一個人的辦公室: 23.

23.

眼見母親佢成個人震晒, 想捉住我唔俾走,

我立即大話mode,  "去見果位唔係你諗果個陳生呀, 係另一個人黎....."

母親知道我係講緊大話, 就話 "你婆婆生前只係識得2個姓陳, 一個上年唔響到, 得返一個仲未死, 

咁你係去見死左個位呀定係去見未死個位呢?"





母親咁講一講我都冇辦法, 只好講d佢應該知既野俾佢聽啦, 唔應該個d就唔好講啦, 廢

"婆婆前日托夢斜我, 叫我去搵下陳生佢, 佢話有d野佢欠左婆婆既係時候還,

係咁多姐, 你唔洗擔心wo....你多心啦!"

母親佢突然爆左句, "你知唔知個條友點對你婆婆呀.......佢打身有能力阻止好多野, 

就因為佢既自私, 搞到我地頭家散晒, 而你婆婆就一心當佢神咁拜





當時你公公過左身, 而咁岩你婆婆有左幾個月, 就因為佢d鬼話, 搞到你婆婆小產左, 我冇左個細路妹.

而且佢當時成日上黎, 想借意溝你婆婆.............總之我對呢個人係極度憎恨啦!!!!"

聽完呢番話, 我心底開始有個問題, 呢個陳師傅到底係咩野人?

我懷住呢個心情去見佢..............







to be continued