流氓聖騎: Ch.3
利威爾望了一下在自己面前破地而出的尖石刺，再望向丁蟹。而丁蟹掃視周圍
後亦再望回利威爾。
二人目瞪口呆地互相望著對方良久，不知道應該說什麼。
忽然間，利威爾在丁蟹消失得無影無蹤！就像變魔術一樣！
嚇得丁蟹大聲一呼！整個人向後倒下。
心慌的丁蟹如小鹿亂撞般橫衝直撞，跑出屋外。在走廊中狂奔的丁蟹，跑到電
梯口狂按電掣，眼見電梯尚有一段時間才到達，便改去後樓梯。
足足用了十多分鐘由十二樓跑到地下大堂，再用了數分鐘跑到附近的「7-11」，
才肯停下來。
丁蟹走去飲品櫃前想買支凍飲冷靜，掏褲袋時卻發現自己沒有帶上錢包。
「Oh shit……」丁蟹低聲地暗罵一句，接著便走出店外，打算去「麥當勞」
裡逗留到天亮。
由於他不知利威爾現在身在何處，他不敢減慢跑速，一路全力加速。
當丁蟹跑到「麥當勞」時已經大汗淋漓，不停氣喘。他選了一個比較接近收銀
處的位置坐下。他慌慌張張地四處張望，生怕利威爾會突然出現。
「喂！阿蟹！」一聽是利威爾的聲音，頓時教丁蟹魂飛魄散！連話也說不出來。
「我唔會傷害你架，你頭先所做野我都唔會爆出黎架，一係咁，我係度將成件
事解釋清楚，ok？」利威爾走到丁蟹的對面坐下來，
利威爾把身子靠近丁蟹，壓低聲線，以防旁人輕易聽到：「其實我同你一樣，
都係擁有超能力ge人，亦即係『異能人』。」
丁蟹一臉狐疑地望向利威爾。
「雖然我唔清楚你用緊ge係咩能力，但我用緊ge係變形能力，亦即係可以變成
所有ge生物，動物啊、植物啊，之類ge野。」利威左望右望，確保無人後續道：
「 我黎香港ge目的係為左搵食，同埋過世，而且大家都『異能人』，大家都知大
家咩事，所以我一定唔會踢爆你架。況且，阿夏、阿傑同埋你，係我初黎香港識
到ge朋友，亦係我係香港唯一一班朋友，我又點敢出賣你啊？如果唔係果個咩咩
『齊天大聖』咪黎搵我算帳？」
「變形……咁係話－」丁蟹心知自己音量太高，便馬上剎停自己，並且壓低聲音。
「原來你就係『齊天大聖』……！」
「吓？」
「仲扮野！？你識得變身仲唔係『齊天大聖』？呢個宇宙入面就只有『七十二
變』先可以變到所有動植物，我早就覺得『齊天大聖』有無可能同我一樣都係『
異能人』黎，點知你一講你ge異能係變形果一刻我就估到你係喇！哇…真係估你
唔到！不過話時話啊，我係好想知道你係點樣醫好阿傑架？」
「果一下呢，等到第時有機會ge時候先用出黎俾你睇下啦。」
「咁講下咩黎都得掛？」
「總之同『光』有關啦。」
「唔通係『治療術』？咁即係話你係一個『異能人』之餘，亦都係一個『補師』
？」
「唉，事到如今，唯有講出黎啦……其實我唔單止係一個『異能人』，而且仲係
一個『聖騎士』。」
「『聖騎士』？『魔獸世界』？」
「類似啦，但又有d唔同，我識ge同你地打機入面ge有d出入。」
「咁可唔可以講黎俾我聽下有咩出入？」
「等陣間先啦…成班南亞佬一身賊氣咁入晒黎喇……」利威爾把眼珠向著丁蟹的右
方一滾，令丁蟹注意到一班南亞人眾集在收銀處。
不到一秒，領頭的南亞人從褲袋拿出一把小刀向店員索錢！其身後的南亞人紛紛出
亮出小刀並走向利威爾他們，揮刀呼喝，準備行劫！所有店員紛紛舉起雙手，驚恐不
已。
「點算啊……？」丁蟹臉露驚恐，詢問利威爾。
「仲駛問……緊係甲、乙、丙－」
此時，一名劫匪抓著利威爾的肩膀上的衣服欲抽他起身！誰知那名劫匪突然「哇」
了一聲後，整個人就如軟泥般倒在地上！利威爾迅速站起身來，再向其同伴的臉上來
了一波連環拳，打得他滿臉是血，失去知覺。
其他劫匪發現狀況，紛紛放棄行劫，先衝過去圍攻利威爾！
「嘖、一堆男朋友－」利威爾抄起椅子丟向劫匪們，之後向前凌空一跳，向領頭
的劫匪使出一式飛踢，踢得他垂直地向後倒地，而其身邊的劫匪們朝剛剛衝入陣中
的利威爾瘋狂揮刀，使利威爾的左右臂同時吃了幾刀！
無懼痛楚的利威爾繼續進攻！以極快的速度蹲下身子，踩著已倒地的領頭劫匪的
臉借一借力，使出肩撞撞向距離他最近的劫匪，直接將他整個人撞向櫃台。
硬如鋼鐵的肩膀剛好對正胃部，直教那劫匪痛到當場嘔了出來！利威爾就立刻提
起他作「擋箭牌」，剛好擋下迎來的那幾刀。劫匪們見自己錯斬錯同胞，嚇得他們
紛紛退後數步！
利威爾一見機會一來，便馬上把雙手提著的劫匪「還」他的同胞們，他發力丟！
把一整排劫匪擲倒在地。
「走！」把所有南亞劫匪打倒後，利威爾迅速跑出店外，丁蟹立即跟上，而看得
一直呆住的店員們見到所有劫匪倒地後，馬上報警。
利威爾和丁蟹一齊跑到附近的一個小巷才停下。
「哇！你真係好勁揪wo！犀利啊！阿威！」丁蟹向利威爾豎起姆指。
「講呢d wo…小兒科啦……反正都遇唔少。」
「乜阿威你以前成日打交ge咩？」
「啊…差唔多啦。」
「其實呢，我真係估唔到原來係現實世界入面聖騎士打起交上黎仲快過『ADC』！
仲以為聖騎士只係坦黎ge tiｍ！」
「嘖，有時有d野咪鬼睇完就信到十足十！真相同睇到ge野分分鐘係兩回事……啊、
係啦！話時話啊，你好似仲未講俾我聽你ge異能係咩wo。」
「我ge異能呢，就比較特別d ge，頭先我係你面前用出黎ge其實其中一種，實際
上我係有五種力量，分別係『金』、『木』、『水』、『火』、『土』。」
「亦即係『五行』屬性？咁頭先個一下肯定係『土』。」
「咦？乜阿威你都識呢d ge咩？」
「哦，咁我細細個就對中華文化d野有興趣，所以咪去跟人學下lo。」
「原來係咁……喂！不如我地宜家快d番去啦！你睇下，d差佬都開始黎緊架啦！」
警車的嗚聲愈來愈清楚，他們隨即抽身就跑。
二人回到家後，丁蟹第一時間緊鎖門窗，請利威爾把有關「齊天大聖」的來龍去脈
，完整道出。
「老實講啊，我對你裝神弄鬼呢家野好有性趣，既然宜家大家都係『異能人』……
即係同一條船。唔知你可唔可以講黎俾我聽下呢？」
「其實呢……我變成孫悟空ge目的呢，都係因為想用佢做個煙幕，方便行事。唔通要
我用個真身出黎當街當巷係度揚咩？到時爭硬幫唔夠幾個人之後就俾人塔番去、從此同
我心愛ge香港講bye bye。」
「原來係咁……喂、既然事到如今，不如預埋我啊！反正行俠仗義、鋤強扶弱，一直都
係我ge夢想黎ga！只係無人support，怕一隻手掌拍唔響，但宜家唔同晒喇，有你呢個老
江湖係度！一於大家一齊拍住上！」丁蟹滿臉笑容地搭著利威爾的肩膀。
「咁……」
「唔駛咁喇！一於係咁話啦下！以後你我合力，搞好香港！」丁蟹隨即擺出一個姿勢來。
「唉、算啦！既然有緣同你住埋一齊，而且都係『自己友』，咁呢件事就拜託晒啦！」
丁蟹一聽，高興得馬上跟利威爾握拳擊掌。
「一言為定！」
「等陣－請問呢度有無洗衣機啊？」
「有，做咩啊？」
「無咩野，頭先有條南亞佬嘔左落我背脊度姐。」利威爾把泥黃色的背心脫下來，看到
上面早已乾掉的污跡後不禁破口大罵：「屌佢老母班撚樣啊…真尻係……累人累物就死番去
咪撚係度獻世啦！」
「哇！乜聖騎士都會爆粗ge咩？」
「嘖、講呢d？我地連友都劈啦！」
「吓？乜你地d聖騎士唔係應該慈悲為懷ge咩？」
「慈悲都唔係亂咁慈架！對住d唔應該慈悲ge人慈悲，就係對呢個世界ge殘忍。所以你咪
係新聞上見到我整到班Hi Hi慘過死lo。」此番說話，教得丁蟹無言以對，因為他心中覺得有
理。
一大清早，夏和父母一起開店。前來買水果的街坊們比平常都多，好奇的夏便問住在附近
的張嫂道：「張嫂啊，點解今日咁多人黎生果ge？」
「乜你唔知咩？最近呢頭開左個大聖爺廟，俾我地去拜一拜大聖爺，順便去祈下福啊！」
「大聖爺廟！？乜原來有呢樣野架？點解我唔知ge？」
「哦，呢個廟之前因為大聖爺像仲咪請出黎，所以今日先開始俾人去拜lo。啊！係喇、你
不如搵日都去拜一拜啦，話唔定大聖爺會保佑你同阿傑ge姻緣呢！」
尷尬的夏紅著臉，向張嫂報以笑容。
「睇下你臉都紅埋就知啦……得啦、得啦、我唔講啦！今日就要一個桃啦！買完之後要拎
去敬大聖爺啊！」夏從桃堆裡挑出一個比較優質的出來遞給張嫂。
張嫂付款後，向夏道別。此時利威爾剛好回來上班。
「阿威！」聽是老闆娘的喚聲，利威爾前去向老闆娘他們打招呼。
「你黎得岩喇！幫我將呢幾個生果籃送去呢間廟度啊。」老闆娘把寫著地址的卡片交給利
威爾。
「Ok！好快搞掂！」語音未落，利威爾就提起兩個水果籃起程。
不消五分鐘，利威爾就把貨物送到一間新開張的寺廟，不過他沒想到這間廟居然在供奉「
自己」。
「唔向左走向右走係掛……」望著人山人海的「齊天大聖廟」，利威爾為自己的
「好事」所帶來的後果感到意外。
在大堂的正中間，有一名身穿道袍的中年男人正在主持開幕禮，利威爾把貨物送到廟內的
工作人員的手上後，就把目光投在他的身上。
「各位街坊！貧道好榮幸可以請到大聖爺ge金身黎到廟內，去俾普羅大眾祈個福、許個願！
等大聖爺降福全香港！！！」圍觀的群眾無不叫好，在熱烈的喝采聲以及拍掌聲之下，中年男
人為「齊天大聖」像「開光」。群眾就如魚貫入殿參拜。
利威爾凝視數秒後便返回水果店。
下班後，利威爾在附近徘徊至十一時多才回到家裡。還順便去「齊天大聖廟」前觀察一次。
「阿威？乜你由六點幾等到宜家啊！？」
「唔係，我岩岩先番到黎姐。」
「咁你之前左邊啊？」
「我今日送貨果陣送到去一間新開ge廟，見果間廟有d古怪，咪趁放工之後去睇下lo，一睇就
睇到宜家喇。」
「你講緊阿夏間果欄果頭？喂、正啦Hi 你！成村人都係度拜緊你wo！」丁蟹猥瑣地笑著說。
「嘖、正條鬼咩！搞到我lo lo攣就真！明明只係想幫下人，順便過下癮，點知就俾人擺左上神
枱喇！唉，今鋪真係頭痕到爆。」
「咁你想拆左間廟去？」
「又唔係ge，只係覺得佢地好似想係度呃鬼食豆腐咁，打算去查下佢地睇下
有無料到咁。」入屋後，二人馬上坐在餐桌前商量此事。
「你打算幾時查？」
「過埋今晚。」
「Ok……不過話時話，其實我有個問題想問你好耐架啦，平時你係點樣去行動架？即係呢，走去
行俠仗義果d。」
「哦，呢樣野啊……我仲未有收入、未做響個朵之前呢，我就會趁夜晚果陣變成蚊啊、蜘蛛啊之類
ge細隻野,，周圍巡邏。有左收入、出左名之後呢，就間唔中去下『i-one』，咁事關我係高登度開左
個post，就叫做：『[真心][誠心]齊天大聖祈求區』，之後d人就會係入面留低願望，我得閒咪走去『
i-one』睇下d留言，覺得合情合理ge我就會出手。」
「哇！咁有系統性ge？正wo！不過你每晚咁做法唔駛訓ge咩？」
「呢一層你少擔心啦，總之我捱得住架啦！」
「啊，你一咁講我就覺得唔對路喇，你尋晚手上面果d刀傷又會突然間唔見晒ge？你一定仲有d異能
未同我講！」
「……」
「喂、講啦！呢度得你同我，仲d有咩好顧忌wo？仲有大家都係『異能人』、自己人，有咩野係唔可
以講出ge姐？」
「如果我同你講美國隊長入面d野係真ge話你會唔會信？」
「美國隊長？」
「你信唔信係呢個世界上，一枝針，就可能令一個人強化、令一個人突破人體極限？可以唔駃食、唔
駃訓甚至可以自我再生？」
「梗係信啦！連異能都有wo……呢d野都唔爭在啦下話……唔通－你俾人打過針？」
利威爾點點頭。
「哇！唔怪之得你咁好打啦！原來你係基因強化者！」
「其實我仲可以打得再快d架，但見有閉路電視係度，就費時啦。」
「估唔到你都幾深藏不露下wo！」
「如果唔咁樣扮下野ge話，咪俾人知道有『異能人』ge存在？咁到時仲得了ge？」
「啊、咁又係wo……」丁蟹頓了一頓，「咁你今晚會唔會出去巡邏啊？」
「會，只要你唔好再用石尖吉我ge話。」
「果次意外黎ge姐，夜媽媽咁黑，我鬼知係你咩？」
「既然係咁算啦，你今晚都係早d訓啦，你聽朝仲要番工架。」
「咁你呢？你唔駃番果欄ge咩？」
「放心啦，我唔駃訓都無問題，反正個身體都已經不再正常－」利威爾伸個懶腰，便走向窗邊。
「咁好啦，你自己小心d wo。」
利威爾背向丁蟹擺出個「Ok」的手勢，輕輕推開窗戶後就把身一轉，變作一隻蚊子飛走，這一切猶如變
魔術一樣，直教丁蟹看得目瞪口呆。
待續