一個人的辦公室: 11.

11.

返到屋企, 見到多左對高跟鞋, 就知道係阿靜上左黎,

但係氣氛好似有D怪.............

佢一見到我返黎, 就一手捉住左我入房,

"唔通想大戰3百回合?" 心諗





當然..............唔係啦, 佢一野櫃咚我問"你係唔係有第2個女人?"

呢一下充滿火藥味既櫃咚令我唔知講咩野好同好想笑 

因為佢比我矮, 同佢平時好似佢個名咁好文靜, 唔知點解突然咁火, 係咩野原因令佢咁諗呢?

"我響FB見到你同幾個女人影相, 仲要好close咁影, 講佢地係邊個?" 佢眼有淚光地口震震住咁講.

"冇呀, 你講緊邊張相, 我同女仔影相都係得個幾張, 仲要係你知幾時影架wo......" 我一臉疑惑咁反問佢





"你自己睇, 你同人影相唔緊要, 你要同咁老既女人咁close咁影就唔得!!!!" 阿靜既眼淚忍唔住爆左出黎. 

我睇一睇 之後得啖笑, "你睇清楚d佢地係邊個? 你唔認得咩?"

"我認得, 佢地係你班同事呀ma, 但係佢係邊個呀? 佢同你咁close咁影?" 佢指住相中我身旁位置咁講

我再認真咁睇, 真係好似有個人, 而且個頭好似貼住我個頭咁......

"你講呀, 邊個黎架?" 阿靜再一次質問我, 但我知道, 我唔應該話佢知發生咩野事, 





只好求其講左個善意的大話, "佢呀? 佢係畢業生黎, 設黎搵我地影下相姐, 唔好嬲嬲豬啦, 下次唔會再同佢地咁影相. ok?" 

阿靜就立即笑返同串我咁話, "你想死呀, 仲想有下次, 今次就算啦."

當佢幫我阿媽開飯個時, 我拎左佢電話send返張相俾我........

但到我再睇返, 又好似冇左個人響到....................................














to be cotinuns ..........