媾女啫....唔洗咁呀: 大佬

係昏迷期間、我見到有個好似係呀曚既女仔係到不停咁低聲啜泣喃喃自語咁講

「點解！？點解嗰個都咁對我！？」

聽到呢番說話令我覺得好似有人用一把帶住失望同憎恨既刀係我背後向住我早已被唏噓同自卑所蠶食既心用無情力量狠狠地一刀一刀咁刺入、我已經再無力去支持落去、身軀好像世貿大樓咁一下子倒塌下來、突然有一把好陌生既聲音去將身處係呢個黑暗世界入面既我拉返去現實！

「喂𡃁仔起身喇、你訓左好耐喇、你仲未死呀嗎？精神呀！」

當我一張開雙眼既時候、我竟然身處係麻繩屋企、好奇既係我點會無喇喇會係麻繩屋企呢？仲有文哥、龍dee點解又會係埋到呢？





「點解我會係到既？呀曚呢？」

「呢個時候你仲掛撚住女！你啱啱差啲比人打撚死呀、好彩我地岩岩返邨食野咁岩就聽到籃球場個邊好撚嘈咪行去睇下咩事囉、點知原來係你條柒碌比人打緊咪嗱嗱淋上前幫拖囉！見到你比人打撚到好似奄奄一息咁咪抬撚左你返黎先算囉！點撚知你個撚樣一打撚開眼就女、屌！早知由撚得你死！」
「咁你地黎個時有無見到呀曚呀？」

「呀！你個仆街真係為女死為女亡㗎喎⋯⋯不過我去到都見唔到呀曚...」

「咁肥暉個啲呢？」

「屌！仲好講行撚到去一見到我地咁撚多人散撚哂喇！下次再比得見撚到佢有撚緊呀佢！」





「真係麻煩哂你地呀！」

「屌！客咩氣呀？你條碌樣唔係同我講呢啲呀」

文哥係我同呀杰仲係到客氣來客氣去既時候

「喂！𡃁仔你都捱得下架喎！」

「邊係呀文哥、好彩你地幫拖我先未死渣！」





我好清楚記得我頭先比人打到合埋雙眼之前同先己講過咩、我要做一個重新既我、

「文哥...啱啱...因應情況危急...咳咳...所以我同佢地講咗你個名出去...」

「咩話！？你講多次！」

見到文哥語氣極為憤怒，我當嚇一嚇，心諗...呢鋪仆街...雖然自己未入過黑社會啫，但係聽周邊啲人講，睇報紙雜誌都知有啲野唔可以亂咁講，由其呢啲所謂既「響牌頭」

「對唔住呀文哥...我知我唔應該講你個名出去，但係因應我嗰時真係好想保護呀曚，諗住可以博一博走得出咁多人圍住既環境，係真㗎！如果剩係得我一個，我絕對唔會亂咁講你個名出去...對唔住呀文哥...」

「仆你個街！邊閪個呀曚！屌佢老母！撻咗我朵都仲打，呢班契弟緊撚係食撚懵咗！繩仔同我吹雞」

「吓！？文哥...你唔係嬲我...講咗...」





「如果係第二個亂撻我朵既，佢去咗搵第二個老母閪投胎啦，見你你繩仔老朋又咁夠疆...唉...呢次算啦...不過同你講撚明無下次呀！」

呀繩見大佬比面自己之後又諗埋啲古惑野

「呀大！咩無下次呀！柏軒咪一早話再想跟你囉...佢撻你朵都好合理啫！」

「呀！你個仆街仔，平時叫你幫手嗰陣又唔見咁多嗲，話哂國有國法，幫有幫規，佢話想跟啫，連老毛都未比我就撻我朵，比人知道仲成世界」

「喂！柏軒，快啲封老毛比呀大啦！」

「吓！？咩係老毛......」

我仲係到諗緊幾歲先叫老，幾歲先有老毛既時候柒頭杰已經同我解釋緊老毛原來姐係跟大佬要比既利是！由3 6呢個數字封祖成、至於點解要用36呢、呀杰話個時係古代有人為左反清復明以去創立洪門姐係天地會、屌！睇戲睇得多天地會喇原來真係有天地會、仲有分詩喎、「三和合水萬年流，低頭飲盡三河水」古代人問人地跟邊到係要交詩架！以洪門36誓就係為左呢d出賣兄弟既人去諗出黎既規則同埋誓言、所以拜門象徵式收費3.6姐係代表你知道同緊記呢個36誓既意思！但係試問幾個年青人點會有毫子係身呀？幾經辛苦終於都搵齊3.6、一個簡單而隆重既入會片儀式係終於禮成、以我就係咁通住一條改變歷史既火車向黑暗既道路進發、究竟呢條路是福？是禍？