認真便輸鳥: 520.奇遇

5月20日，我拖著疲憊的身軀乘搭可加可減，疲勞的原因是因為今天被閃光彈襲擊了無數次。 Come on James! 520根本不是「我愛你」! 520的廣東話是「唔要你」啊! 你們這些情侶有考慮過我單身30年的感受嗎?

披荊斬棘終回到自己的家，打開房門，我發覺電腦旁站著一個人... 「喂! 你乜水?! 呢度我屋企喎!」
「呢個並唔係問題既核心，我地講返核心既內圍先。」
一位穿著men in black般的西裝男擲下墨鏡，而他的樣貌... 咦喂? 我有沒有看錯?

「你咪係明蝠俠?! 請坐! 我係你fans黎架! 最鍾意你首<情深咖啡未曾飲>!!」
「咳咳... 我唔係明蝠俠... 我係黎自另一個世界既未來人。」
「但係你個樣同佢真係一L樣... 等等! 你話你係未來人?! 仲要黎自另一個世界? 咪玩啦先生，我全家都好幸福，你走啦，我唔想搞大件...」





我連「事」字都還未說完，偽明蝠俠便突然上前壁咚我，害得我內心小鹿亂撞。
「拿... 人地第一次，細力啲...」
「陳生，雖然我好需要你，但並唔係用呢種方式，同埋我只係鍾意肥過電單車既女性。」
「咁... 咁你想點? 」可惡，難得我還有一點期待。

「我嘗試用最簡單既方法向你說明，陳生，聽過平行世界未?」
「聽過! 我真係聽過!」我拼命點頭。
「嗯，咁就簡單，平行世界就好似左手同手背既關係，雖然大家都有肉，但始終唔一樣。正如你口中既明蝠俠，佢喺呢個世界係天王巨星，但我喺另一世界既身份係時空調正員。
2017年，我地偶然發現呢個時空總共有3個平行世界，陳生你所處既係A世界，而我就黎自未來時空既B世界。
之後幾十年，B世界既科學家不斷觀察A同C世界，直至2047年，一個意外出現左... 」




我聽得入迷，早就忘了他的可疑身份，問他:「咩意外?」

「C世界既統治者打破左平行時空法則，利用科技強行合併3個世界，結果造成時空崩壞，身處A/B世界既人民... 一夜間被消失，據說有一架巨大既洗頭艇接走晒佢地... 
之後我地呢班倖存者就一直從不同平行世界搵方法解決，經過十幾年既嘗試同失敗，我地終於搵到香城呢一個特異點!」
「下... 我地呢個地方有咩咁特別...」
「特別在於一國兩制呢個機制，似有還無，喺所有平行世界既城市，只有A世界既香城係咁。」
「嗯... 我諗我明你講咩... 之但係點解搵我呢?」我內心有種興奮感，就像數碼暴龍被選中的小孩一樣，我也是被選中的中坑? 來吧! 給我一部暴龍機吧!

「哈哈陳生，你終於問到核心的內圍了。無論任何人，喺唔同既平行世界都有另一個自己。而A、B、C版本既自己，喺某程度上都有唔同既地方。
以你地近期最hit既張生為例，喺B世界，佢只係一個普通公民，去左香城自駕遊3日2夜，但因為佢唔熟悉當地法律，經常逆線行車，而家被警方扣留緊。




而喺C世界既佢... 佢就係統治者既左右手，佢為左加快世界融合，將生化武器S.A.R.S. 散佈到3個平行世界，相信陳生你都好清楚。」
「嗯，我知道，咁你可以去返正題未?」原來沙士就係嗰條hihi放落黎既!

「唔好意思，今朝空肚食左早餐，講野有啲亂... 
係啦，而陳生你呢個case就真係萬中無一! 觀乎3個平行世界，你都係一條毒L! 無家人無女友，最親密既朋友只係左右手! 所以你係特異中既特異!
根據我地既超級電腦計算，只要你喺呢個時空做幾件事，就能夠引起強勁既蝴蝶效應，阻止C世界既統治者破壞時空! 我地既未來靠你啦! 陳生!」
聽後我沒有湧出一股使命感，反而很想hi眼前這個偽明蝠俠。

「你條hihi，你係咪坐時光機時比大雄張書枱夾傻左? 誇過平行世界黎寸我毒? 你走啦，我唔會幫你地! 我寧願做一世城豬!」
「陳生啊!! 你聽我講啦!! 你幫左我地，我地會比返相應既報酬你!」
「相應既報酬...?」
聽起來還是有點吸引，難道他會幫我找個女友? 還是不要FF太多，把他趕出去?

未完...