣就已經有兩條分叉路,我沿着淺藍色嘅地磚一直行呢一條寂靜無人嘅長走廊,除左得冷氣機聲之外,甚至連一個窗都冇,根本吾知自己係邊
這時我看到前方無遠有一個同我身穿一樣制服嘅中年大叔同我迎面而來...他手上拎着一份好厚嘅文件...
扮無事...扮無事...實冇死...你睇我吾到~你睇我吾到~內心不斷甘自己安慰自己,我低着頭甘係佢身邊擦過...完全吾敢同佢對視...平常心...
「喂，你...呀...」
Fuck......?！！！！佢突然甘嗌我,差d嚇到我叫左出黎,我低着頭望向他的心口上嘅證件,同我個款係一樣,只係顏色有d吾同
「係...請問有咩事...」我已經表現得好客氣同盡量保持自然嘅態度
「呃…同我拎呢一份野去control room比呀Luis佢」然後佢就推左份野比我,並係制服上嘅衫袋拎左盒香煙出黎
佢用個銀色嘅打火機點了支煙後便望了我一眼「望咩呀!仲吾快啲去?」
「係...!」
「明知今日總部缺人手仲成仲龜甘慢...」當我拔腿走人嘅時候,就聽到佢係我身後甘諷刺着我...你個死老而老....
跟着我沿住牆上嘅指示牌行到去control room嘅門口,再用證件拍向側邊嘅掃描機度,跟後便有OPENED嘅藍色字樣顯示係螢幕上面
自動門打開後,入面就好似一個股票市場甘嘅大房間,而且仲有着一個超大嘅螢幕掛係牆上面...我踩上深黑色嘅地毯進入了控制室入面,每張枱都非常寧亂,放滿了紙張同文件,但入面偏偏一個人都冇甘奇怪...?
當我行前幾步嘅時候就被吾知咩野絆倒了並仆低左係地上...「乜Q野黎架...?啊…吾係呀嘛...?!」
眼前有一個額頭被人射串了一個洞嘅男人倒在地上,他瞪大着雙眼望向上,神情表現得並吾驚訝...我諗應該係吾知情嘅情況下被人殺死左...「身體仲暖,死左冇耐...甘...」
「咔！」正當我另轉身嘅時候,眼前卻有一把槍指着我...而且仲有一個身穿黑衫戴cap帽同口罩嘅男人企左係我面前「吾好郁...」
「大佬饒命呀！你認錯人,我吾識佢地架!!!!」
「呢把聲...你係過之?」眼前呢個黑衣男脱下了口罩,是一個熟悉既面孔,睇到佢右邊下巴上嘅疤痕就知佢係邊個
「阿傑...?」眼前呢一個人叫黎俊傑,係我工作地方嘅前輩黎,入行個陣都係佢帶住我「點解你會係度?」
「應該係我問你先啱....點解你會出現係度」
「哈…一匹布甘長...總之呢度係邊度,呢班又係咩人?」
突然間有數名嘅軍裝男人係正門衝了進來,並且連續嘅「呯呯呯呯呯呯....」機關槍聲不斷甘掃射向我們
「嘖!估吾甘快就有人黎...走呀!」
阿傑立即拉着我去枱邊度避開射擊,並且拎出了一個煙霧彈出來並扔向後面,跟著帶着我一同走到去控制室旁邊嘅出口度
「呯!」一聲子彈射中左佢嘅膊頭,頓時間我立即扶起阿傑並走到門前嘅其中一張電腦枱前躲避
「Shit...!」子彈不斷甘射向我地嘅方向,而電腦枱亦有些木碎片被射得橫飛滿地...
阿傑佢换了彈匣之後再係空檔時間開槍還擊,但佢膊頭上嘅傷口亦開始滲出血來...
然後佢係䄛袋入面拎左隻usb同一張相交左比我「過之,揾相入面嘅個個女仔出黎而且保護佢!」
「咩話?」我望着手中呢個穿著白色衛衣綁着馬尾辮嘅女仔張相...
「我冇時間解釋甘多野...記住一定要保管呢着usb...絕對吾可以交比任何人!係我地入面有人出賣左我地...記住,揾個女仔出黎...保護佢!」阿傑用手巾㩒住自己嘅傷口止血
「究竟發生咩事呀?!佢又係邊個黎?」係呢一刻我實在有太多野想問,一時三刻根本分析吾到呢一推野
「你想知嘅所有野...係usb入面...行啦!」阿傑衝左出去不斷向着班軍裝男開槍掩護我走到旁邊嘅出口
「阿傑!」
佢推左我入去之後便關上了大門,係呢一瞬間我根本接受吾到佢同我講嘅呢一番話「過之...好好保護佢...保護 潘 子 喻 呢一個女仔...交比你啦」
然後大門便關上了,我亦立即企起身不斷甘向着走廊嘅盡頭奔跑,腦海裏充滿着吾少嘅疑惑同問題....
潘子喻...咪姐係良生你救返黎嘅個個女仔,但係相入面個個根本就另一個人...如果阿傑佢拚死都要保護嘅呢個潘子喻係真人嘅話...
如果真係甘嘅話,良生...你身邊個個叫潘子喻嘅女仔...又係邊個...?