我個靚女班主任竟然係道士: 21

21

「拿，你發完誓仲可以生存落去，你唔發誓既話我而家就殺咗你，你自己揀喇。」她笑得更加燦爛。

「唉，你地啲敗類仲係咁霸道，變都無變過。」正當我不知所措之際，一把男聲驀地響起。

張瓏臉色大變，我抬頭一看，陳六、老伯還有兩名男子不知何時出現了在會議室，除右邊那男子外，他們都散發著金黃色的道光。

左側男子似已屆不惑之年，作道士打扮，面目莊嚴，不怒自威；右側男子則完全相反，年輕得像十七八歲，一身休閒裝扮，俊美的臉上掛滿了玩世不恭的神情。





陳六、中年人道光的亮度比吳玲高上一個層次，跟玄魅姫相差無幾，張瓏和老伯在伯仲之間，青年人則沒有散發出道光，看來應該是道行太高而我無法看到。

「陳二、陳三，竟然係你地兩個，真係睇得起我地玲瓏心喎。」吳玲依舊是一副冰冷的語氣。

俊美少年嘻嘻一笑：「早就聽聞玲瓏心係出名既兩個絕色佳人，兩人聯手更加係道境無敵手，今日一見，果然名符其實。不過，你地十個加埋都唔係我陳二既對手，都係快啲係我面前消失，唔係既話，我就被迫要辣手摧花喇。」

十個？我向周圍望去，八名穿著黑色忍者衣服的人不知何時出現在會議室內，都散發著與吳玲相當的紅色道光。

看來這十個就是「看守」我的人了。





「拿，你地而加走仲可以生存落去，你地唔走既話我而家就殺咗你地，你地自己揀喇。」中年男人陳三把句子原封不動地奉還。