【夢幻】《我從來冇諗過我會有咁正既女朋友》: 【外傅二】有緣千里能相會
我...係咪....
去左另一個平行時空.....
我完全唔敢相信....呢個咁科幻既事情會發生起我身上。
我感到害怕，驚慌，無助。
此時此刻，我已經無力量去企返起身，我只係雙目無神呆坐左起地上.... 我感覺到自己就好似失去左靈魂一樣... 我已經冇心情去理會世人既眼光。 但係...我亦都要去接受呢一個事實，同埋搵出解決問題既方法，
即係話我要清楚知道我點先可以返到去原本屬於我既平行時空。
我應該點做好...去報警？
我再反問自己...但報警又有咩用呢...
冇人會相信我講既說話...
到時佢地只會同kitty同一個反應，覺得我精神失常轉介我去睇精神科醫生...
我決定左上網搜尋下平行時空呢個理論，再搵下起香港有發表過相信呢個理論既物理學專家。
經過我一番查搜查之後，我搵到一個物理學方面既專家，DR.MA。
我經過email同佢接觸，而佢亦都好快回覆左我想約個時間出黎同我見面。 起呢一刻我開始相信成件事有返少少希望同轉機...呢一刻既我深信佢一定可以解答到我全部既疑問。
當我一入到去間coffee shop 既時候，已經見到DR.MA坐低起道等我。
「你好！我係漫淇！」我自我介紹左自己之後我就坐低左。
而家既我真係好緊張...心跳亦跳得好快...快到好似準備心臟病發一樣... 「漫淇，你好！我係DR.MA , 你起email有同我講哂成件事既前恩後果，你話你因為一次意外而撞車，之後到你醒返既時候就發現自己身處起一間你未見過既屋企，同埋發生左種種既奇怪事件。就好似你身邊朋友既電話號碼都顯示未有登記，你去到醫院護士話冇你朋友入院記錄，當你撞返識左3年既朋友而佢竟然話你認錯人等等既怪事..我想問我既理解有冇錯？」
「無錯...」我點點頭，然後等待緊佢得出既結論。
「起醫學上，你頭先所講既野係唔成立。 我相信如果你將成件事講解返比醫生聽，好大機會佢地會轉介你去睇精神料。」DR.MA用一面認真既態度同我講呢一番說話。
我聽佢講左一大段野...佢都未講到重點...
我心中不禁地想明明佢係物理學家，唔係應該講返從物理學角度解答返我既問題架咩....
但好快...呢位Dr.Ma 已經估到我心入面諗緊咩... 「雖然起醫學上係唔成立，但起物理學角度上成件事又真係唔出奇喎！」我聽到佢咁講成個人就好似有返希望咁。
「物理學係一門自然科學，注重於研究物質、能量、空間同時間，尤其是佢地之間都各自有性質同彼此之間的相互關係。物理學係關於大自然規律既知識，簡單啲黎說，物理學探索分析大自然所發生既現象，同了解過中既規則。」
好...佢解釋完我都大約明佢講咩...就算真係唔明都唔好意思問關於物理學既事情喇...因為畢竟我最想佢解答我既問題，係我而家處身置地既難題。
「起一般人心目中，呢一件可能係怪事，又或者係靈異事件。但起科學角度，呢個「奇異」事情可被理解為平行宇宙，就好似同一時間 在發展的另一個世界。例如，起真實世界裡，你地互相喜歡大家，但最後只能成為朋友或者陌生人，但係起另一個與現實世界共同進行既世界裡面，你地可以成為情侶。代入返你所發生既事，咁就解釋到點解起你個世界裡面，所以事情都轉變哂，令你感到陌生。」
DR.MA同我既見解係一樣，我亦都明白咩係平行時空，但佢都重係未講到點樣可以返去原本屬於我既平行時空。所以我決定...直接問佢。
「咁樣...我點先可以返去屬於自己既平行時空？我係咪要再撞多一次車？」以我呢個普通人既邏輯性思考，我只係諗到再撞多一次車。 「我想再問多你最後一條問題，如果你解答完之後，應該可以幫你搵到答案。你黎到呢個平行時空除左人與人之間既變化，周邊環境既轉變之外，重有冇其他改變？例如身體上既變化？」DR.MA用炯炯有神既眼晴望住我。
身體上既變化....我腦海裡不斷重覆呢一句說話。身體上既變化....有冇咩變化呢...
點解...我竟然一直都冇察覺到...「佢」由我第一日黎到呢個平行時空開始，已經漸漸地消失左。
「頭痛症...」我慢慢地吐出呢三個字..
「頭痛症？可唔可以清楚地講解一下。」DR.MA 面上亦露出一面疑惑
「我長期都會有「偏頭痛」既習慣，每當我頭痛症發作既時候簡直係生不如死。醫生同我講係冇得醫，只可以用藥物減輕我既痛楚。 但我既「頭痛症」起我黎左呢個時空之後好神奇地全癒。」
腦海裡突然彈出一句說話....
如果個天肯比我有一樣野可以同呢個將我折磨到頭痛症交換，我會願意。 呢一切會唔會都係天意，人永遠都係「有得必有失」。 「 DR.MA我明白喇...多謝你今日抽空出黎同我見面。」我向DR.MA點頭道謝之後就起身離開coffee shop 。
無錯...呢一個係我同上天之間既...一種既冇合約亦冇條文既口頭約定。 當我諗到左之後，決定...
接受我向上天所提出既交換約定，起呢一個陌生既世界開展新既新生活。
經過左一段長時間既適能，我漸漸地開始習慣左起呢個時空既生活，呢一切一切既改變都唔簡單。
而家既我有自己既工作，居於安隱生活之中。
直到有一次，因為起一次朋友聚會上面，比我撞返敏兒。
我知道呢一個時空既敏兒佢都係唔認識我... 我唔想好似Kitty事件再次發生....
所以我慢慢開始接近敏兒，之後就同佢愈來愈熟落。
我深信係我同敏兒之間既緣份..我地就好似一對命中注定既好朋友一樣。令到我更加珍惜我地呢段既友誼...
「敏兒」我好很想念你...你現在生活過得好嗎？我很好，不用掛念我。仲成正在你身旁對嗎？多麼希望你和仲成可以一直幸福快樂生活下去。
但好快敏兒就解答左我個答案...
當敏兒佢比左仲成張相我睇既時候，果一刻既我感到好震驚。
但我唔敢肯定係本身既「仲成」定係呢個時空既李仲成。
直到我見到佢真人既時候，我好肯定就係我所認識既「仲成」。
原因好簡單...因為自從上次認錯左人之後，當我每次見到本身認識既人，會感受到有冇果一種「親切」感。
但當我見到「仲成」既時候，有呢份好強烈既感覺...
直覺話比我知...因為果一次既撞車意外我地兩個一齊進入左呢個平行時空...
好快..我同「仲成」因為敏兒既緣故，我地有一次單獨相處既機會。
我...應唔應該同「仲成」坦白呢...
情感方面，「仲成」有權知道事實既真相。
理性方面，起醫院到「敏兒」對「仲成」既自白，眼見敏兒同「仲成」而家咁開心生活，
「敏兒」想「仲成」幸福，我想完成「敏兒」既心願，所以最後我都係決定將事實真相埋藏起內心。
可惜天意弄人，原來好多事情都係命中注定，冥冥中自有主宰。
當日「仲成」黎揾我，佢已經知道左部分真相。
所以...我都冇謂再隱瞞...
決定導出真相。
最後去與留既決定權都係交起「仲成」手中，敏兒希望你地兩個都可以幸福快樂。
我鐘漫淇亦都要繼續走我自己要行既路，或者他朝一日我地三個會起另一個平行時空又次相遇。
我深信有緣「千里」能相會。
【外傳完】
【作者的話】
呢兩日發生左啲事，令到我覺得自己前路茫茫。
完全冇心情做任何事情...
我唔想起不在狀態既情況底下打外傳，咁樣比我過左3日之後出文更加不負責任。
但今日突然好似諗通左，正所謂船到橋頭自然直。
所以決定今日完成埋個外傳！
《我從來冇諗過我會有咁正既女朋友》呢個故事正式落幕。
好多謝大家既支持，至於月尾既新故，我決定左解決埋而家個讀書問題先會出。
大家唔洗擔心我冇書讀，我只係想轉第二個國家讀書。
我真心單純地鐘意寫作，我覺得有人支持好開心好有動力係一件好幸福既事。
而家紙言收入有＄3hkd , 因為有3000名訪客，我真係好感動。
Maybe for you is nothing , but to me is everthing .
雖然唔知道佢係點計人流，有冇計多到人數，但點都好，我已經好心滿意足。
=16px起高登好順利咁日日都出文直到ending...但起紙言就....
真心好感激大家比我不斷欺騙，不停推遲出外傳都照支持我！
最後好多謝提議我出外傳既讀者，唔知到最後你有冇睇外傳呢haha
最後最後，好多謝大家支持。
有緣紙言上再見。
【完】