早兩日OT遲收工,女上司叫我上去佢屋企..: 28

離開唐樓後,
我呼吸著夜空新鮮既空氣,
感到前所未有既輕鬆,
Angela應該唔會一拍兩散,爆我出去,
而且過左咁耐, 佢都唔可以再威脅我,
我諗, 我終於可以真正咁恢復以前既生活.
諗到Jenny既笑容, 我就忍唔住微笑起黎.
 
一個念頭,卻突然一閃,
唔知Angela…..




而家點呢?……
 
望住夜空, 唔知點解,
我始終高興唔黎.
 
接下來既日子, 平淡又幸福,
每個Lunch都同Jenny食飯,
每晚都同Jenny派飯,
每日都有講有笑,
每日都聽住佢治癒心靈既笑聲,




每日既感情, 愈來愈好.
 
除左Jenny話進展太快, 唔肯同我啪啪啪,
令我不時懷念Angela之外,
一切都好.
 
Angela更少係公司裡面出現,
Martin既事,似乎被種種社會大事,
如洪水般淹沒, 失蹤得愈耐, 愈冇人理.
 




一切都非常平靜,但當今日我番屋企換衫,
準備同Jenny去食飯時,
我再次收到一個訊息
“有事,晚上見.”
 
同樣既匿名短訊, 同樣既內容,
我望左一眼, 諗左一秒, 冇理到,
就隨手將手機塞入褲袋.
 
換好衫, 準備出去,
手機又震左一震
“我有說話想同你講.”
 
我抿抿嘴, 最後都係塞番入褲袋,
幾分鐘後, 又黎




“請回覆”
 
我冷笑左一聲, 佢又當我係咩呀?
仲當我係兵仔呀?
正當我想回覆一句”NO”既時候,
電話突然間響起,
係Jenny.
 
“喂?”
“冷~你係邊呀?”
“我岩岩換完衫,準備過去”
“姐係仲係屋企?”
“係呀”
“喔!!!!”
突然我聽到佢上樓梯既腳步聲,同小小既喘氣聲,




我一陣疑惑: “咁你呢? 你係邊?”
電話傳來Jenny愉快既笑聲: 嘻嘻, 你估下?
“講啦”
“嘻, 你想唔想見我先?”
“好想”
“咁…你打開門啦!”
“傻婆….
我笑住咁衝去門到,
一打開,
準備迎接Jenny既懷抱,
卻一個人都冇.
 
我呆左一呆,滿腦疑惑,
即刻聽番個電話,
只聽見對面傳來一聲高興既叫聲:




“Surprise!!!!…”
“冷!!!”
“……….咦!?”
 
隨之就匆匆收線.
 
我望住電話,又望住空空如也既門口,
一臉呆滯.
 
一瞬間,我醒起,
我都冇同Jenny提過我屋企係邊,
每次派完飯, 我都係送佢去搭地鐵,
之後自己行幾個字番屋企,
佢又點會黎到?
 




諗諗下愈來愈唔對路,
再打俾佢, 已經冇人聽,
我慢慢回想,
腳步聲….
上樓梯…
微微喘氣聲….
果一下突如其來既叫聲
唐七樓!?
Angela
 
我完全呆滯左…..
唔….唔係掛?
 
但我愈諗愈覺得係,
Jenny咁古靈精怪, 我又咁大慒,
好有可能係我仲住唐樓果陣,
佢偷偷地跟住我,而我又冇察覺到….
 
重點…
重點係…
 
Angela.