早兩日OT遲收工,女上司叫我上去佢屋企..: 10

Angela: 講黎聽下
我:一係好似野狼與瑪莉咁, 搵個火爐烤乾條屍...
Angela: 唔得, 呢到冇通風, 好易有意外
我:咁簡單d , 同處理兇器一樣, dom佢落海
Angela: 都唔得, 屍體會浮
我: 綁石頭? 石沉大海, 有邊個會知?
Angela: 唔得...有機會沖上岸, 要做就要做到最好, 絕對唔能夠俾人發現


Angela望住martin, 而家既佢, 似乎好正常, 就好似一切都冇發生過,


我仍然講埋d冇用既方案同計劃, 佢仍然一如既往咁指正我...
佢仍然係我既上司, 我仍然係佢既下屬, 只不過討論既工作, 性質完全唔同.
 
我: 咁....剩番肢解呢個方案...
Angela冇講野, 剩係望實Martin.
我唔知佢呢種眼神代表d乜, 我剩係知道, 我唔可以再俾佢悲傷落去.
 
Angela落街買需要用或者可能用既物資, 我就除哂衫, 費九牛二虎之力, 將Martin拖到浴缸,
我諗佢死左大概一日多d, 除左出屍斑外, 仲有陣臭味,
個種臭味可以想像下, 係宇宙級咸魚味, 好彩未算太濃烈.



拖左入去之後,發覺佢無名指上仲有d野,仔細一睇,原來係一隻好簡約既戒指,
呢隻應該係結婚戒指,作為有錢佬竟然連鑽石都冇粒,
諗起佢咁待薄Angela, 個心又被團火包住, 
我將粒戒指擺入褲袋,發誓之後要好好對待Angela!
 
唐樓入面有切肉刀同瑞士軍刀 , 雖然都係高檔野, 但切落人到, 真係好吃力, 而且仲好多血
尤其係我呢d平時都唔做運動既人, 切左幾下就累,
於是, 我諗到個方法, 就係鳩斬一輪, 再全身壓上去, 好似榨橙汁一樣, 榨哂佢d血出黎, 睇下會唔會易搞d…
 


我一野跳上去, d血就係佢唔同既傷口噴出黎, 我一瞬間以為見到噴泉添
接下來幾分鐘, 我就係佢身體上面唔同既部位跳彈床,
我唔算重, 但屍體過左一段時間硬左, 每次跳彈, 好似將佢d內臟/骨頭踩碎咁, 都幾過癮.
如果過多一兩日, 我諗仲可以一野踩穿佢d肉...
 
跳下抖下, Martin d血流得七七八八, 開始有d似空心公仔, 但最難處理係骨頭, 肉, 內臟都未搞...
Angela終於番黎, 佢買左好多野, 仲即刻痴左勁多香噴劑係廁所 ,撈埋陣屍味, 慘過食屎
 
不過,佢鍾意就得, 噴屎味我都ok...
 
呢個時候, 突然間電話響起, 唔係我, 亦都唔係Angela,
 
係Martin...
 
我同Angela一齊衝到屍房,


望住部電話震下震下,
一瞬間冷汗都標哂....
 
點解我諗唔到呢個問題,
如果Martin公司既下屬/屋企人/朋友 , 或者果個第三者,
搵唔到佢, 最尾都會報警, 呢件事點都會爆出黎....
 
但Angela好冷靜, 佢行過去睇來電顯示, 但冇接聽....
響左唔知幾耐, 終於停左落黎...我個心都定番...