離境‧大堂

1
 
去旅行其實唔係為咗去某一個地方，而只係為咗逃離香港，呢一座高壓，冷漠而又充滿荒誕的城市。根據2015年一個調查顯示，香港人係亞太區最愛旅遊的旅客，超過八成受訪者曾經外遊，以自由行為主，台灣同埋日韓係港人旅遊首選，一半受訪者曾經到訪。而同一時間，又有極之多人來港，當然係口裏說不，心裏卻很誠實的大陸客為主，令香港同時成為全世界最多旅客到訪的城市。這亦就是錢鍾書《圍城》所說：「圍在城裏的人想逃出來，城外的人想沖進去。」亦正因於此，香港國際機場國際客運量達6848.8萬人次，以國際客運量計為全球第二繁忙機場。
 
上面一堆1999似足機管局sell三跑的廣告，無非都係想話機場好很多人。就係因為咁很多人，間接導致呢單慘劇發生。發生尐咁嘅事，大家都唔想，但係就真係出咗好大件事，成個機場變到成個結界咁樣既迷離境界，對外交通完全中斷，出唔出得返去大團圓BBQ跳起yeah都成問題。依間寫定尐野，到時大吉利是而呢本野冇被銷毀有人執得番都可以知道機場發生緊咩事。
 
唔記得寫番低我係邊個，我係David Li，就讀Hong Kong U應該grad到，仲努力搵野做既廢青一枚，讀化學同社會學犯罪學方面，仍然係A0，攞唔到first hon 但係都A住grad既毒L一名。黎得機場，就緊係過黎搭飛機成為個八成暫時逃出香港既人，去日本做每個月儲唔到3000買唔到樓既廢青。同我同行既仲有Kenson，一個由係高登整電腦既正宗高登仔做到月入6萬既某大電訊公司IT consultant，兼且自己搞義工組織，經典獅子山下但難得唔離地兼關心政治既成功中產；Lydia，加拿大回流番香港，成日旅行兼寫旅遊blog及政治文既社工，文筆遍及獨媒，輔仁，本土文集，有尐左派大愛得黎又幾本土（其實我都唔知講咩，但係佢作為社工buy一尐左派觀念既同時亦會認同本土派既某尐理念同埋支持梁天琦）；Gwendolyn，一個Hong Kong U文學院year 3 女仔，曾經上過莊，冇缺席過任何社運，甚至會同埋其他本土派一齊衝同埋會做公民記者，總之幾勇武吓。除左Kenson係同我民安隊既隊友外，Lydia同埋Gwendolyn係係雨傘革命時期既旺角佔領區識既，由Kenson介紹佢地比我識。Gwendolyn後來同我讀埋同一個sociology course研究香港社會。可能你地會覺得我明明有女，偽毒可恥，但係Gwendolyn性格十分火爆，我呢尐毒L比佢熔左都似，同埋正所謂同莊三分親，莊友之間如無衝突容易衍生愛情，佢好似同埋一個莊友拍拖，我呢尐毒L都係冇謂FF啦。今次難得大家都有假，就約埋去東京玩，住Kenson係個邊投資開既民宿，做一個禮拜儲唔到錢既廢青（其實不嬲都儲唔到錢做首期）。
 
係機埸會合，於因航counter check in後，我地就入左去禁區。由於老豆唔係梁特首，冇得特事特辦，所以入去前check清楚拎齊hand carry先入去。就係咁，我地提早成粒鐘於黎到Gate 22，同大部分香港人一樣係個destination display前面selfie打卡，由於天陰陰，所以係Facebook打左句；
「David Li – 在香港國際機場一號客運大樓




天氣不似預期，但要走總要飛。
CX 689 HKGàHND Boarding time: 1945
 -- 與Kenson Chu, Lydia Cheung, Gwendolyn Wu」
 
打完卡，候機室電視入面播緊前一日國安法係強烈反對聲音下二讀通過，正準備進行三讀。立法會外面大批市民聚集，係CCTVB既角度，可以見到一班示威者好暴力咁推開鐵馬，有黑警插水受傷。跟手一班速龍衝過來用警棍毆班推鐵馬既人。依個時候，有個大叔就話：「班讀屎片死黃屍港獨廢青成日攪攪陣，重要打警察，拎警棍出力毆佢地啱架啦，最好通過國安法成班拎上大陸打靶啦！」「就係班暴徒攪到香港立立亂，明明中國俾咁多好處香港都唔識珍惜同感恩，剩係掛住係度以真普選為名攪破壞，攪到香港經濟咁差，these mobsters are just doing nothing but harming Hong Kong! 睇黎過多幾年都係番Australia啦，廢事俾佢地拖埋落水。」隔離有個西裝領呔堅離地中產如是說。
 
係黎個moment，當日身處現場衝防線既Gwendolyn要爆啦，即刻一輪嘴機關槍炮轟：「就係你地呢班藍絲廢中同離地中產，剩係識得食蛇齋餅粽，睇埋曬尐偏頗瀨共既新聞，唔去關心係究竟發生咩野事，班後生仔點解明知會俾警察毆都要出黎，佢地就係為左保護香港既價值，碩果僅存既民主同埋言論自由，唔好再俾大陸侵蝕！你地係咪想香港2047前就徹底赤化淪為大陸二線城市？係既話就直接搬番大陸住，要番Australia就番Australia啦，冇再扮咩野愛國啦，you are even not a fuxking Chinese!」
 
「超！讀屎片讀得多，剩係識得潑婦罵街，因住國安法通過左之後就拉9左你啊！」藍絲廢中鬧完之後，就轉番身去睇電視。原先Gwendolyn諗住反擊，但係Lydia拉住佢：「算啦，佢都已經俾你駁到唔敢再開口鬧咯，留番啖氣去日本搏殺啦，同呢挺人嘈都冇咩用啦…依，點解boarding time突然變成取消既?明明頭先仲係on time，部A330都泊左係出面架，突然間就話cancel咁奇怪？」
 




睇黎唔凈止我地，隔離班長榮飛台北，英航飛倫敦，Emirates飛杜拜，聯合飛紐約甘迺迪，新加坡航空飛新加坡都一一cancel flight，成班乘客鼓噪。依家7月份係旅遊旺季，大把放暑假去遊學，請大假去遊埠，畢左業去grad trip既人迫滿成個機場。咁多人見到班機cancel，即刻圍住班地勤追問點解無端端冇得飛，但係班地勤睇黎都唔知咩事，只係一面緊張攞住大聲公叫大家稍安無躁，由於訊號問題所以顯示航班取消，稍後會盡快恢復系統並且復飛。遠尐冇端端變左國泰港龍，冇左條龍既航空公司飛北京既登機閘口睇黎有自由行同埋大陸團團友發爛渣，扯住地勤件衫領起勢咁敖，後尾仲一野升龍拳打底個可憐地勤仔。奇怪既係，正常應該出黎維持秩序既機場特警影都冇隻，由得成個客運大樓禁區變成MMA格鬥場。
 
我四圍望下發生咩事，突然發現原先播緊新聞既電視無端端熄左，打算打電話同屋企講班機取消，先發現無左訊號，唔知係咪線路繁忙，無論流動數據，wifi蛋定Airport Free Wifi都一律connect唔到上網，基本上係同出面失去聯絡。
 
就係咁混亂既時候，突然間，所有燈光熄哂─