【夢幻】《我從來冇諗過我會有咁正既女朋友》: 我的少女時代
我緊係上埋網睇下套戲既影評做足功課架啦！
大致上都係話好好睇！好感人好催淚！
男主角好正啊…...下刪一千字 今次實無死喇掛！
我相信敏兒會鍾意睇呢類型既電影！
講校園純愛，實岩哂佢啦！ 我冇諗用咩籍口約佢睇戲，因為以我地而家既關係一齊睇場戲都係好正常既dating黎！
放工一齊搭車返屋企既途中，我就主動問佢 「有冇聽過呢排勁多人講既我的少女時代啊？你睇左未啊！」我滿心期待佢既答案
「有啦緊係！不嬲都幾鍾意呢類型既校園愛情電影！但我都未睇啊！」敏兒表現出有小小失望！
咁就岩啦！今次連我天都幫我！其實由我第一日遇見佢開始，我已經覺得個天代我不薄！
「我都想睇下！不如今個星期六一齊去睇？」我充滿信心咁約佢一齊睇戲，但同時都有少少擔心佢唔得閒！
「好啊！一於咁話啦！」佢諗都冇諗就應承左我！
「咁我到時去買飛啊！」我表露出興奮既神情 話咁快就到我期待已久既星期六，當然我一早上網買定飛啦！
話哂都係我地之間既第一次約會！
果一日我突登gel左個頭，但又唔會話好誇張。再着住志威同我一齊去買既「戰衣」，一身陽光運動男既打扮。
臨出門口前我再照下塊鏡執下自己個樣！真心覺得今次着得幾好睇！
我約左敏兒七點十分九龍塘amc門口等！我比原定時間早左十五分鐘到！第一次正式約會緊係早到穩陣架啦！
但過左五分鐘左右，敏兒已經出現左起我眼前！原來佢都係有早到既習慣 ！早彩我醒姐，如果唔係要個女仔等我....
我睇得出佢都重視我地既第一次約會，因為佢都有悉心打扮過！
敏兒今日着左件白色背心再襯埋條黑色短裙，我見到佢fit到爆既線條同埋擁有一對白滑既長腿！
化左一個無瑕自然妝，但最出色既係今日佢既嘴唇。
粉嫩色既唇彩突顯出佢兩片薄薄嘴唇之間有好水潤既感覺。 真係好似孫慧雪！真心似！ 我唔識點去形容！
就好似搭地鐵成日都聽到班女仔講既咩大熱咬唇妝咁上下！
總知一個字，正！
「Hello! 成仔你都幾準時下！」敏兒向住我個方向行緊埋黎
「你都係姐！我買左飛啦！你想唔想食爆谷果啲啊？」男仔要有 風度是常識吧！
「幾多錢啊張飛？唔洗喇！我麻麻地食爆谷！」敏兒一路講一路拎緊佢銀包出黎
「唔洗比返錢我啦！我請你睇啦！」第一次請自己鍾意既女仔睇 戲係一種浪漫！
我緊係點都唔收返錢架啦！ 「咁一陣食完飯，我請你食糖水啦！」敏兒亦都好識做冇死都塞 返啲錢比我！
重提出左一齊去食糖水，正啊！ 「好啊！去大圍食啊！有幾間糖水鋪都幾出名 ！」我二話不說 就應承左！
即係又可以同敏兒相處耐啲，食唔食糖水都並唔係重點。
「我地入場啦！」睇得出敏兒好期待睇呢套電影，應該係因為網 上太多好評既關係，網絡既威力真係好強大！
我地一入到場，敏兒就即刻好快咁坐低左，就好似小朋友一樣以 為快啲坐低會快啲開場咁！真係好搞笑！
睇左一陣廣告，終於都開始播啦！ 「我的少女時代」 套戲一開始都係講下男女主角之間既相遇同發展再加下搞笑位咁 ，都重未到高潮位！
當有搞笑位既時候我旁邊既敏兒都會笑得好開心，我相信佢好享 受同投入睇呢套電影！
而我都會周不時望下佢咁！ 起黑暗中既佢，都係散發出一種光芒！好自然會將視覺停留起佢 身上另人有一種無法抗拒既魅力。
去到中段開始講男女主角之間產生左一種暖昧。 曖昧讓人變得貪心，更加想去擁有愛情！
超過了友情，還不到愛情！
呢個時候不禁另我諗起一首歌...就係
楊丞琳- 曖昧
https://www.youtube.com/watch?v=mebzXfWi87E
去到中段時候林真心同徐太宇互相都產生左一份愛意！
跟住大概係講到男主角因為撞車另到頭部受傷，但佢一直都冇理會！
有一次為左林真心張poster而被一班人歐打，再次加深佢既病情要去做手術。
最後比林真心知道左所以事情都係因為佢而發生！
尾段去到催淚位，就係徐太宇既自白！我開始聽到隔離既敏兒發出左少少鼻涕聲！
作為男仔既我都覺得好感人，雖然劇情老土但動人心弦。 係！女神喊既時候都會流鼻涕架！
好彩我一早有準備，立刻起褲袋拎左包紙巾出黎遞比敏兒
雖然係好簡單既小小動作，但都希望佢會感到窩心啦！ 可能又係我ff得太多！
不過點都好啦！見到敏兒喊得都幾傷心， 我都比佢影響左！搞到自己都開始眼濕濕！
但慶幸既係佢投入哂落部電影到，根本就冇留意到坐起旁邊既我起呢刻目不轉晴咁望住佢！
去到故事結尾，最後長大左既林真心同徐太宇再次相遇，即係 Happy Ending啦!我相信有睇過套戲既人都會幾鍾意個結局！
係好老士架啦！不過就勝再夠哂感動同埋圓滿到個故事！
敏兒表露出幸福既神情亦都笑得好sweet好開心 ！証明佢都好鍾意個結局！
完場前敏兒轉頭一望，發現我情深款款咁望住佢！ 但我並冇好似之前咁，即刻尷尬避開。
呢一刻就好似時間停頓左一樣，我地兩個既眼中就只有對方！
佢並冇迴避我既眼神，我地大家深情對望，喇叭亦播出電影主題曲「小幸運」
原來你是我最想留住的幸運
原來我們和愛情曾經靠得那麼近
那為我對抗世界的決定
那陪我淋的雨 一幕幕都是你 一塵不染的真心
與你相遇 好幸運
我地之間並冇任何身體既接觸，而係大家向住大家微笑！
我亦都相信，敏兒對我都產生左好感！
「原來你份人都幾感性！岩岩見你好似喊得好傷心咁！」係我地完場之後第一句既說話
「我岩岩喊得咁傷心，係因為個男主角發現自己身體出現左毛病都重博哂命咁保護張poster想送比女主角！佢寧願白白比人捱打 就係為左保護自己鍾意既女仔！」我相信係女仔見到呢一幕都會好感動架啦！
「我其實幾年前個腦都生左一個腫瘤，醫生話開刀切除手術有好高既風險，但如果唔開刀切除的話當個腫瘤愈來愈大既時候，就冇得再開刀。到時我就要一世都擔驚受怕，亦都唔知個腫瘤時會有爆既一日！」 我一直都覺得敏兒係一個好陽光健康既女仔，真係點都估唔到佢曾經腦裡面有一個腫瘤！
「最後我選擇左進行切除手術，雖然手術失敗既後果會係一世都昏迷不醒又或者起死起手術室裡面。」
「但我真係唔想當我第日長大，組織左自己幸福家庭既時候再日日擔心有一日會離開呢個世界！永遠都見唔到我身邊最愛既人！」
「但好好彩手術非常成功，醫生都話復發既機會好微！証明左我當日既決定係冇錯！」 睇得出而家既敏兒更加珍惜生命，好積極去做每一件事！
如果當日佢冇做呢個決定，有可能今日我都遇見唔到敏兒！
我心裡面好感謝上天保佑一個咁好咁善良既女仔！
睇完場戲我地並冇去食麻醬麵，而係去左九龍城食泰國野再順便食埋甜品！
「好飽好滿足啊！」敏兒伸一伸懶腰，再加面上流露住滿足既笑容，我地一齊行緊去搭車返屋企。
「我都係！今日真係過得好快！」其實我想講好唔捨得你，同你一齊係最快最開心既時光！
「我都覺！今日好開心啊！又食到咁好食既野，又睇到一套咁感人既電影！」 永遠好少事都可以另佢好開心同好滿足，我就係鍾意佢呢一份簡單既性格，同佢起埋一齊好舒服。
「你到大圍喇！聽日起公司見啦！拜拜！」頂！點解又咁快到站架！平時港鐵唔係成撚日都故障架咩屌！我真係好唔想隔咁多個鐘先再見到敏兒啊！
「好啦！拜拜！」我表面扮到好似好開心咁，但其實內心係有一種依依不捨既感覺！
自從同敏兒關係愈來愈深厚之後，我呢排都冇再發夢都見到佢啦！
真係好奇怪，明明我每日訓教前都諗起佢架喎！
但點解夢中反而遇見唔到佢既！
唔係話「日有所思，夜有所夢」架咩！
不過日日返工都見足佢大半日，無理由咁貪心夜晚發夢都要見到佢既。