我個靚女班主任竟然係道士: 39

39
 
    「香港係咪真係好繁華架？」眼前的這個身高不足165的小男孩看似只有十四五的樣子，但他的真實年齡卻已是高三(中六)了，微微駝著的背好像在告訴著人他生活的辛酸。
 
    「都係既，應該好過大陸啦，哈哈。點解你識講廣東話既？」文俊完全不放過任何一個可以取笑人的機會。
 
    但那個「小孩」卻沒聽出文俊話中的譏諷之意，一臉純真地道：「本地人都識講廣東話，我地學校既人全部都識，不過上堂會用番普通話教。你地就好啦，你地個到係咪餐餐都食肉架？有冇牛肉食架？丫，我仲未介紹自己，我叫葉進明，你地叫我明仔得喇。」
 
    「下，你地呢到無牛肉食架，咁慘既，唔怪得你咁矮，好似營養不良咁啦。」君儀母性大發起來。
 




    「你地學校最近有無發生過咩怪事？」為免話題愈扯愈遠，我決定問一個比較關鍵的問題，畢竟對著一個可能是鬼的學生，就像望著一個計時炸彈一樣，我實在無法以正常的方式跟他互相交流。
 
    「怪事？冇喎，最怪你地黎左囉，哈哈。其實我地都係前幾日鄭主任宣佈先知呢件事。丫，講起怪事都好似有一件，呢幾個禮拜我好似成日都好攰咁，我問過其他同學，佢地都好似同我一樣，明明已經訓左好多個鐘，但都係冇乜精神。」
 
    奇怪，正常來說被鬼上身後意識應該是被鬼所控制的，而鬼是不會感到疲勞的，難道他沒有被鬼上身、還是被上身後裝作自己仍是正常人？
 
    「係啊，我阿媽最近都話我個人憔悴左勁多，仲問我係咪唔夠訓。」坐著前排的一名女生轉過頭來說道。
 
    說著，朝著走廊上的一塊全身鏡照了照，還拿出一把梳子來整理了一下劉海。
 




    「竟然有人會係走廊到裝全身鏡？咁奇怪既？」我本能地覺得這件事十分不妥。
 
    鏡⋯⋯鏡？有無鬼物係鏡既形式出現？好似有⋯⋯