【夢幻】《我從來冇諗過我會有咁正既女朋友》: 香港打工仔辛酸

 鈴鈴鈴鈴…..我床頭既iphone發出一種另我一聽到就會彈起身既 厭惡鈴聲！ 

 我突登較呢個咁煩膠既鈴聲，目的係等我準時返工，唔洗扣錢同唔比「腦細」有機會屌我！

但大家都知道準時返工，並唔代表你可以準時收工！香港打工仔，你懂的！

  諗返起琴日發既夢，唔知點解每次有「佢」起道既夢都會特別深刻！

就好似真實發生過一樣...  





  基本上我日日都會準時返到公司，我間公司係一間好細型既寫字樓。

  我一返工就已經開始對住部電腦工作，同其他同事可以話係零交流。 

 加上公司大部分都係男人 ，其如少部分都係結左婚又或者三十幾歲都未結婚既’中女’，所以工作上面係冇可能識到女！   

好自然地我起愛情方面亦係A0，可能就係因為冇乜拍拖經驗，所以發夢先ff到個女仔出黎掛！

  諗諗下都覺得自己其實幾寂寞，要做到起夢中幻想一個女仔出黎都係一件幾可悲既事。 






 不過夢既野我都唔想，我都控制唔到架！  但呢排成日發夢都夢見佢，唔通連個天都覺得我命不該絕 ，報夢比我知我既true love 將會好快出現？   

   我望就係咁望啦！有邊個唔想有個女朋友關心下自己，出街食飯又可以有個伴，唔洗下下毒撚一個去食M記吉野家又或者買外賣返屋企對住四埲牆食。   

我都好想知比人關心比人愛係咩感覺，或者係因為我從來未真正感受過被愛既感覺！  現實生活入面的確沒有，但好柒都要講句，反而起夢入面果個素未謀面既女仔比到我一種好親切既感覺，就好似佢係我一個生命中好重要既人咁！  


但我真係唔敢再同志威講關於夢中既事，因為佢一定以為我又搵個籍口提佢未介紹女比我識！   





「李仲成你起道發咩白日夢，琴日叫你做果份報價單你做好未？」老闆又開始不斷疲勞式咁轟炸我.. 


 我心諗明明琴日放工前先交比我做，而家過左一日已經開始追我。

係咪痴撚線架條屎忽鬼！但你無睇錯好明顯我係唔敢講出口!

  佢今日應該心情唔多好，我份人工係已經包埋要睇老闆心情同面色做人，所以習慣就好...   
「係，收到老細。份報價單我會盡快做比你架啦！」  

我埋頭苦幹做緊本身諗住天日放工前先交既報價單，眼見身邊既同事一個一個咁離開公司，連清潔阿姐臨走前都叮嚀我「記得閂燈同鎖門，唔好比手尾我跟。」  

我求其應左句：「知道！唔該哂！」講到尾我都係一個有禮既人黎。 

 但我想講TBB電視節目中既愛. 回家根本係呃人，邊有可能會成班同事咁齊心協力啊？搞到好似萬眾齊心公益金咁撚樣！起我心目中真係做戲先有！  





 但無可否認愛・回家呢個節目都曾經陪伴香港人渡過好多個八點食飯時間。 

  不過拍黎拍去都係果啲師奶劇情，又不段加新人入去，搞到收視愈黎愈低，要提早停播。   

其實有時真係寧願睇返啲帶出香港真實社會現象既節目都好過成日bbq ending ！ 

 你可能會心諗乜而家重有人睇TBB架咩？新電視台都開播左一段時間啦！  

的確，起香港電視方面我地確係有多一個選擇！

  但好多野，我地香港人都重係無得簡


！  放工之後返到屋企，求其食左個杯麵再打一陣機，之後就沖涼上床準備訓教。 





 你可能會話一個中年阿叔或者退休阿伯既生活都重精彩過我！

  起碼得閒可以去下維園捉下棋，星期日又順便去埋城市論壇發表下偉論又爆下粗啊咁！

  無錯！我亦都唔否認呢個係事實，但我既生活就係咁平淡如水。  

   但起碼我冇因此而感到失落。當熱鬧過後，你始終都會感到空虛。 


而我又不嬲都寂寞空虛開，所以我睇得好開架！  


還掂都冇野做架啦！早啲訓教好撚過！