unlimitation(VRMMORPG)(停刊): unlimitation的初體驗
在2032年, VRMMORPG 可以說是在香港遊戲中的主流, 當中射擊類和冒險類比較流行。
在各式各樣的 VRMMORPG 中, 要突圍而出, 可謂困難重重。
但在7月10日, unlimitation 就吸引了一群人連日通霄排隊購買。
unlimitation 是一隻十分特別的 VRMMORPG 遊戲。
unlimitation 的遊戲商花費巨款, 以1億港元的現金獎勵作招徠, 只要第一隊成功攻略遊戲, 就可以得到1億港元。
unlimitation 售價200港元, 對比六合彩來說, unlimitation 更加可取、實在。
單單在開售日, 就已經賣出150萬張遊戲光碟了。
那段時間有很多學生日以繼夜地、廢寢忘餐地遊玩, 而且因為那段時間剛好準備放暑假, 他們更加可以盡情地在 unlimitation 的世界裏冒險。
班上的同學對 unlimitation 的話題也談得興高采烈。
有一班同學邀約一起玩 unlimitation, 大聲地討論如何攻略遊戲。明明是遊戲, 卻高談闊論得像探討人生大事一樣。
同學A說:「你地全部都做法師, 我就做劍士, 你地全部淨係做奶媽, 幫我補血補 MP 就得, 等我 carry 你地班友啦!」
同學B就反駁:「你幾時做左我地 leader 架?劍士呢D咁型既角色緊係我黎做啦~你咁毒, 做工匠咪岩晒你囉~摺埋係一邊玩錘仔啦~」
然後他們大笑起來。
在這個熱烈的氣氛下, 大家又再把目光集中在司馬望身上。一如以往, 他再次成為全班的焦點。
同學C立即衝上前去, 問:「阿望, 你有冇興趣玩 unlimitation?有冇join其他人?如果冇, 想唔想 join 我地?」
阿望也一如既往擺出冷酷又不至於令人害怕的表情。
「唔好意思, 我對 unlimitation 冇咩興趣, 多謝你邀請我。」
那位同學聽到這句話後, 感到十分失望, 那並不是因為替他可惜。而是, 以他的聰明才智定能成為第一個成功攻略遊戲的人, 那麼自己也可以輕鬆得到部分獎金。每個人都只會考慮自己的利益, 阿望已經看透人性的醜惡。
在這個時候, 李真朗走向阿望身旁。
阿朗搭着肩對他說:「唔好成日扮 cool 啦, 會嚇親同學架。講過好多次, 要笑多D 」
阿望繼續木無表情, 目光放在窗外正在拍動翅膀飛翔的小鳥。
阿望問:「你記唔記得我之前問過你, 『點解你成日笑?』你話, 『笑可以帶比人幸福, 我想每個人都得到幸福, 所以咪成日對住大家
笑。』」
當時, 在阿朗把心裏的這番話說出口之前, 阿望那時候發動『神眼』的力量, 看着阿朗的眼睛, 一瞬間已經知道阿朗心裏想什麼。雖然是知道他的理由, 卻無法理解。阿朗點頭示意還記得當時的對話。阿望亦從那天起, 一直觀察着阿朗, 至今仍未找到答案, 所以他把握這次機會。
阿望直接地問:「點解你唔為自己著想，反而為其他人?」
阿朗就反而覺得很多人也會為他人設想，主動幫助其他人。
阿朗便那麼回答:「我又冇你講得咁偉大, 其實我都係為左自己, 只要我多D笑, 其他人都會自然笑多D, 咁我就覺得好滿足。呢個世界有好
多好似我咁既人, 會好樂意幫其他有困難既人。好似男班長咁, 自願做班長幫大家。」
阿望感到驚訝, 竟然世間上有如此天真的人, 好像在海底埋藏一枚古代金幣, 一直在閃耀着, 期盼被人發現一樣。阿望怕阿朗終有一日受到傷害。
所以, 出於善意提醒他:「其實唔係個個人都好似你咁, 好似男班長表面上係為大家咁, 其實佢鍾意女班長, 諗住做男班長會有多D機會同女
班長相處, 又可以留低好印象比女班長。」
阿朗雙眼發光, 大叫:「大新聞啊!」,
手已經來不及掩口, 然後全班同學都看着他們。
大家總是愛打聽緋聞, 他們爭先恐後地問。
「咩大新聞啊?」
「快D爆料啦~」
阿朗就隨便找個無聊的事實當作大新聞, 大家好像覺得自己被人愚弄一樣, 然後大家失去興致就散去, 總算是瞞騙過去。阿朗轉向阿望, 盡力抑制自己興奮的心情。
阿朗小聲地問:「你邊度收到風, 知道男班長鍾意女班長架?平時真係睇唔出喎。」
阿望抓了一下頭。
阿望用嚴肅的語氣說:「呢個唔係重點, 重點係好多人都為左自己, 所以先扮晒為其他人咁樣。你自己要小心D小人, 唔好比人利用。如果唔
係, 自己好易受傷。」
天真爛漫的阿朗搖搖頭, 心裏想,「如果幫助別人也要考慮這麼多, 真的有需要的人可能得不到幫助。」在心裏組織一遍後, 正要把它說出來之際,
阿望嘆了一口氣。
「都唔知點解你仲要諗人地比唔比到人幫。」
未說出一個字的阿朗感到「神奇」, 張開口,
又再大叫:「神啊!」
這次大家再沒有理會他們。
「點解你知道我諗咩野架?」
阿朗雙手搭在對方的肩膀上, 期望着回應的眼神使阿望沒法拒絕, 所以把自己「神眼」的力量全部告訴他。阿朗突然雙眼通紅, 眼淚不禁流了下來。
他哀求阿望:「可唔可以同我一齊玩 unlimitation?」
阿望反問他:「你想贏1億, 唔想再比細妹過住依家咁慘既生活?」
阿朗聽到這番話, 哭得更加厲害, 哭而無聲, 連說話的力氣也沒有, 只能用點頭作回應。過了數秒, 阿朗才回想起剛才有同學邀請阿望, 他似乎對 unlimitation 沒太大興趣, 好像有點勉人所難,
阿朗勉強用沙啞的聲線跟他說:「我淨係掛住自己, 對唔住。」然後努力地擠出笑容。
「我知道你冇興趣, 你就當我冇講過啦」
雖然阿朗說只為了自己, 但是阿望清楚知道他是為了他的妹妹才會提出要求。阿望看了一下阿朗粗糙的手。
阿望對他說:「我知道你係為左細妹先至日日一放學就去打 part-time, 做到好夜先番屋企, 仲要星期六日打幾份 part-time, 如果你真係只
係為左自己, 你大可以拋棄你細妹, 一走了知。」
阿朗緊握雙手, 心裏想, 「真柔, 我一定會好好守護你。」
或許阿望正因為聽到這句說話, 而決定助阿朗一臂之力。
「你要記住依刻既心情。」阿望認真地繼續說。
「我地一定會第一隊成功攻略遊戲。」
「即係你肯幫我?」阿朗剛才哭泣的眼淚仍在眼眶中打轉, 面帶笑容。
「係啦~但講明先, 我原本真係冇打算玩, 所以我冇買碟, 依家碟都賣到斷晒市, 可能未開始冒險就已經完。」阿望鬆容地說。
然後, 阿朗馬上從自己的書包裏拿出一集遊戲光碟, 好像為阿望一早預備似的。
阿朗雙手遞給阿望,說:「原本一隻係我, 一隻係比細妹, 既然你冇買, 咁我將細妹果隻比你先, 等遲D有貨先買比佢啦。」
阿望接過遊戲光碟, 上課的鐘聲響起, 然後數學老師進入課室了。在數學課堂上, 阿望覺得無聊, 偷偷地從抽屜裏拿出剛才接過的遊戲光碟。
在封面盒上除了以特大的字體寫着「1億獎金」以外, 他還注到
「將你的特點化作力量」。
這句話在他的腦海中不斷地盤旋, 想着想着, 不知不覺便放學了。
阿朗每天放學後都要去兼職, 他們相約在九點登陸 unlimitation, 阿朗便匆忙離開課室了。
回家途中, 阿望一直在想着「將你的特點化作力量」這句話。
回到家, 屋內漆黑一片, 他也習以為常, 燈也沒開就回到自己的房間。
他躺臥在床上, 看着那個句的遊戲光碟, 他還是很在意。
於是, 他把光碟放進遊戲主機, 戴上 VR的裝置, 就開始登入 unlimitation 了。
一進遊戲, 就在五光十色的城鎮裏, 城鎮的建築充滿古代歐洲風格, 而且門庭若市, 非常熱鬧。
有人在賣水果、裝備, 有人在表演、賣藝, 有人在搭訕、聊天, 可想言之, unlimitation 相當受歡迎。
逛着逛着, 他覺得有點疲憊, 便坐在噴水池的池邊。
在絢爛的燈色下, 現實世界的面容映照在水面上, 水面波光粼粼。
他一邊看着面容的倒影, 一邊讚歎 VR科技的進步。
現今的裝置除了準確地測量身高, 體重, 面孔, 這些外表作角色參數外,
甚至連腦內的性格, 特點也可以測量出來, 有不少遊戲也採納這些數據作角色的能力參數。
這些曾經令人驚訝的技術現在已經變得很普遍, 但對於第一次接觸 VRMMORPG 的阿望來說,
這確實是不可思議, 竟然能在虛擬世界裏看到現實世界的臉孔。
阿望看一看時間, 現在還是比約定的時間還要早, 他職業還沒選好就心急得衝去城鎮門口。
走出門口沒多久, 就看見一幫玩家正在打樹妖, 他們全部都使用技能,
阿望心裏想,「呢D樹妖應該就係 RPG 最簡單既史萊姆級數。」
他也急不及待顯露身手, 拿出匕首, 以迅雷不及掩耳的速度衝向敵人。
這個時候, 樹妖伸出藤鞭,
他握着匕首的手光速般揮動,
憑肉眼根本不能看出手部的動作,
但藤鞭確實斷了,
然後樹妖身上突然出現砍痕,
樹妖慘叫後,
化成金色的光點便消失了。
旁觀者看見後都呆若木雞。
回過神後, 大家歡呼起來, 蜂擁而上, 就像現實世界裏, 在當時新學年, 同學們看見阿望每件事都完美地完成, 腦筋聰明, 身體又靈活。
「啱先果招係你既 unique skill?」
「好勁啊!」
阿望幾經辛苦, 終於從人群中逃出來。明明剛才只是普遍的攻擊而已。
阿望回想起阿朗, 看一看時間, 比約定時間過了半小時, 他立即登出 unlimitation, 聯絡阿朗。
電話一接通,
阿望就馬上道歉: 「sorry 啊, 阿朗。第一次玩 VRMMORPG 忘左形。話時話, 啱先出去試下打怪, 見到一大班人係新手場刷怪, 但係佢地
不停用技能, 唔係一個兩個, 係好多個人都係咁, 新手場既怪唔會太難打掛?點解佢地不停出技?會唔會太奇怪?唔攰咩?」
阿朗招架不住阿望的提問, 即刻打斷他的說話: 「等等先, 唔洗咁急, 係電話有D難解釋, 我地依家入 unlimitation, 係 game 到易解釋D。」
然後他們就相約在起始之鎮的噴水池。
阿朗看見一身黑色的裝束, 腰帶繫着小匕首, 跟阿望形容得一模一樣。
阿朗走上前, 說 : 「果然有你既風格, 阿望, 啊唔係, 應該叫你『望眼欲穿』。」
「咁我應該叫你『黑色劍士』?」阿望就冷淡地敷衍了一句。
「哈~講得冇錯啊, 『望眼欲穿』兄。」阿朗大笑地說。
阿望有氣沒氣地問: 「出技唔係要好集中先得咩?點解佢地不停出技?唔攰架?」
阿朗便回答: 「緊係攰啦!只係想變勁就要咁做。」
「點解?」阿望追問。
「因為 unlimitation 冇計玩家LV, 只有 skill lv, 而 up skill lv就要用多D skill, 用 skill 殺多D怪, 怪愈勁, up得愈快。」阿朗詳細地回答。
「我都未話你, 點解咁快出去打怪, 萬一你死左, 就要重新黎過。」阿朗生氣地說。
「重新黎過?咩野意思?」阿望完全搞不懂這是什麼狀況。
「因為死左之後, 全部野都會冇晒, skill, skill lv, 錢, 道具, 裝備, 咩野都冇晒, 咁咪即係等於重新玩過。好彩你依家仲係新手, 冇咩大損
失。」阿朗解釋。
「仲有...」阿望還是滿腦疑問, 想繼續問下去, 他好像也察覺到自己很麻煩。
阿朗不厭其煩地說: 「仲有咩?」
「unique skill 係咩?」阿望充滿疑問地問。
「unlimitation 會分析由VR裝置掃瞄人腦同身體得出黎既數據, 為每個人製造出唔同 skill, 叫做 unique skill。
而 normal skill 就係你去唔同既地方搵職業技師去學。
你依家試下拉個 menu 出黎, 你係skill到會見到 normal skill 同 unique skill。
依家你未去搵職業技師學技, 所以一個 normal skill 都冇,
但每個人一開始就有 unique skill, 所以你可以依家睇到自己既 unique skill 個名, 但實際係咩野就要試過先知。
不過, 係城鎮除左決鬥之外, 係唔可以攻擊玩家同出技。」阿朗的解釋詳明。
阿朗提議:「係城到又試唔到技, 不如出去試下自己既 unique skill, 當熟習點樣出技。」
然後他們走出城外, 拉開各自的 menu, 準備使用自己的 unique skill。
阿朗按一下自己的 unique skill, 擺好姿勢, 集中精神,
大叫:「『爆烈斬』。」
樹妖由中間一分為二, 樹妖被烈火燃燒殆盡, 變成金色的光點後消滅。
阿朗望見阿望還沒嘗試自己的 unique skill。
「你點解仲唔出技啊?」
「我都想知點解, 點解我冇 unique skill !」阿望又再滿腦疑問。
「係喎, 點解你 unique skill 個 menu 裡面咩野都冇既?」阿朗也覺得奇怪。
所以他們去聯絡 GM, 經 GM 查明後, 怎料 GM 竟然回應了
「沒有異常。」
這樣的回覆令他們更摸不着頭腦。
他們回到城鎮後, 發現人流減少了。
阿朗看一看時間, 已經夜深了, 阿朗提議暫時登出 unlimitation, 明天回校商量一下, 或許明天就正常起來。
阿望從 unlimitation 的世界回到現實世界,
他躺在床上, 雙手托着後腦,
心裏想:「如果遊戲真係正常, 咁到底我既 unique skill 係咩?」
他想着想着, 就睡着了。
************************************************************ 第一章完 ************************************************************