原來……由始至終我都只係一隻 觀.音.兵: 21
4月30號
因為就黎考試
M叫我出去陪佢溫書
我地係MSN傾緊時間地點既時候
M Send左一個類似「老公」之類既稱呼比我，而呢個稱呼係M對B專用既
所以好明顯M係錯頻Send錯左比我
：你錯頻了
跟住M又一大輪解釋，又話乜野Copy錯左又話乜野一早冇再同B講野云云
總之就講到1999
：信不信由你，總之我冇講大話 ：我信我信… 終於下晝都出左去溫書
話就話溫書
其實我地係咁傾計
講下講下，M冇端端怕怕醜醜咁同我講
：我覺得呢，呢幾年就算我同第二D人拍拖，你同第二D女仔拍拖都好，幾年後我都會同你一齊 ：你…你講真架？ ：係呀，因為我始終鍾意同你相處 你話我戇鳩都係咁話，聽到佢咁講我開心左幾日
到左5月2日
A
同C
為左安撫M失戀之痛 於是我地四個約哂出黎唱K
搭地鐵既時候
M又講起B既野，又話自己好辛苦唔想再咁落去
：咁你覺得應該點呀？ M聽到我咁講好似好唔滿意
佢用一個好撚寸既表情同我講
：係喇係喇，我同B絕交咁就最好喇係咪呀？ 聽到佢咁講再望見佢寸柒柒既表情我真係著撚哂火
：屌你你點撚樣呀？幾個星期一路以黎你係咁數臭你條仔，好喇我聽你呻，你話唔想再繼續，我建議你分手，你就話：「人地呻下咋嘛，你洗唔洗叫人分手呀」，好喇好喇你話想分手，我叫你唔好分否則會好後悔，你就話：「我好辛苦呀，我想結束」，好喇好喇我中立喇，你就話：「而家人地唔開心呀，你安慰下我得唔得架姐」。屌你個閪！我乜撚野反應你都要屌鳩我，我講乜撚野都錯！咁你究竟想我點撚樣應你呀？！屌你真係戇撚鳩！ 呢次係我第一次係佢面前發脾氣，亦係最後一次…
M到我咁講，攞出一副好撚唔耐煩既樣子
咁樣令我更加火滾撚樣
一陣之後
：對唔住呀唔好嬲啦，我地陣間唱K一齊玩啦 我冇出聲，但係其實我道氣經已下左
之後C問M
：其實佢嬲都係情有可原，但你怕唔怕再咁落去大鋼砲會唔再理你？ ：怕呀！我就係怕佢唔理我所以我先成日呃佢 ！！！
「我就係怕佢唔理我所以我先成日呃佢」
聽到呢句，我好沮喪，就係因為呢句
果日全日我都鬱鬱不歡咁坐埋K房一角
原諒我是情緒化的巨蟹座
唱到一半，M突然話要走先
呢個時間係B放工，冇估錯既話M應該係去左搵B
得番我地三條友唱埋佢
散水既時候，我拉住C話要同佢傾計
因為我知道佢比較了解成件事
我同C行去尖咀海傍
沿途我就講番我同M由相識以黎成個故事比佢聽
聽完之後佢話
：聽完你個故事，而家我好大衝擊 ：點解呢？ ：因為…你所講既同M講既係完全兩回事 ：兩回事？但係我講既係100%事實喎 ：我知，聽完之我都知你冇講大話，但係…M同我講…佢…從來都冇鍾意過你囉，佢話將來都唔會，佢又話一路以黎都係你單向不斷約佢，佢一路都冇比過反應你，我問佢「大鋼砲對你咁好，你唔會考慮下佢咩？」佢當時係搖頭… 聽到呢句之後我出奇地冷靜
：本來我仲一路係度後悔當初Timing唔岩，令到B搶左M，但係而家知道我係從來都冇失去過亦都從來冇得到過，我反而放下心頭大石 ：你係先好呀 ：仲話係我一路主動約佢囉屌，咁耐以黎我只係約過佢一次，其他全部都係佢一叫我就隨傳隨到 我好肯定，呢一刻我對M已經完全冇哂希望
佢係我心入面只係一個充滿大話既女仔
到左第二日
M係MSN問我考試內容
因為我要時間搵，所以冇即時應佢
點知佢Send左句野黎
：你唔想理我既都OK，我自己可以搞掂，還掂我同你同A同C以後都未必有機會好似以前咁做朋友 冇錯，佢的而且確最尾有一個笑哈哈既符號
：我搵緊資料所以冇應你姐，你咁敏感做乜 ：唔該哂，仲有我唔係敏感，既然你地要我係朋友同B之間做抉擇，我寧願唔選擇，你就當我犯賤，係我鍾個頭落去，你地食花生等睇戲啦 老實講我覺得佢講野1999，我根本就唔係好明佢UP乜
但只係感覺到佢好撚臭寸
又到第二日
M無端端MSN叫我
：我知道原來你寫左篇續篇既觀音兵 ：哦，咁又點？ ：老實講，我冇當過你係兵，可能你覺得我呃你，因為第一，我同B既關係未穩定到要同你公開，第二，我怕同你講左之後會連朋友都冇得做，講真，當初我係你同B之間做選擇。仲有，呢排你成日話我講大話，成日話我唔認同B好番，我唔承認我地好番係因為我地未係根本上既好番，所以唔該你唔好寸我「車你地一定會好番架啦」呢D說話。我而家同你承認，我係同B好番，我知你好緊張我，但係我想講，拍拖係一個令人成長既過程，所以唔該你唔好再同我講乜野「如果你覺得唔開心點解唔分手？」愛情唔係話你覺得冇結果就抽身走人的，係有感情的，唔係功利的。仲有，你唔好再係網上面寫我，我比你係網上面寫到比人叫八婆我都會好唔開心。 睇黎佢好有心機打呢篇講好多野比我聽
但係睇到之後我除左心裡嘆氣之外根本再冇任何感覺
一路以黎十次有九次都係M打電話黎同我講「我分左手喇」「我想分手」呢D說話，而家竟然掉番轉屌鳩我唔好叫佢分手？
個真相已經比我知道左，M根本第一日就同B一齊左，從來冇考慮過我，將來亦都唔會，但係到左呢個時間佢既大話仲唔肯停，仲要繼續話諗過選擇我
同埋我之前打篇文入面根本就冇唱衰過佢，只係單純一個故事，佢未睇內容就咁睇個Topic就話我累佢比人鬧，點解佢又唔諗下自己既做法有咩問題？唔通佢真係覺得Flirt完人之後一聲唔該拍拍屎忽走左去，咁樣一D問題都冇？
儘管如此
但我都係好犯賤咁認衰仔
：我地可以做番朋友，但係你唔好再叫我分手 ：嗯 兩日後M約左我同佢同佢阿媽一齊打邊爐
佢話佢唔開心叫我準備笑話同IQ題到時娛樂佢
但係試問我仲點開心得落
成餐飯佢地講野我都係一句起兩句止
食到途中M拍枱鬧我
：喂大鋼砲你想點呀，又唔出聲！人地叫你準備笑話同IQ題你都冇！應承人地既野你都唔做既！早知唔叫你黎啦！ 聽到佢咁講我更加低沉
原來我係佢心目中只係一個娛樂佢既工具…