我個靚女班主任竟然係道士: 23

23

張瓏他們都走後，陳二望著我，一臉笑意：「以後你就係我地道協既人喇，我地唔會要你立咩誓，自我介紹番先，我叫陳二，心境巔峰。」

「陳三。道境巔峰。」「陳六。道境巔峰」「我係陳六既護衛。道境中期。」

「咁有無陳一陳四陳五？」

陳二聽到我的問題後很是尷尬，頗有點不好意思：「有，我地六兄弟姐妹跟一至六排列。」





⋯⋯他們的父母真是奇才。

「首先我要代道協同你道歉先，本來天算師祖係算到香港荃灣呢到會有奇怪既事發生，而我地都無話太重視，所以剩係派左陳六過黎，無諗過竟然係三清轉世，遲左黎接應真係唔好意思。」

「我估佢地都無同你講轉世啲野架喇。簡單黎講道境以上既道士就可以自殺轉世，而佢既下一世會係十七歲個陣顯現出一啲特徵而比人知道。當然啦三清係因為對自己有絕對既自信先會將個名刻係額頭到。」

「下一世會有極驚人既天賦，修煉法術極快，直到達至原先既境界為止。而過程中會逐漸覺醒同融合前世既記憶，當回復前世實力，就都係覺醒全部記憶既時候。」

我問了個我最想知道的問題：「三清上世係咩實力？」





陳二一愣：「我都唔知點答你好，佢既法力係心境比較勁既一批，實力接近神境，但係佢既境界係道境巔峰，因為佢無修煉出心眼。」

「而導致呢個情況出現既原因係佢獨創左《一氣化三清》既法術，可以分出兩個同自己一模一樣既分身，所以佢既實力係超越心境巔峰既。但因為心分三用，佢既心力就剩番三份之一，所以一直都修煉唔到心眼。實力都達到瓶頸，所以決定轉世再修。」

「呢本係一啲基本知識，你睇熟左先。」他傳來一本黃皮書。名《道法簡解》，編者：天算子。嗯，好熟悉的名字，我想我前生肯定認識這個人。

當中的內容和張瓏的那一本《道法入門》無太大分別，只是當中對天水的描述變為了：棄上古傳承而求個人之強大，棄道心而僅修道術，捨本逐末，自步歧路，實力低微，難成大器。

⋯⋯我無言以對。