(少甜）莊內戀...亂？: 一

第一章

「菲菲 你有冇諗住上莊呀?」我訓係張床到一路碌ig，一路問我個roommate 
「都有既⋯做咩呀？」菲菲訓左係我隔離敷緊mask 碌大對眼望住我，水汪汪咁真係好可愛

雖然我同菲菲只係識左兩星期，但就好似識左好耐咁，一拍即合。
既然咁夾，就索性拍埋床一齊訓。張床大啲，訓都訓得舒服啲。
我係個好敏感既人，有少少聲同光我都會訓唔著
由中學開始已經慣左祼睡，啲衫拮住哂好唔舒服。
可能有人會覺得係個怪辟，不過好彩菲菲唔係咁諗。


所以就算拍左床，我都照樣祼睡。大家都係女仔，怕咩？

「聽人講hall莊好chur好好玩咁！！我想上hall莊呀！」估唔到菲菲都想上，搞到我好興奮
「你洗唔洗咁開心呀？」佢笑左笑「哎也，我敷緊mask唔笑得架，唔好整笑我啦」
我好大力咁拍佢手臂「咁今晚一齊去聽下個簡介會囉？好冇呀？」
「知啦知啦，咁大力！好痛呀 ！」佢笑住咁講，然後就撕左塊mask落黎扔落垃圾桶

菲菲係一個好純品好鐘意笑既女仔，白雪雪又細細粒咁，好得人鐘意。
佢話佢中學淨係拍過一次拖，唔夠一個月就散左
我都唔係幾明，佢係中學個時應該係女神，點會無人溝呀？



「話唔定今晚會有靚仔，你係機會出pool啦！」我細細力掐住佢塊臉「頂你塊mask啲精華痴哂落我隻手到」
佢扮左個鬼臉「邊個叫你搞我。出pool呢啲野順其自然啦」

佢咁好，一定大把仔狗衝佢！
唔好揀中狗公就得啦。邊個夠膽hurt菲菲，我一定會十倍奉還。
⋯至少我個時仲係咁諗

「你就唔洗驚啦，有個拍左兩年拖既男朋友」菲菲大字型咁趴係床到，嘟起個嘴好無癮咁
「唔係架，如果我搵到個正過佢既咪飛左佢囉」


「你講笑啦！你點會捨得呀李舒童！」
我驚訝左1秒「世事都被你看透⋯不過呢，我好似講過唔準叫我全名架喎！鄭菲菲！」我笑住咁掐佢手臂
「李舒童！哈哈！你係書童！」佢扮到個樣好痛苦「唔好掐啦！救命呀！對唔住囉大佬！」
呢個時候，咁岩Alvin打黎「Alvin救左你一命」
我笑住咁鬆開隻手彈起身聽電話 菲菲即刻扮咳話自己差啲死
成日同菲菲打打鬧鬧又一日，其實真係好開心

「Alvin?收工啦？」隔住個mon都feel到我笑得好甜
「係呀，過黎搵你食飯好冇？」
「食飯呀⋯⋯？」我望一望菲菲，佢楚楚可憐扁哂嘴咁望住我「唔啦，我同菲菲食。你食自己啦」
「你理佢得架啦，唔洗理我架啦」Alvin扮哂sad咁
「扮咩呀！你有得自己食飯打機最開心！」
「講呢啲⋯⋯唔知臣妾幾時得閒服侍朕呢？」佢淫笑左一聲
「今晚？我岩岩黎完m」我捂住個嘴細細聲咁講，廢事比菲菲聽到
「咁我除定衫等你。你著白色lace嗰個bra好冇？」


「臣妾遵命」

菲菲一臉羨慕「你地真係好sweet！唔知幾時到我呢」
「好快架啦」我甜笑

Alvin係我中學師兄，高我一form，成績唔係好好，唯獨數學特別叻
個時考dse，老師介紹左佢幫我補數學
雖然佢入唔到U，但佢數學有5**
個時每逢二四放學，佢都會上黎我屋企幫我補習
因為屋企人好夜先番，所以每次都係得我地兩個係屋企
一開始覺得佢份人好caring好暖男，點知原來係一隻披住羊皮既狼，好鬼淫
咁就岩哂我，因為我都係淫底