我個靚女班主任竟然係道士: 8

8
 
    「唔好意思，我想搵一搵陳志亮。」吳玲用一副「麻鷹望向小雞」的眼神盯著我，我心中一股寒意油然而生，但我並沒有什麼方法說不，只好硬著頭皮走出教室。
 
    她用眼神示意我和她一起走到走廊盡頭，我劈頭就問：「你到底係邊個？你地係咩人⋯⋯」
 
    她打斷道：「停，我知你有好多問題，你一個一個問，我盡量答你，不過我有一個要求，就係你一定要保密。」
 
    「你係邊個？」「道士吳玲。」
 




    「個兩個人係咩人？」「兩個道士。」
 
    「我同你地有咩關係？」「你係三清轉世。」
 
    「三清係邊個？」「道行好高既道士。」
 
    「咩係道士，捉鬼個啲？」
 
    我問完這條問題後，她卻沒即時回答，而是露出一種追憶的神色，緩緩開口道：
 




    「每個人死左之後都會有靈魂存在係世界上，正常既靈魂係幾日內就會被輪回吸走，姐係永遠係世上消失，不過如果死人被埋係風水地，或者有能人異士用其他方法幫助靈魂，佢就會抵抗到輪回既吸力，而變到可以存在係世上。」
 
    「姐係啲咩惡鬼殺人電影係真架？」我有點無法接受這個類似於動漫《死神》的世界。
 
    「算係啦，不過情況複雜好多，靈魂，姐係俗稱既鬼，存在耐左就會變異，衍生出各種能力，存在愈耐既鬼魂能力就會愈強。」
 
    「例如如果屍體被埋係風水寶地，靈魂就會出現啲對人有正面影響既能力，俗稱既財神爺就係其中一個例子，不過其實佢道行好一般，係民間以訛傳訛誇大左佢。」
 
    「又如果屍體被埋係風水惡地，靈魂就會變異，變得以傷害人類為樂，有啲道行特別深既惡鬼甚至可以直接殺人。」
 




    「不過殺普通人既鬼都係好極端既情況，極少會發生。」
 
    「而我地道士既職責就係消滅呢啲唔應該存在係人世間既鬼，以避免佢地影響到人世間既平衡。」