陰質事件: 3.1

珊:「咦, 你睇下自閉仔咁早就來上堂喎.」
君:「係喎, 我們坐唔坐埋去好呢?」
沈:「一齊坐啦, 同學來嘛.」
 
沈:「嗨!」
俊:「嗨…」
沈:「記得我嗎? 阿沈呀.」
俊:「記得…」
 
君:「陣間LUNCH食咩好呢? 我想食COFFEE CORN呀.」




珊:「係喎, 我想試下個雞脾沙律.」
沈:「你陣間同唔同我們一齊食飯呀?」
「喂!」苑珊用手肘撞了阿沈一下, 示意他不要邀請家俊, 但阿沈已經開口了.
俊:「嗯…好呀.」
有新認識的同學邀請共進午餐, 家俊感到絲絲溫暖, 他知道自己慢熱, 但都希望得到體諒, 假以時日大家可以打成一片, 但旁邊的苑珊和樂君就極不願意和他做朋友, 午飯期間, 她們不停玩手機遊戲, 對家俊不屑一顧.
 
沈:「你讀哪間中學?」
俊:「長洲官立中學.」
珊:「咩話? 長洲官立中學?」
俊:「係呀, 我住長洲…」




珊:「咁都俾你考到入中大, 犀利!」
沈:「咁你A-LEVEL成績一定好好, 睇你讀書好似好叻咁.」
俊:「3A2B.」
君:「3A2B?」
沈:「嘩…你好勁喎! 咁勁點解唔讀LAW或者讀醫呢?」
俊:「嗯…我覺得做律師和醫生不太適合我, 而且我對這科有興趣.」
珊:「咁又係, 你點睇都唔似醫生或者律師啦, 你個款咁…」
苑珊差點將”嘟”字說出口, 被樂君笑著阻止了.
 
珊:「喂, 你有無發覺呢, 頭先成餐飯家俊都含情脈脈望住阿沈呀?」




君:「有呀有呀!」
珊:「你估佢係咪基丫嗱?」
君:「嗯…唔會呱…」
珊:「佢只與阿沈說話, 都唔睬我們兩個! 我肯定佢對女仔無興趣!」
君:「哈哈! 你下次直接問佢囉!」
珊:「你估我唔敢呀?」
 
「嘩! 我要坐呢度!」
苑珊奔向課室正中間那行無人的座位, 霸佔了最左手邊的位置, 樂君隨即霸了她身旁的座位, 阿沈尾隨其後, 剩低阿沈側邊一個空位, 留給姍姍來遲的家俊. 連續幾星期, 她倆都時常借機讓阿沈和家俊坐在一起, 上課時見他倆交頭接耳就放聲大笑. 阿沈不以為意, 以為她兩個貪玩而已, 並不是故意恥笑家俊的. 午飯時, 她倆又經常借口四人座位太窄, 想分開坐二人枱, 製造機會讓他倆”撐枱腳”, 她們就躲在一旁細聲講大聲笑. 二人已經將家俊當做娛樂大眾的小丑, 對他毫不尊重同情.
君:「哈哈! 你一啖我一啖咁, 好SWEET呀!」
珊:「等我拍低佢做証據先…」
苑珊拍低了他們食飯的情景, 家俊將一半意粉和阿沈分享, 他對阿沈是親暱了點, 可是只當他是好朋友, 沒有避諱, 卻沒有想過這樣引發了同儕間的話柄.
 
晚上, 苑珊將那張相發放出去.
「快看! 我們系有個死基佬, 纏上了阿沈!」




「他是家俊?」
「唔係佢仲有邊個?」
「唔係呱, 阿沈聽講有女朋友喎.」
「阿沈直的, 係家俊孿啫！」
「有女朋友都搞?」
「有圖有真相! 以後你們小心這個人, 小心被纏上! 哈哈哈!」
一夜之間, 大半個學系的人都看過這幀照片, 都對苑珊的誣衊信以為真.
 
「你睇下佢行路個衰款…」
苑珊躲在家俊背後扮他走路的姿勢, 下盤誇張地扭動, 一搖一擺, 眾人都笑得瘋了.
「你幹什麼?」家俊對她怒目而視.
「咩呀!」苑珊毫不相讓, 回敬兇惡一百倍的眼神.
「喂, 走啦走啦…」樂君拉著苑珊.
「拉住我做咩啫...你呀! 我警告你呀! 唔好再纏住阿沈呀! 人地有女朋友嫁!」
樂君見勢色不對, 使勁的拉走苑珊.




「喂, 你拉住我做咩啫? 佢頭先兇我呀!」
「我見到…但我們都係講下笑啫, 無謂搞咁大啦.」
「咩呀? 你即係話我屈佢呀? 佢點對阿沈你都見啦, 我係為阿沈好才警告他! 我係針對佢又點? 我堅係睇佢唔順眼堅係覺得佢埋堆乞人憎! 最憎人埋堆嫁喇, 明明唔想同我們玩又夾硬痴埋黎, 都唔知搏咩!」
「……哎呀, 別生氣了…」
「佢再痴埋我們幾個度, 我過份啲都仲得!」
 
無原無故被罵了一頓, 但四周的同學只笑他一個, 家俊感到很莫名其妙, 又不明白為何苑珊會憎恨他, 他什麼也沒做過.
 
阿沈對那張照片的事懞然不知, 下課後和家俊前往吃飯途中, 苑珊和幾個看過那幅照片的同學突然圍在家俊前面.
「基基! 佢下盤肥大~」
「基基! 愛滋菌玩哂~」
「基基! 不需要太太~」
他們如快閃黨般又唱又跳大聲叫囂, 又在面前醜化他走路的樣子, 惹來途人張望嘲笑, 家俊感到被百般揶揄和奚落, 脆弱的心靈當堂忍不住淚水.
「你們做咩要咁笑我……」
誰知一見男兒淚, 他們笑得更大聲.




「男人之家流馬尿喎! 哎呀成個女人咁, 哈哈哈!」
「小氣鬼! 基就認左佢啦!」
「我唔係呀…邊個話我係基…」
眾人弄哭家俊, 然後指著他笑罵, 家俊心靈受創, 而阿沈就一面無奈.
 
君:「我未飲夠! 我唔番屋企!」
DONALD:「你醉喇…」
此刻DONALD扶著醺醺大醉的樂君截的士, 車上, 樂君終於醉倒在DONALD的胸膛呼呼大睡起來, DONALD的手輕放在樂君胳膊上, 避免她跌倒. 她豐滿的胸脯觸碰到DONALD的身體, 令DONALD不禁泛起一絲男性的衝動.