五千天的小確幸: 陳。醫生。叔叔
陳。醫生。叔叔
豬：
你在那邊好嗎？我很好，勿念。
記得醫生叔叔嗎？我地每日散步都經過佢門口，都好想入去打個招呼，講個多謝，不過次次都好多人等緊所以未做到。終於尋晚甘岩撞到佢早放工問起你，佢甘記掛住你，你真的要好好多謝人家知道嗎？你記得果日嗎？醫生叔叔竟然關左成間診所，推哂所有預約，就系留俾我地一家人唔受騷擾，好好同你珍惜最後獨處既時間。佢成日都話你系好特別既，你就用特別既方法多謝人家呀！
哥哥字
陳醫生（叔叔）
我系豬呀，無見左一排咯，有無掛住我呢？我而家系天堂上面好好，仲見到Ｄ一齊系你度既小朋友，都好想感謝你一直對我地無微不至既治療同照顧，為左我地，假期都特登返黎睇，真系唔好意思。更加既系對我地屋企人既關心，尢其系我哥哥，佢平時都唔系甘聽人講架啦，系你同我先搞得佢掂咋。謝謝！
果排日日都見到你，好想叫聲你叔叔，感覺上你好似我屋企人一樣。雖然你系有時長氣左小小，但系同你見完又安心Ｄ開心Ｄ，我哥哥話而家成日經過你門口都想入黎探下你，帶我Ｄ細佬妹同你打個招呼，幫下你手照顧你Ｄ客仔，你知佢地要等你幾耐先得架。
可以做自己中意既工作，以自己喜歡既方法做系一件幸福既事，叔叔加油呀！我地一班系天堂既小朋友衷心祝福你身體健康，開心自在，地球就靠哂你啦！
豬上
豬：
我系叔叔呀，多謝你。你真系很特別很特別。你哥都系。再見
叔叔上