我個靚女班主任竟然係道士: 36

36
 
    「你拎住既就係諸葛亮送比你既寶器？傳聞佢用既毛筆係世界上最擅長攻擊既寶器，你應該唔知咩係寶器？」
 
    「寶器姐係一啲天地之間產生既法寶，聽講神族都可以製造，道境既生靈或者鬼物都可以操縱寶器，所有既寶器威力都差唔多，不過係附帶有唔同既功能。」
 
    「同神器唔同，寶器唔洗認主，但都唔可以收入身體入面。」
 
    我從他話中聽出了一些我未曾聽過的東西：「神族？一個種族黎架？」
 




    「係，佢地係最強既魔法師，長生不老，不過會比人殺死，同埋無繁殖能力，所以現今仲存在既神族族人據我推算應該少過五個，但個個都係神境甚至更高既實力，因為比較弱既神族族人都已經比人或者鬼殺哂。」
 
    「世界上仲有一個種族自稱自己做皇族，同神族好類似，不過佢地魔武兼修，天算師祖話呢個世界上得番最多十個皇族族人。」
 
    「呢兩個種族係死仇，好似係因誓言所限，見到對方必須要分出生死，唔係既話雙方都會死。」
 
    「佢地同我地道士一樣，都同鬼物係誓不兩立，但佢地想自己隱藏既身份唔被發現，所以會偽裝做普通人，出手滅鬼都係極之低調，甚至會因為驚身份泄露而唔出手對付鬼物。」
 
    「除左呢兩個種族外，世界上就剩番我地道士，其他都全部係普通、無異能力既人類，當然道士係由有天賦既人類修煉而成既。」
 




    「好喇，你已經知太多啦，你遲啲都會回想番一啲呢個世界既常識，我送你地番軍營先。」
 
    為免他傳送後又突然失蹤，我極快地開口問：「你識唔識天水既助理副會長池田利奈美？點解佢會入左傳送陣？」
 
    他用一種奇異的目光看著我，好像我問了一道很奇怪既問題一樣：「你遲啲就會記番起架喇。」
 
    「唉，斬心魔，談何容易、談何容易啊⋯⋯」他搖頭嘆息道。
 
    然後他拿出另一張藍色的道符一晃，我、俊言、文俊三人便都回到了軍營，君儀也應該被陳二傳送到女生宿舍了。