早兩日OT遲收工,女上司叫我上去佢屋企..: 13

"多...多謝哂你呀後生仔...."
"應該既應該既, 唔洗同我客氣, 食多D.."
 
我望住佢地打開盒飯, 熱辣辣咁冒起香煙, 聞左一聞, 終於開始食,
不禁吞左啖口水, 老老實實, 我真係唔知道啲味係點, 如果佢地食左一啖發現有問題咁點?...
不過Angela話, 呢班人食得出又點? 冇人會理佢地,
就算佢地橫屍街頭, 政府, 警察, 社福界都唔會理, 叫我放心...
 
"嘩, D肉好肥好油, 正!!!!"
"係咩? 好食就好啦..哈哈..."


 
呢次, 我真係放心, 因為, Angela講既係事實.
佢地係社會上既垃圾, 比我更加垃圾既垃圾.
而家, 呢班露宿者就做緊我同Angela既幫兇....
 
望住佢地食得津津有味, 每一口都大大啖,
隱約仲見到D肉係佢地個嘴入面爆開D油...
 
"後生仔, 多謝你呀, 我...我好耐冇食過咁好食飯既...."
"真係多謝哂 ,後生仔"


"如果日日都食到就好啦, 哈哈"
 
忽然間, 佢地係咁同我道謝, 有條友仲冇啦啦流馬尿...
 
"哈...哈....如果好食既話, 我聽日再黎...好冇?"
 
"好呀!!!"
"而家D後生仔真係好少咁善良"
"嗚...嗚.....!!!"
 


佢地不停道謝, 搞到我有一絲內疚...
其實....佢地係無辜架....
 
但內疚之中....我罪惡感冇增加,反而好似有d減輕....
 
可能正如Angela係公司曾經講過既野一樣....
成team人犯錯, 點都好過一個人犯錯...
因為有人分擔, 你會覺得個個都錯, 自己錯都好正常...
 
諗左一陣間, 佢地又食得七七八八, 我諗住走,
突然之間, 聽到一把女聲: "喂!!!!你地食緊咩呀!?"