媾女啫....唔洗咁呀: 曖昧
記得係2006年既年頭有一套戲既半醉人間、係入面講過一句「凡間太苦、成仙太難」其實呢個世界上每人都有佢地本身既生存方式！太苦既原因係當我越做得人耐、壓力會越大，需要煩惱既人和事會變多，有時真係情願做隻無雀既腳仔無憂無慮一直飛。
我係講完呢句挑之後就返左入房繼續同呀曚傾計仔！返到房既時候突然有啲心血來潮想開隻歌仔聽下！
千千靜聽係每個90後既回憶，係播放列表隨意咁播首歌
「 想回到過去 試著讓故事繼續 至少不再讓妳離我而去～
分散時間的注意 這次會抱得更緊
這樣挽留不知還來不來得及 想回到過去～
思緒不斷阻擋著回憶播放 盲目的追尋仍然
空空盪盪～
灰濛濛的夜晚睡意又不知躲到哪去
一轉身孤單已躺在身旁～」
「呀曚？」
「做咩呀？你食完野喇？」
「係呀我求求其其咁整左啲野食、食完咪搵你囉？係呢呀曚你可唔可以我問你一個問題呀？」
「可以呀！你問喇？不過我未必會答你架喎哈哈！！」
「你鐘意啲咩類型既男仔㗎？」
「um！唔話你聽！哈哈^.^咁你呢？」
「乜你咁既，懶係神秘咁！所以我都決定唔答你！」
「唔得呀、一定要笞、如果你唔答我就唔理你。」
「咁你姐係逼我就範？」
「係呀！咁女仔係咁架喇！咁你答唔答呀？」
「um、如果你真係要我講既話、個樣就無所謂喇、身材唔洗特別好既、最緊要係個心、一定要有愛心、同情心，！」
「咁既咩？男仔正常唔係都應該鍾意啲樣靚身材正個啲架咩？」
「咁又唔係個個男仔都係咁既！識欣賞女仔內在美既男仔先係識貨！」
「咁你之前有無拍過拖呀？」
回到過去既我拍拖既緊係有拍過拖喇、但係我無奈中都係要講
「無呀、都識唔到女仔！我又唔係鍾意媾女個啲」
「哈哈！真係咁純情？」
「唔係純情呀！只係我覺得都搵唔到啱feel既女仔！咁你呢？」
「拍過一次拖囉…不過分左幾個月喇！」
「做咩會分手既？」
「哈！關你咩事姐八掛！」
「車！唔講算數！」
「無呀！個男仔係我中一個既師兄、佢追我個時好細心架、但係之後拍拍下拖發覺佢原來細心唔只係對我一個，仲要好鍾意撩女仔、成日對住啲女仔都會口甜舌滑、咁女仔係自私架喇！點會想自己個男朋友成日都氹其他女仔架姐！咁咪同佢嘈囉！跟住佢就話我成日管住哂、之後佢就講分手喇！佢唔洗兩日已經係學校到媾左第二個師妹！個師妹仲要係我個同班同學！我個時真係好唔開心！但係我仲可以點喎！估唔到咁就幾個月喇！」
「算喇！仔死仔還在下個更可愛嗎！你咁靚一定會搵到一個對你好既人！係咪」
「唔知呢！我只知道我好眼訓、我唔同你傾喇，我訓喇、聽日見喇！」
「聽日見？你唔係話聽日要同呀媽食飯咩？」
「唔話你知！88」
聽到呀曚咁樣講、我個心有一種莫名其妙既隱痛、究竟我點解會回到呢個時間..點解唔係再早啲或遲啲！？我望向窗外既月亮格外悲傷．．．．再望一望周圍既環景真係………
我坐係個電腦前面萬無目的咁游來游去、發現我𠴱時開始鍾意睇動漫架喎！零之使魔、死亡筆記、命運守護夜、一個個分好哂既動漫、原來我𠴱時已經咁毒！正當我思考緊人生無常既時候我竟然不知不覺咁去到周公既懷抱、係夢入面我見到自己同呀曚拍拖既情景、拖手、接吻、有講有笑好似以經忘記左時間既存在咁同呀曚一齊既時間真係好開心、好舒服因為個時既我地係好簡單好真、當我仲回味緊同呀曚一齊發生既事突然
「人人親近我～無人爭奪我....」一切都比呢隻兩句歌詞喚醒哂。
「咩事呀柒頭杰？你知唔知阻住人發夢死左會比人燒春袋架！」
「嘩！柏軒你個撚樣今日返唔返學呀？」
「又返乜野學呀！」
「啱喇！我都唔撚想返學、搵啲野搞下呀！上黎我到呀！去籃球場到hea下呀！」
「要hea我唔係屋企自己hea！出面咁熱！你痴就好咪叫我陪你癲」
「你真係唔出黎？」
「出黎都無野做！」
「你唔想見到呀曚咩？」
「呀曚？無喇喇又關呀曚咩事呀？」
「哈！原來你真係唔知架！呀曚係我屋企附近讀書㗎渣！傻鳩。。。。。」
係喎！差啲就唔記得咗呀曚係柒頭杰附近到讀書添、如果我去接佢放學咪可以又見到佢囉！
「唉！好喇我訓多陣就出黎喇好嗎？真係好攰呀！」
「好喇唔好訓咁撚耐喇撚樣！」
係呢個時候我只係諗緊我依家仲可以做咩呢？難得我咁早起左身！我就膽粗粗咁send信息比呀曚
「呀曚!返左學未呀？」
我唔知係呀曚無開機定係未起身我一直咁等到成12點幾佢先應我
「返左喇！你呢？」
「無呀今朝有小小唔舒服所以無返學呀！」
「你無野呀嗎？」
「我可以有咩野呀？我訓左一陣依家無事lu」
「車！一睇就知你係扮病喇！壞學生！」
「係呢！你尋日話今見係咩意思呢！？」
「無呀！尋日紫螢佢話今放學去搵呀杰問我去唔去！咁呀媽尋晚返黎又話今日佢要開會食唔到！咁我咪睇下今日會唔會又有人送我返屋企囉！不過算喇有人話自己病左！咁我咪自己返屋企囉～～～」
「咁你要唔要人送你返屋企呀？如果你唔介意既話我都可以出黎送你返屋企既！」
「咁有人送我返屋企都好既！起碼無咁悶呀！但係有人話自己唔舒服，出到黎都唔知邊個送邊個，好喇！唔講喇我要上堂！」
「哦！咁你就睇下送你返屋企既人會唔會出現喇！」